"එදා කඩේ ගිය පිරිස් ගැන තලතා කියයි"

ජනතා ගැටළු වෙනුවට දේශපාලනය පමණක් ක‍්‍රියාත්මක කළ පාසල් පවා ඒ යුගය අවසන් කිරිමට නව රජය සමත්වී යැයි විදේශ රැකියා ඇමැතිනී තලතා අතුකෝරළ මහත්මිය ප‍්‍රකාශ කළාය. කහවත්ත රුවන්පුර විද්‍යා පීඨ ශ‍්‍රවණාගාරයේ සාහිත්‍ය කලා උත්සවයේ දී ඕ එසේ පැවසුවාය.

"පහුගිය කාලයේ හැමදේම දේශපාලනීකරණය වුණා. ඒ බව කාර්යාල වලදි අපි දැක්කා. සමහර නිළධාරීන්ගේ ඔළුවේ තිබුණේ දේශපාලනේ විතරයි. රජයේ නිළධාරීන් හැටියට අපි බලාපොරොත්තු වෙන්නේ තමන්ට අයිති වැඩ කොටස මිසක් රාජකාරියට අවුත් දේශපාලනය කිරිම නොවේ."

කහවත්ත ප‍්‍රාදේශීය ලේකම් අවන්ති සේනාරත්න මහත්මිය, කහවත්ත ප්‍රාදේශිය සභාවේ හිටපු විපක්ෂ නායක ශාන්ත ගුරුගේ, අතුකෝරල මහත්මියගේ පෞද්ගලික ලේකම් උපුල් වීරසුරිය ඇතුළු පිරිසක් මේ අවස්ථාවට සහභාගි වුහ.

(ජායාරූප හා විඩියෝ ළහිරු හර්ෂණ)

අදහස් (0)

"එදා කඩේ ගිය පිරිස් ගැන තලතා කියයි"

රන්ජිත් Thursday, 22 October 2015 08:28 AM

තවම අපි වගේ පිටරටවල සේවය කරන මිනිසුන් වෙනුවෙන් කිසිම දෙයක් වෙලා නැහැ. හැම ඇමති කෙනෙක්ම කියනවා විශ්‍රාම වැටුපක් ගැන ඡන්ද කාලේදී විතරක්.දැන් කතා නැහැ. රටේ ප්‍රධාන ආදායම් මාර්ගය අපි උපයන සල්ලි.නමුත් අපිට කිසිම සහනයක් නැහැ.මේ ඇමතිනියත් එහෙමම වේද දන්නේ නැහැ.පටන්ගත්ත ගමන් තිබෙන සැර පස්සේ නැහැ. මිනිස්සු දහස් ගණනක් පිටරටවල් වල දුක්විඳිනවා.අඩුම තරමේ තීරු බදු රහිත වාහනයක්වත් ලංකාවට යවන්න සහනයක් දෙනවා නම් මිනිස්සු ස්වයං රැකියාවක් හරි කරලා ජීවත්වේවි. (නි)

: 0 0

නන්දිතා Thursday, 22 October 2015 09:24 AM

"එදා කඩේ ගිය පිරිස්" අද මෙයාලට කඩේ යනවා. කොහොමින් කොහොමින් හරි කඩේ යන අය හැමදාම දිනුම්. ප්‍රතිපත්ති ගරුක අය සදා දුකේ. (බ)

: 0 0

පාලිත Thursday, 22 October 2015 09:34 AM

තීරු බදු රහිත වාහනයක් ගන්න 100 දෙනෙකුට දුන්නොත්, වාහන 100ක් ගෙන්වා විකිණීමේ අවස්ථාව වාහන සේල් කාරයන්ට අහිමි වෙනවා. ඒ කියන්නේ වාහන සේල් කරුවන්ගෙන් මේ අයට ලැබෙන ලොකු කොමිස් එක නැතිවෙනවා. ඒ නිසා කවදාවත් ඒ වගේ දෙයක් කිසිම ආණ්ඩුවකින් බලාපොරොත්තු වෙන්න එපා. ඔන්න ඇත්ත කතාව (ම)

: 0 0

මැටිපහන Thursday, 22 October 2015 09:39 AM

ලංකාවට එවන ලද මුදල් ප්‍රමාණය මත තීන්දු වෙන ලෙස තීරුබදු රහිත වාහනයක් ගන්න අපට ඉඩ සලසා දෙන්න. විශ්‍රාම වැටුපකුත් ලබාදෙන්න. (ම)

: 0 0

සුරේෂ් වලිසුන්දර Thursday, 22 October 2015 11:55 AM

මැඩම් කොරියා රැකියා විභාගේ සමත් වෙලා අපි වෙබ් එකෙන් ඉවත් කළා 2008 අවුරුද්දෙ අපිට සදාරණයක් කරන්නේ නැත්ද? (අ)

: 0 0

සේන Thursday, 22 October 2015 02:08 PM

කවුරු මොනවා කිවුවත් කවුරුවත් රට ඉන්න අපි වෙනුවෙන් මොකුත් කරන්නේ නැහැ. (නි)

: 0 0

දුමින්ද Thursday, 22 October 2015 07:56 AM

එදා ගැන කතා එපා - රට, හෙට ගැන කතා කරමු. (ර)

: 0 0

කුසුම් Thursday, 22 October 2015 08:07 AM

මෙතුමිය නම් අපි වෙනුවෙන් යමක් කරයි කියලා අපිට දැනෙනවා (නි)

: 0 0

රොෂාන් Thursday, 22 October 2015 08:09 AM

විදේශ විනිමය හොයන අපෙන් ගන්නවා විතරද? වාහන ඩියුටි ෆී පර්මිට් එකක්වත් දුන්නොත් නරකද අපිට විඳින දුක් කන්දරාවේ හැටියට? (නි)

: 0 0

ධර්ම ජයවික්‍රම Thursday, 22 October 2015 08:13 AM

දේශපාලනීකරණය නොවූ රාජ්‍ය ආයතන පිළිබඳ සිහිනය සැබෑ වූ බව ජනතාව කතාකරන දිනයක මම ඔබතුමිය වෙනුවෙන් මල්දමක් ගොතමින් සිටිමි. (නි)

: 0 0

දම්මි Thursday, 22 October 2015 08:28 AM

කොයි කවුරු ආවත් කවදාවත් අපිට යහපත් යමක් සිද්ධවුණේ නැහැ (නි)

: 0 0