කොස්ගම කඳවුර අවට  ළිං සියයට 95 ක ජලය බිමට  සුදුසු බවත් අවි ගබඩාව ගිනි ගැනිම නිසා අහිතකර  රසායනික මුසු වී නැති බවත් ජල සම්පාදන මණ්ඩලය කියයි.

මහජන සෞඛ්‍ය පරික්ෂකවරුන්,ජල සම්පාදන මණ්ඩලයේ නිලධරයන් ඇතුළු කණ්ඩායම් හයක් අද (09) වන විට ළිං 406 ක ජලය පිරික්සා ඇතැයි ද ළිං පහක හැර  සෙසු ළිං ජලයට කිසිදු රසායනයක් හෝ බාහිර ද්‍රව්‍යයක් මුසු වි නැතැයි ද ජලසම්පාදන මණ්ඩලයේ රසායනාගාර සේවා ප්‍රධානි එච්.එච්.කේ.අමරකොන් මහතා කියයි.

ළිං පහක ජලය අපිරිසිදු වී  ඇත්තේ පිපිරිම නිසා නොවු එදා සිටම එම ළිං ජලය අපිරිසිදුව තිබු නිසා බව ඔහු කියයි. ග්‍රාම සේවා කොටස් අටක සියළු ළිං පරික්ෂා කරන බවත් කඳවුරු භූමියේ භූගත ළිදේ හා  කඩා නොවැටුණු කුළුනේ ජලය ද බීමට  සුදුසු බව ඔහු කියයි.

ළිං පරික්ෂණයට ගිය නිලධරයෝ පිරිසිදු ළීං වල වතුර බී පෙන්වුහ.