(අංජුල මහික වීරරත්න)

අස්ථී සවි කිරීම, කැඩුණු අස්ථි ස්ථායීකරණ සහ පෙළගැස්ම සහතික කිරීම සඳහා භාවිත කරනු ලබන උපකරණ කට්ටල සැපයීම සදහා වූ ප්‍රසම්පාදනය පිරිනැමීමට කැබිනට් අනුමැතිය ලැබී ඇත.

අස්ථි සවි කිරීම, කැඩුණු අස්ථී ස්ථායීකරණ සහ පෙළ ගැස්ම සහතික කිරීම සඳහා භාවිත කරනු ලබන උපකරණ කට්ටල සපයා ගැනීම සඳහා ජාත්‍යන්තර තරඟකාරී ලංසු කැඳවා තිබේ. 

ඒ සඳහා ලංසු දෙකක්  ලැබී ඇත. ඒ අනුව, ඉහළ මට්ටමේ ස්ථාවර ප්‍රසම්පාදන කමිටුවේ නිර්දේශය මත පදනම්ව, එකී උපකරණ කට්ටල වලින් එස් ආර් අංක : 21209104 යටතේ අයිතම 24ක්, එස් ආර් අංක: 21209101 යටතේ අයිතම 30ක් සහ එස් ආර් අංක: 21209004 යටතේ අයිතම 20 ක් මිල දී ගැනීම සඳහා වන ප්‍රසම්පාදනය ශ්‍රී ලංකාවේ Medisurg International (Pvt) Ltd. වෙත ඇමෙරිකා ඩොලර් 435,000ක මුදලකට ප්‍රදානය කිරීම පිණිස සෞඛ්‍ය සහ ජනමාධ්‍ය අමාත්‍යවරයා  ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.