ත්‍රස්තවාදී විමර්ශන අංශයේ පරීක්ෂණ සඳහා අවශ්‍ය බව කියන පොන්නයියා සෙල්වනායකම් කජීබන් හෙවත් ගෝබි හෙවත් කාසියන් (31) හා ඔහුගේ සගයා බව කියන නවනීදන් නවරත්නම් හෙවත් අප්පන් ගැන නිවැරදි තොරතුරක් දෙන කෙනකුට රුපියල් ලක්ෂ 10 බැගින් තෑගි පිරිනමන බව පොලිස් මධ්‍ය ප්‍රකාශක ජ්‍යෙෂඨ පොලිස් අධිකාරී අජිත් රෝහණ මහතා පවසයි.

මේ දෙදෙනා අවශ්‍ය වී ඇත්තේ පසුගිය 13 වැනි දා කිලිනොච්චියේ ධර්මපුරම්හි පුලියම්පොක්කනෙයි ප්‍රදේශයේ මූසලපිට්ටියේ දී රත්න කුමාර නම් පොලිසි නිලධාරියට වෙඩි තබා පලා යෑම සම්බන්ධයෙනි.

ප්‍රභාකරන්ගෙන් පසු යාපනයේ කොටි සංවිධානය යළි පණ ගැන්වීමට තැත් කර බවයි ගෝබි බර වාහන රියැදුරකි. 

කොටි සංවිධානයේ නායක ප්‍රභාකරන්ගෙන් පසු යළි කොටි සංවිධානයට පණදීම බාර කර ඇතැයි කියන පොන්නයියා සෙල්වනායගම් කජීබන් හෙවත් ගෝබි (31) 2009 යුද්ධ අවසානයේදී රජයේ හමුදාවට බාරවී පූන්තෝට්ටම් කඳවුරෙන් පැන කටාර් රැකියාවකට ගොස් යුරෝපයේ ද සංචාරය කර දෙමළ කොටි ඩයස් පෝරාවේ නායකයා බව කියන පෙරම්පනායගම් සිවබරන් හෙත් නිදීයාවන් නොර්වේ රාජ්‍යයේදී හමුවී උපදෙස් ලබා ගෙන ශ්‍රී  ලංකාවට පැමිණි අයෙකි. කොටි සංවිධානයේ ඔත්තු අංශයේ නායකයා වූ ෂම්මුලිංගම් ශිවශංකර් හෙවත් පෙට්ටුඅම්මාන් යටතේ පුහුණුව ලබූ කජීබන් පසුගිය මාර්ත් 13 වැනි දා මූසලම්පොක්කනෙයි ජයකුමාර් බාලේන්ද්‍රන් (50)  වැන්දඹු කතගේ නිවසේ දී ඇඳ යට සැඟව සිටියදී පොලිස් අත්අඩංගුවට ගැනීම මඟහැරුණේ නූලෙනි.

ඔහු අත්අඩංගුවට ගැනීමට ගිය නිරායුධව ගිය පොලිස් කොස්තාපල් ගේ බඩට හා පාදයට වෙඩි තබා ඔහු නිවසින් පැන ගිය බව පොලිසිය කියයි. උදරයට හා කකුලකට වෙඩි වැදුණු පොලිස් කොස්තාපල් රෝහල් ගත කැරිණි. ගෝබ් එම ගෙදර සිටින බවට ත්‍රස්ත විමර්ශන අංශයට තොරතුරු ලැබී තිබිණි. එහෙත් එවැන්නකු ගෙදර නැතැයි කී බාලේන්ද්‍රන්   කිලිනොච්චිය වැඩ බලන මහේස්ත්‍රාත් එස්. සිවබාලසුබ්‍රමුනියම් මහතාගේ නියෝගක් මත ත්‍රස්තවාදය වැළැක්වීමේ පනත යටතේ දින 18ක් රඳවා තබාගෙන ප්‍රශ්න කරයි.