කටුනායක-කොටුව බස් වර්ජනය අවසන්

(ටී.කේ.ජී.කපිල )

කටුනායක සිට ගමන් ආරම්භ කරන මාර්ග අංක 187 කටුනායක ගුවන් තොටුපොළ - කොටුව අතර ධාවනය වන  සුඛෝපභෝගී සහ සාමාන්‍ය බස් රථ , ජා - ඇළ - කොටුව , මාර්ග අංක 188 රද්දොළුගම - කොටුව සහ මාර්ග අංක 240/3 කටුනායක - මීගමුව සාමාන්‍ය සේවා බස් රථ සිය වර්ජන වෘත්තීය ක්‍රියාමාර්ගය  අද (03)  අවසන් කර ඇති බව ගම්පහ දිස්ත්‍රික් පෞද්ගලික බස් හිමියන්ගේ සංගමයේ සභාපති ලැම්බට් මධුරගේ මහතා පැවසීය .

බත්තරමුල්ල මාර්ගස්ත මගී ප්‍රවාහන අධිකාරියේ  " රන්මගපාය "හි පැවති සාකච්ඡාවක දී ඇති වූ එකගතා මත මෙම වර්ජනය අවසන් කර තිබේ .

එහිදී මාර්ග ධාවන කළමනාකාරවරයා එම සේවා ස්ථානයෙන් ඉදිරි සති කීපය තුළ දී ඉවත් කිරීමටත් , අතුරු ගමන් වාර අත් හිටුවීමත් එකගතා ඇති වී තිබේ .