කොලිටි ගෲප් ඉන්ටර්නැෂනල් සමාගම පසුගියදා අක්වෙරළ තාක්ෂණික ක්ෂේත්‍රයට පිවිසුණේය. එක්සත් ජනපද වාණිජ සේවා ආයතනය විසින් පසුගිදා හූස්ටන් නගරයේදී සංවිධානය කරන ලද අක්වෙරළ තාක්ෂණික සම්මන්ත්‍රණයට සහභාගි වූ කොලිටි ගෲප් සභාපති සම්සුදීන් ඔලාකාර මහතා සමාගමේ නව ව්‍යාපෘති සහ සැළසුම් අනාවරණය කළේය. කොලිටි ගෲප් ආයතනය මැදිහත් වන අක්වෙරළ තාක්ෂණික ක්ෂේත්‍රයන් අතර ආරක්ෂක උපාංග ආනයනය, අක්වෙරළ නඩත්තු කටයුතු, හෙවි හයිඩ්‍රොලික් සහ පිරිසැකෙවි කාර්යයන්ද වන බව සම්සුදීන් මහතා එහිදී ප්‍රකාශ කළේය.

කොලිටි ගෲප් සමාගමේ සියලුම අක්වෙරළ තාක්ෂණික ව්‍යාපෘති ඒ සම්බන්ධයෙන් විශේෂඥ දැනුමක් සහිත ඇමෙරිකානු සමාගම් සමග එක්ව සිදුකිරීමට නියමිත අතර ඒ සම්බන්ධයෙන් සම්සුදීන් මහතා දැනටමත් එක්සත් ජනපද වාණිජ සේවා උප ලේකම් ලෝරා ටේලර්, ජාත්‍යන්තර ආයෝජන සහ වෙළෙඳ විශේෂඥයකු වන ස්ටීව් මිලර් සහ එක්සත් ජනපද වාණිජ සේවයේ කටාර් නියෝජිත ගොල්ඩා අග්නාසාටා සමගින් සාකච්ඡා පවත්වා ඇත.