උදයන් පුවත්පත යාපනයේදී ජගත් මාධ්‍ය දිනය සැමරීය. කොටි හඬ ගුවන්විදුලියේ ප්‍රවෘත්ති සංස්කාරක පී.තවපාලන් වෙනුවෙන් ද එහිදී පහනක් පත්තු කැරිණි.

තවපාලන්ගේ බිරිය වසන්ති මාධ්‍යවේදින් සමග පැවසූයේ තම සැමියා හමුදා අත්අඩංගුවට ගත් පසු නුදුටු නමුත් ඔහු මිය ගිය බවට ස්ථිර තොරතුරක් නැති බවයි.

යුද්ධයේ අවසන් සටන පැවැති මුලතිව් හි මුල්ලිවයික්කාල්හි දී ‘නිත්‍රසභානම්‘කොටි රූපවාහිනියේ හා ගුවන්විදුලියේ අධ්‍යක්ෂ නවාම් සමග වන්නියට එද්දී තවපාලන් සියදිවි නසාගත් බවද කියති.

තම සැමියා මිය ගිය බවට ස්ථිර තොරතුරක් හා තමාගේ අවසරයක් නැතිව ඔහු මියගිය බවට පහන් පත්තු කිරීම ගැන මානව හිමිකම් කොමිසමට කරුණු දක්වන බව වසන්ති කියන්නීය.