(විමුක්ති එස් රුද්‍රිගු)

ඉන්දීය රුපියල් කෝටි 23 (ආසන්න වශයෙන් ශ්‍රී ලංකා රුපියල් කෝටි 80 ක් ) ක් පමණ වටිනා මී හරකෙකු පිළිබඳව ඉන්දියාවේ හර්යානා ප්‍රනතයෙන් වාර්තා වී ඇත.

අන්මෝල් ලෙස නම් තබා ඇති මෙම මී හරකා බරින් කිලෝ ග්‍රෑම් 1500 ක් වේ. අන්මෝල්ගේ ප්‍රියතම ආහාරවලට බිත්තර, කිරි සහ ආමන්ඩ්ද ඇතුළත්ය.

හර්යානා ප්‍රාන්තයේ කෘෂි කාර්මික ප්‍රදර්ශනවලටද අන්මෝල් ඉදිරිපත්වන අතර එම ප්‍රදර්ශනවලට පැමිණෙන්නන්ගේ නෙත් සොරා ගැනීමට අන්මොල් සමත්ව ඇත.අන්මෝල්ගේ දවසක ආහාර සඳහා රුපියල් 1500 ක මුදලක් වෙන්වන බවත් තෝරා ගත් ආහාර පමණක් අන්මෝල්ට ආහාරය සඳහා ලබාදෙන බවත් පැවැසෙයි.

අන්මෝල් දෛනිකව ආමන්ඩ් ග්‍රෑම් 250ක්, දෙළුම් කිලෝග්‍රෑම් හතරක්, කෙසෙල් ගෙඩි 30ක්, කිරි ලීටර් පහක් සහ බිත්තර 20ක් ආහාරයට ගනී. දෛනික ආහාරවලට අමතරව අන්මෝල් කේක්, හරිත ආහාර, ගිතෙල්, සෝයා බෝංචි සහ බඩ ඉරිඟු ද ආහාරයට ගනු ලබයි.


අන්මෝල්ගේ වියදම් දැරීම සඳහා අයිතිකරුට අන්මෝල්ගේ මව සහ නැගණිය විකිණීමට සිදුව ඇති බවද පැවැසෙයි. කෙතරම් අපහසුකම් තිබුණත් අන්මෝල්ගේ ජීවන රටාව අයිතිකරු වෙනස් නොකරන බවද සඳහන් වේ.