කේ.එල් ඩියුටි ෆ්‍රී ගැහැලි

ඉංග්‍රීසියෙන් කියමනක් තියනවා නේද "ඩෝන්ට් ජජ් බුක් බයි ඉට් කවර්" කියලා. මෙතුමා වෛද්‍යවරයෙක් වුණාට ඉහත කියමන කවදාවත් අහලා නැහැ වගේ. (නි)

මට නම් මේ දොස්තර මහත්තයා ගැන හරිම දුකයි (නි)

ඔය පැත්තේ ඉන්නවා නේද හරිම ප්‍රසිද්ධ දොස්තර කෙනෙක්. මේ එයාද දන්නේ නැහැ (නි)

ඕකේ ලියලම තියෙන්නේ එන් බී කියලා (නෝට්බුක් කියලා) ඩියුටි ෆ්‍රී වල බඩු ගණන්. (නි)

මොළය කල්පනා කරලා බලලා ගන්න එපායැ (නි)

මැලේසියාවේ වුණ නිසා ඕකත් මහින්දගේ ගිණුමට වැටෙයි. බලාගෙනයි. කොහෙන් මොනවා ගත්තත් හොඳට හොයලා බලලා තමයි ගන්න ඕනෑ. අර පිටකොටුවේ පේමන්ට් කඩවලින් බඩු ගන්නවා වාගේ තමයි.නොගෙන හිටියහම ඉවරනේ. දැන් අපේ රටෙත් ලෝකේ තියන හැම දෙයක්ම තියනවා. එ්ත් තත්වය ගැන නම් කියන්න බැහැ. මදැයි දොස්තර මහත්තයට අහගන්න වෙලා තියෙන දේ දැනමුතුකම් දෙන්න ගිහින්. (නි)

අනේ මන්දා ලෙඩ්ඩුන්ට කාගේ පිහිටද කියලා (නි)

මිනිස්සුන්ට අවවාදයක් දෙන්න ගියාම එතනත් දේශපලනයයි, දොස්තරලා ගැන තියෙන ඊර්ෂියාවයි ඉස්මතු වෙනවා, අනේ මෙහෙමත් ජාතියක් (ම)

මේ ගැන වැඩිය හිතන්න එපා.(හේ)

ගැඹුරින් හිතල බැලූවොත් මෙතැන වැරදි කරු මලේසියානු වෙලෙන්දාවත් දොස්තර මහතාවත් නොවේ. දොස්තර මහතාගේ ඇත්තේ නොදෙනුවත්කම පමණි. මෙය ඕනෙම රටක අන්තර්ජාතික ගුවන්තොටුපොළක විකිනීමට ඇති සිහිවටන සමරු සටහන් පොතකි. මෙය නොදැන සිටීම දොස්තරමහතාගේ නොහැකියාවක් නොවේ. එය ඔහුගේ රැකියාවට බාධාවක්ද නොවේ.(බ)

මම පොතක් ගත්ත හැම වෙලාවකම ..එය නමින් තෝරාගෙන අනිවාර්යෙන්ම ..ඇතුළ පිටු පෙරලලා බලලයි මුදල් ගෙවන්නේ ..?පොතේ මුද්‍රණය බලන්න කවදාවත් අමතක කරන්නේ නැහැ .? අනික මෙයා ඇයි ඒ පොත පෙරලා නොබැලුවේ නිකමටවත් ..? (ම)

පොත් කියවනවා කිවුවට ජීවිතේට පොතක පිටකොලයක් දැකලා නැහැ. පොතක් නම් එ්කේ පිටකොලේ ලියපු කෙනා ඇතුළු බොහෝ විස්තර තියෙනවා. පිටුපසත් පළකරන පොත් සමාගමේ නම වගේ ගොඩක් දේ තියෙනවා. මේක තනිකර නොදන්නාකම.

මම නම් හිතන්නේ නැහැ මේක ඒ කඩේ වැරැද්ද කියලා. මොනවාහරි කරුණු අඩංගු පොතක් ඉටි කවර වලින් ආවරණය කරන්නේ නැහැ සඟරා වගේ ඒවා ඇරෙන්න. මොකද ඒක ගන්න කෙනා කියවලා බලලා ගන්න නිසා. මේක සම්පූර්ණයෙන්ම මිලදීගත් කෙනාගේ වැරැද්ද මට නම් හිතෙන්නේ. (නි)

හිතන්නත් අමාරුයි. ඔය කියන සමාගම එංගලන්තයේ ප්‍රසිද්ධ සමාගමක්. (අ)

ඉතින් මේකේ කවරේ කියල නැහැනේ මේකේ ඇතුලේ තියෙන්නේ ක්වාලාලම්පුර් ගැන කියල. අනික බිලෙත් තියෙන්නේ නොට් බූක් කියල කෙටියෙන් දමල. ලංකාවෙත් පොත් වල සත්තු පිටකවරේට දාපු කොපි පොත් කොච්චර තියේද එහෙනම්. ඒවායේ ඇතුලේ වනජීවී විස්තර නෙමෙයිනේ තියෙන්නේ. මේකනම් ගත්තු කෙනාගේ වරද. අනික ලෝකේ කොහෙවත් රු.100 ට ඔයිට වඩා බලාපොරොත්තු වෙන එකත් වැරදියි. (අ)

පොතක් ගත්තොත් පොත ඇරලා කියවල බලන්නේ නෙද්ද? මෙහෙම දෙයක් විස්වාස කරන්න බැහැ. "ඔහු පවසන්නේ නැවත මලයාසියාවට ගියද එහිදී කිසිදු දෙයක් මිලදී නොගන්නා බවයි." මේක ඊට වැඩ සැක සහිත කියමනක්. (අ)

මෙවැනි කොපි පොත් දියුණු රටවල තියෙනවා. මේ දොස්තර විචක්ෂණ බුද්ධියෙන් මේ පොත දිහා බලලා නැහැ. රෝගිනුත් මේ විදියටම පරීක්ෂා කළා නම් ඉතින් ඔවුන්ගේ අවසානය තමයි. (නි)

තමන්ගේ නොදැනුවත්කම පිළි අරන් පාඩුව විඳ ගන්නේ නැතුව ප්‍රසිද්ධියේ මෙවැනි චෝදනා නැගීමෙන් සිදු වන්නේ තම වෘත්තියේ යෙදෙන රට තොට දැනුමක් ඇති අයවත් සෝපහාසයට ලක් කිරීමයි (බ)

දොස්තර ගැන දුකයි. (නි)

මේ දොස්තර ගැන මට හරි දුකයි. (හේ)

බඩුවක් ගන්නකොට බලලා නෙමෙයිද ගන්නේ. සමාවෙන්න, දොස්තර මහත්වරුන්ට රටතොට ගැන තියෙන අවබෝධය අඩු නිසා මේ දේ සිද්ධ වෙනවා. ගණන් ගන්න එපා. රුපියල් 1100 මොකක්ද ඔබට? (නි)

මේක හොයලා බලන්නේ නැතුව ගත්තු කෙනාගේ වරදක් .(හේ)

මම නම් කියන්නේ මේක තනිකරම දොස්තර මහත්තයාගේ වැරැද්ද (නි)

මේ වගේ කවර සහිත කොපි පොත් ලෝකයේ අනිත් රටවලත් විකුණනවා. තමන් පොතක් ගන්නවා නම් අඩුතරමින් පෙරළලා බලලාවත් ගන්න ඕනෑ. අනික විශේෂඥ වෛද්‍යවරයකුත් වෙලා මෙහෙමද වැඩ කරන්නේ. (නි)

නමුත් සොයානොබලා මෙහෙමද පොත් ගන්නේ? රෝගින්ටත් දෙවි පිහිටයි. මම නම් කියන්නේ කඩේ වරද නෙමෙයි. දෙ‍ාස්තරගෙ වරද. (නි)

"පොත්වලට බෙහෙවින් ප්‍රියකරන" අය පොත් ගන්නෙ ඔහොම නොවෙයි. පොතක් ගන්න කලින් එහි පෙරවදනෙන් ටිකක් කියවා බැලීම, මුල මැද අග ටිකක් පෙරළා බැලීම වැනි දෙයින් පසුව තමයි පොතක් ගන්නේ. (නි)

ඕව අර කියනවා වගේ නොට් බූක්. අපේ ඉන්න රටේ තියෙනවා. ලංකාවෙත් තියෙනවා .ඉස්සරහ ලස්සන තම රටේ පින්තුරයක් දාල තියෙන්නේ (බ)

අපේ රටේ වෙදැදුරන්ට සාමාන්‍ය දැනුම නැහැ කියන එක මේ රටෙන් එළියෙදීත් ඔප්පු කර ඇත. මෙහෙදී දාන තර්ක ඇහෙනකොට වෛද්‍ය උපාධියට සමාජ දැනුම පරික්ෂා කිරීමකුත් අවශ්‍යයැයි සිතේ. (නි)

ඉංග්‍රීසි භාෂාවේ කියමනක් තියෙනවා කවරය බලා පොත ගැන තීරණය කරන්න එපා කියලා. බලනකොට උගත් දොස්තර මහත්තයා කරලා තියෙන්නේ එ්කනේ. (නි)

මේ බිලේ ‘NB‘ යනුවෙන් සඳහන්වෙලා තිබෙන්නේ note book යන්න නේද? ඩියුටි ෆ්‍රී සාප්පු වලින් පොත්පත් ගන්නේ නැහැ දන්නා කෙනෙක්. හේතුව මිල අධික නිසා. මේ දොස්තර මහත්තයට මේක තේරුම් කරලා දෙන්න කවුරුවත් හිටියේ නැද්ද? (නි)

හොයන්නේ බලන්නේ නැතුව ඇස් කන් පියාගෙන පොතක් මිලදීගෙන අනුන්ට බැණවැදීම මෝඩකමක්. තමුන්ට අවශ්‍ය දේ නිසිලෙස හොයාබලා මිලදීගැනීම තමන් සතු වගකීමක්. (නි)

සද්ද නොකර හිටියා නම් කරපු වැඩේ වහගන්න තිබුනා. (නි)

හදිසි අවස්තාවලදී ඔහොම දේවල් වෙනවා. හොදට බලලා තෝරන දේ නෙමෙයි ගෙදර ඇවිත් බලද්දී තියෙන්නේ. පිටකොටුවට ගිහින් ඇපල් හෝ වෙන පළතුරක් අරන් ගෙදර ඇවිත් බලන්න තෝරපු දේවල්ද තියෙන්නේ කියලා ඇතුලේ. මටනම් අනන්තවත් ඔය දේවල් වෙලා තියෙනවා. (බ)

බොහෝ විශේෂඥ වෛද්‍යවරයනට සාමාන්‍ය බුද්ධිය වත් නැහැ. මෙන්න හොඳ උදාහරණයක්! (ම)

අනේ ඉතින් ලෙඩුන්ට අබ සරණයි!

මේක වංචාවක් නොවෙයි. රු. 11 00 කට ගුවන් තොටුපොලකදී වටිනා පොතක් ගන්නේ කොහොමද ? ඩියුටි ෆ්‍රී කියලා තිබුනට ගුවන් තොටුපොල තුලදී ඔය වගේ දේවල් වල මිල බාහිර ස්ථාන වල මිලට වඩා බොහෝ වැඩි. මි.මී. 500 වතුර බෝතලයකුත් රු. 250 ක් 300 ක් විතර වෙනවනේ. එය හොඳ කවරයක් සහිත පොතක් නිසා ද ටිකක් මිල වැඩි වෙනවා. මිල දීලා ගන්න ඉස්සෙල්ලා ටිකක් හොඳින් බැලුවා නම් මේ වගේ වැරදි වැටහීමක් වෛද්‍ය වරයාට වෙන්නේ නැහැ.(හේ)

මම හිතන්නෙත් දොස්තරට වැරදිලා (නි)

මේක ගත් කෙනාගේ වරද. පොතක් ගන්න කලින් පිටකවරය විතරක් නෙමෙයි, ඇතුළත් ටිකක් බලන්න ඕනෑ. එක ඕනෑ පොඩි එකෙක් කරන වැඩක්. (නි)

මේක හොයලා බලන්නේ නැතුව ගත් කෙනාගේ වරදක්

පුළුවන් තරම් මහපාරවල් වල උද්ඝෝෂණ කරලා බිහිවුණ දොස්තර මහත්තයෙක් වගෙයි. එකඅතකට පුදුම වෙන්න දේකුත් නැහැ. පිටකවරේ තියන පින්තූරේ දිහා බලලා ඇතුළේ තියෙන දේ තීරණය කරන දොස්තර මහතෙක්. මෙයාගෙන් බෙහෙත් ගන්න ලෙඩ්ඩු ටිකට දෙයියන්ගේම පිහිටයි. එ්කට කමක් නැහැ. අඩුතරමේ ළමයි ටිකවත් හොඳ ඉස්කෝලෙකට දාලා හොඳට උගන්වන්නකෝ. (නි)

අනේ මන්දා මෙහෙම දොස්තරලා? (නි)

බලාගෙන මෙයාගෙන් බෙහෙත් ගන්නේ. (නි)

දොස්තර මහත්තයා හරි. (හේ)

දොස්තර මහත්තයා ගැන දුකයි (නි)

අනේ මෙහෙමත් දොස්තරලා? (නි)

කෝ පොතේ කතුවරයාගේ නමවත් පිටකවරේ ගහලා නැහැනෙ (නි)

මෙය සටහන් පොතකි. එය නොපෙනුනේද? (නි)

නමුත් ලංකාවේ දොස්තරලා සිතාගෙන සිටින්නේ එයාලා හරි බුද්ධිමත් අය කියලා. (නි)

ඔය ගොඩක් ලංකාව ඇතුළේ ලොකු ලොකු කෙරුමෝ, දැනමුත්තෝ වගේ ඉන්න කට්ටිය පිටරටකට ගියාම මෙලෝදෙයක් දන්නේ නැහැ. මේවා හොඳ උදාහරණ. (නි)

අපිටත් ඔය වගේ දේවල් අනන්තවත් වෙලා තියනව අනික ඔය වගේ පොඩි ගනන් වලට නොවෙයි. (ර)

මෙතුමා නම් අන්තරේ කලින් සාමාජිකයෙක් වගෙයි (නි)

මෙහෙම පොත් ලංකාවේ සාමාන්‍ය කඩවලත් තියෙනවනේ! (නි)

පරගැති මානසිකත්වයෙන් ඉන්න උදවියට,අපේ රටේ අයට වඩා විදේශීය වංචාකාරය වුනත් හරි අගෙයි.ඊයේ පෙරේද ඉපදුනා වගේ ඉන්න අපේ ඉතිහාසය නොදන්නා උදවිය අපේ රට මංකොල්ල කාපු අය ගැන දන්නේ නැහැ.අපේ රටේ මුදලින් රුපියල් එක්දහස් එකසියයක් (1100)වගේ මුදලකට කොපි පොත් විකුණන රටක් මම අහල නැහැ. (බ)

දැක්ක ගමන් සල්ලි දෙන්න කලින් පොත දිග ඇරලා බලන්න එපායැ. (නි)

මේ දොස්තරගෙන් බෙහෙත් ගන්නාවිට පරිස්සමෙන් (නි)

මම නිතරම මැලේසියාවට යනවා. ඔවුන් "රවටන" වැඩ කරන්නේ නැහැ . මෙය දොස්තරගේ බිලේ පෙන්වල තියෙනවා මේක ‘නෝට් බුක්‘ එකක් කියලම ...කවරය විතරක් පින්තුරයක් ....ඒ සිහිවටනයක් විදියට තියාගන්න (බ)

මේ පොත තියෙන්න ඇත්තේ ඉටි කොලේකින් වටකරපු පැකින් එකක. ඒ නිසා දොස්තර මහත්තයට ගන්න කලින් දිග ඇරලා බලන්න බැරිවෙන්න ඇති. හිතන්න ඇති ක්වලාලම්පුර් ගැන ලියපු පොතක් වෙන්න ඇති කියලා. ගෙදර ගිහින් බලනකොට තමයි නෝට් බුක් එකක් කියලා දකින්න ඇත්තේ. ස්වයං රැවටීමකට ලක්වෙලා. (නි)

මේකේ සම්පූර්ණ වැරැද්ද දොස්තරගේම තමයි

රටේ නම හොඳවුණ පමණින් හැමදේම පිළිගන්න හොඳ නැහැ. එක වතාවක් මම සිංගප්පුරුවේ ඉතාම නමගිය සාප්පුවකින් ජංගම දුරකතනයක් ගත්තා තෑග්ගක් දෙන්න. එයාලටම කිව්වා ලස්සනට පැක් කරලා දෙන්නත් කියලා. නිකමට පැක් කරන්න කලින් අායේ ඉල්ලලා බැලුවම එ්කට ලැබෙන හැන්ඩ්ස් ෆ්‍රී එක නැහැ. ඇහුවම කියනවා ඒක එන්නේ නැහැ, එ්කට වෙනම ගෙවන්න කියලා. අන්තිමට මම මේක පැමිණිලි කරනවා කිව්වම, ටක්ගාලා සමාවෙන්න වැරදීමක් වුණේ කියලා ඕනෑනම් මුදල් ආපසු දෙන්න හරි හැන්ඩ්ස් ෆ්‍රී එක දෙන්න හරි එකඟවුණා (නි)

දොස්තර වුනත් ලංකාවේ කෙනෙක්නෙ. වැඩේ විසඳගන්න බලනවා වෙනුවට ප්‍රසිද්ධ කරන එකයි, පෙළපාලි යන එකයි, විරෝධතා පවත්වන එකයි, වර්ජනය කරන එකයි. මේ ආයතනයේ වෙබ් අඩවියක් තියෙනවා. එකේ තියෙනවා ඔවුන්ට පණිවුඩයක් යැවීමට පිටුවක්. ව වගේම දුරකථන අංක දියත් තිබෙනවා. ඉ මේල් පණිවුඩයක් යැවුවනම් බිල් අංකයත් එක්කල. වරද කොතනද කියල හොයාගන්න පුළුවනි. ටෙලිපොන් : 603 8777 7000 - එච්කිවු, ෆැක්ස්: 603 8777 7778 - එච්කිවු; telephone: 603 8776 2000 (බ)

අපේ රටේ වෙදැදුරන්ට සාමාන්‍ය දැනුම නැහැ කියන එක මේ රටෙන් එළියෙදීත් ඔප්පු කර ඇත (නි)