සිය ජංගම දුරකථනයෙන් කෙසෙල්වත්ත පොලීස් ස්ථානාධිපතිවට පරුෂ වචනයෙන් බැන වැදුණ තරුණයෙක් තමන් කළ වරද පිළිගැනීමෙන් පසු ඔහුගේ දෙපා නැමැද වැද සමාව ගන්නා ලෙසට කොළඹ ප‍්‍රධාන මහේස්ත‍්‍රාත් ගිහාන් පිලපිටිය මහතා අද (25) සැකකරුට නියෝග කළේය.

එම තරුණයා කෙසෙල්වත්ත පොලීසියේ ස්ථානාධිපති ප්‍රධාන පොලිස් පරික්ෂක ජේ. කේ. එස්. ජයනෙත්ති මහතා ඉදිරියට පැමිණ දෙපා නමැද සමාව ගත්තේය.

නැවතත් මෙවැනි වැරදි සිදු නොකරන ලෙසට තරයේ අවවාද කළ අධිකරණය සැකකාර තරුණයා මුඳවා හැරියේය. මෙලෙස අවවාද කර මුදා හැරුණේ ගාල්ල ඊ.සී.එස්.ලක්මාල් (19) න ම්  තරුණයාය.