(යොහාන් භාසුර)
‘කොවිඩ්’ වසංගතය හේතුවෙන් පාසල් වසා තැබීමෙන් 2021 වසරේ බස්නාහිර පළාතේ දරුවන්ගේ අධ්යාපන කටයුතු සියයට 90 කින් ද, සෙසු පළාත්වල දරුවන්ගේ අධ්යාපන කටයුතු සියයට 70 කින් ද, පාඩුවී ඇති බව මහරගම ජාතික අධ්යාපන ආයතනයේ අධ්යක්ෂ ජනරාල් සුනිල් ජයන්ත නවරත්න මහතා පැවසීය.
‘කොවිඩ්’ බලපෑමෙන් 2020 වසරේ බස්නාහිර පළාතේ දරුවන්ගේ අධ්යාපනයට ඇතිවූ පාඩුව සියයට 55 ක් ද සෙසු පළාත්වල බලපෑම සියයට 45 ක් වන බව කී නවරත්න මහතා එම අධ්යාපන පාඩුව සති 20 ක් තුළ සම්පූර්ණ කිරීමට අධ්යාපන අමාත්යාංශයට යෝජනා ඉදිරිපත් කළ බව ද සඳහන් කළේය.
එම සති විස්සේ අධ්යාපන වැඩපිළිවෙළ යටතේ අත්යවශ්ය කරුණු පමණක් ඉගැන්වීමට ගුරුවරුන්ට සහ විදුහල්පතිවරුන්ට උපදෙස් දුන් බවත් එම වැඩපිළිවෙළ මේ මස සිට ක්රියාත්මක කරන බවත් සුනිල් ජයන්ත නවරත්න මහතා වැඩිදුරටත් කීය.
COMMENTS
Reply To:
Sisira - cb chds hcdsh cdshcsdchdhd
අනුර කුමාර දිසානායකගේ සහ සජිත් ප්රේමදාසගේ ගරු උපදේශන සහිතව පවත්වන ගුරු වර්ජනත් මේ තත්වෙට හේතුවෙලා තියෙනවා. කොහොමටත් ජවිපෙට ඕනේ සිසුන් කැට හොල්ලන වැඩට මිසක් රිසර්ච් කරලා, අලුතෙන් දේවල් හොයාගන්න දෙයකට යොමු කරන්න නොවේ...
ඉහත දක්වා ඇති සංඛ්යා ලේඛන අනුව දරුවන්ට වසර 2 තුළ කොතරම් අධ්යාපනය මගහැරී ඇත්දැයි පැහැදිලියි. සිසු දරුවන් වසර 2ක් තුළ දැනට වාර විභාග 5 කට මුහුණදී නැත. දැන් ඇති වැදගත්ම කාරණයක් වන්නේ සියලු දරුවන්ගේ වර්තමාන විෂය දැනුම පිළිබඳ සංඛාත්මක තක්සේරුවක් හැකි ඉක්මණින් ලබාගැනීමයි. මෙම දරුවන් මතු දිනක දීප ව්යාප්ත විභාගවලට (5 ශිෂ්යත්වය, සා.පෙ., උ.පෙ.) මුහුණ දියයුතු බැවින් ඔවුන්ගේ වර්තමාන විෂය දැනුම පිළිබඳ සැබෑ ස්වරූපය අධ්යාපන අමාත්යංශ දැනගැනීම ඉතා වැදගත්... අධ්යාපන අමාත්යාංශ මට්ටමෙන් සැකසුණු (පළමු හෝ දෙවන) වාර විභාගයක් දීප ව්යාප්තව පවත්වා සියලු ලකුණු එක්රැස්කර විශ්ලේෂණය කර ගැටළු හඳුනාගෙන පිළියම් යොදන්න. අධ්යාපන අමාත්යාංශ මට්ටමෙන් සැකසුණු වාර විභාග ඉදිරි වසර සඳහාද පවත්වා ලකුණුවල ප්රගතිය නියාමනය කරන්න. මෙම ක්රියාවලිය තව වසර 10ක් පමණ ලංකාව මුහුණ දිය හැකි භයානක අධ්යාපන අර්බුදය යම්තාක් දුරකට සමනය කරගැනීමට පිටිවහලක් වනු ඇත.
මෙම වසංගතයට පෙර නිදහස් අධ්යාපනය සැමට එකලෙස ලබාගැනීමට අවස්ථාව තිබූ බැවින් ඉතා අගහිඟකම් සහිත දරුවන් පවා 5 ශිෂ්යත්වය, සා.පෙ., උ.පෙ. ඉතා විශිෂ්ඨ ලෙස සමත්ව උසස් අධ්යාපනයද ලබා රටේ වැදගත්ම නිල තල දරමින් ජීවිතය ගොඩ ගැනීමට සමත්විය. නමුත් පසුගිය වසර 2 අඩු පහසුකම් සහිත දුෂ්කර පාසල් මෙන්ම නාගරිකව පිහිටි ජනප්රිය නොවන පාසල් මාර්ගගත අධ්යාපනයට දරුවන් හා සම්භන්ද නොවූ තරම්. ඒ නිසා විශේෂයෙන් මෙම පාසැල් වල දරුවන් වසර 2ක සම්පුර්ණ අධ්යාපනය මගහැරී ඇත. මාර්ගගත අධ්යාපනය සම්භන්ධව අධ්යාපන අමාත්යංශ මට්ටමෙන් නිර්ණායක හා නියාමනය තිබුනේ නම් මෙතරම් අවුලක් සිදුවන්නේ නැත.
ඕක කියන්න ආචාර්ය වරයෙකු මොටද.කවදාවත්ම පාසැලකට නොගිය කෙනෙක් හිටියනම් ඔහුත් දන්න දෙයක්
වසංගතය නිසා වරින් වර රට වසා දැමීම විවෘත වීම සිදුවුනත්, සැමවිටම පාසල් ආරම්භ කිරීමට දින වකවානු යෙදුවේ රට විවෘතවී මසකට පමණ පසුයි. ඒ වනවිට ඊළඟ වසංගතය රැල්ලක් නිර්මාණය වෙමින් පාසල් දින කිහිපයක් පමණක් පැවැත්වීමට සිදුවිය. මෙම පසුගිය අත්දැකීම් අනාගතයේ යහපත් තීරණ ගැනීමට යොදා ගන්නේ නම් අගනේ ය. දැන්වත් මාර්ගගත අධ්යාපනය ගැන අධ්යාපන අමාත්යංශ චක්ර ලේඛන මගින් නිර්ණායක හා නියාමනය සිදුකල යුතුමයි. මේ සඳහා ගුරුවරුන්ට පාසල්වල ඇති සම්පත් භාවිත කිරීමට අවස්ථාව දිය යුතුය. අගහිඟකම් සහිත දරුවන්ට මධ්යස්ථාන (පාසලම යොදාගත හැක) ඇතිකරමින් ක්රමවත් වැඩ පිළිවෙලක් සකස්කර තබන්න. හදිසි රට වැසීමකදී දරුවන්ට පාසල් අධ්යාපනය තව දුරටත් මග හැරීමට ඉඩ නොදෙන්න. රට මෑත කාලීනව ආර්ථිකව වැටෙන වැටිල්ල ට වඩා දිගුකාලීනව අධ්යාපනය යෙන් වැටෙන වැටිල්ල හානිදායක වනු ඇත.