(සුරංග රාජනායක සහ ඩබ්ලිව්. ඒ. අසේල)

තම ලේකැටි කිරි දරුවාගේ හුස්ම සිරකොට පොළොවට අතහැර මරා දැමී යැයි කියන  21 හැවිරිදි මවක් අත්අඩංගුවට ගත් බව ගලහ පොලීසිය කියයි.

මෙම අවාසනාවන්ත සිදුවීමට මුහුණ පා ඇත්තේ ගලහා කස්තුරි වත්ත ප්‍රදේශයේ කුලී නිවසක පදිංචිව සිටි වයස මාස 18 ක් වූ කුලතුංග මුදියන්සේලාගේ ලිතුමි සෙහංසා නැමැති දියණියකි.

මෙම සිදුවීමෙන් පසු දරුවාගේ සිරුර වීඩියෝ හා ඡායාරූප ගත කර පැය තුනකට පසු රෝහල් ගත කර ඇතැයිද පොලීසිය කියයි.

 සැකකාර මව සහ දරුවා පමණක් නිවසේ සිට ඇති අතර පියා රැකියාව සඳහා පිටත්ව ගොස් ඇතැයි කියයි.