(අංජුල මහික වීරරත්න)

අනුරාධපුර දිස්ත්‍රික්කයේ දිනකට වැඩිම කිරි ප්‍රමාණයක් ලබාදුන් එළදෙනත් සොරකම් කර මරා මස් කර ඇතැයි කෘෂිකර්ම අමාත්‍ය මහින්ද අමරවීර මහතා පැවසීය.

එම එළදෙන දිනකට කිරි ලීටර් 26 බැගින් ලබා දී තිබෙන බවද අමාත්‍යවරයා සඳහන් කළේය.

වැඩිම කිරි ප්‍රමාණයක් ලබාදීම සම්බන්ධයෙන්  පළාත් කෘෂිකර්ම දෙපාර්තමේන්තුව එම එළදෙන වෙනුවෙන්  සම්මාන පවා පිරිනමා තිබෙන බවට තොරතුරු ඇතැයි කෘෂිකර්ම අමාත්‍යවරයා සඳහන් කළේය.

වායු සමීකරණය කරන ලද වෑන් රථ වලින් පැමිණ මෙලෙස ගවයන් සොරකම් කරන බවත් වැඩිපුරම ගව සොරකම් සිදු වන්නේ ගම්පහ දිස්ත්‍රික්කයේ බවත් කෘෂිකර්ම  අමාත්‍යංශයට තොරතුරු ලැබී තිබේ.