( බිමල් ශ්‍යාමන් ජයසිංහ) 

කොළඹ සහ තදාසන්න ප්‍රදේශවල රාජ්‍ය සහ පෞද්ගලික බැංකුවල ඒ.ටී.එම් කුටි අසල රැඳී සිට පුද්ගලයන් මුලාකර  ඒ ටි එම් කාඩ්පත් සොරාගෙන රුපියල් ලක්ෂ 15 කට ආසන්න මුදලක් වංචා කළ පුද්ගලයෙකු අත්අඩංගුවට ගත් බව මෝදර පොලිසිය කියයි.

සැකකරුට විරුද්ධව වරෙන්තු නවයක් නිකුත්ව ඇතැයි පොලීසිය සඳහන්කරයි.එම සැකකරු සන්තකයේ තිබී අයිස් මත්ද්‍රව්‍ය මිලිගෑම්  12800 ක් පොලිස් භාරයට ගෙන ඇත.

මෝදර පොලිසියේ අපරාධ විමර්ශන අංශයේ ස්ථානාධිපතිවරයා ඇතුළු නිලධාරීන් කණ්ඩායමක්  අපරාධ මර්දන රාජකාරී යෙදී සිටියදී මෝදර එළිය හවුස් ජලාශය අසලදී සැකපිට අත්අඩංගුවට ගත් සැකකරු  පරික්ෂා කිරීමේදී අයිස් මත්ද්‍රව්‍ය සන්තකයේ තිබී සොයා ගත් බව පොලිසිය සඳහන් කරයි.

අනතුරුව පොලිසියට රැගෙන ඒමෙන් අනතුරුව සිදුකළ ප්‍රශ්න කිරීමේදී  මෙම තොරතුරු අනාවරනය වී තිබේ.