මෙවර අපොස උසස් පෙළ විභාගයේ සිසුන්ට දුන් ආර්ථික විද්යා ප්රශ්න පත්රය නිසි ප්රමිතියකින් තොරව සකස් කර ඇතැයි රුහුණ විශ්ව විද්යාලයයේ ජ්යෙෂ්ඨ කථිකාචාර්ය නන්දසිරි කීඹියහෙට්ටි සහ චන්දික ගුණසිංහ මහත්වරු අද (07) පැවසූහ.
ජාතික අධ්යාපන ආයතනයෙන් ආර්ථික විද්යා ගුරුවරුනට ලබා දී ඇති විෂය නිර්දේශය අනුව නිසි අගයුමක් මෙවර ආර්ථික විද්යා ප්රශ්න පත්රයේ නැතැයි ද, ආර්ථික විද්යා සංකල්ප රැසක් වැරදියට යොදා ගෙන ඇතැයි ද, ඇතැම් ප්රශ්න ගැටළු සහගත යැයි ද එම මහාචාර්යවරු ප්රකාශ කළහ.
බහුවරණ ප්රශ්න පත්රයයේ ප්රශ්න පනහෙන් පහක දෝෂ ඇතැයි කී මහචාර්යවරු එහි ඇතැම් ප්රශ්නවලට නිවැරදි වරණ එකට වැඩි ගණනක් ඇතුළත් කර ඇතැයි ද සඳහන් කළහ. තමන් පෙන්වන ගැටළු ගැන ඕනෑම විද්වත් සභාවක විවාද කිරීමට සූදානම් යැයි ද ඔවුහු කීහ.
‘දළ ජාතික වියදම‘, ‘ශුද්ධ ජාතික වියදම‘ වචන ආර්ථික විද්යා ප්රශ්න පත්රයේ භාවිත කර තිබුණත් එවැනි සංකල්පයක් ආර්ථික විද්යාවේ නැති බවත්, ආර්ථික විද්යා ඇතැම් සමීකරණ වැරදියට ආර්ථ ගන්වා ඇති බවත්, නිපුණතා මට්ටම අනුව ප්රශ්න පත්රයේ ප්රශ්න සකස් කර නැති බවත් කථිකාචාර්ය නන්දසිරි කීඹියහෙට්ටි මහතා පැවසීය.
ආර්ථික විද්යා ප්රශ්න පත්ර සකස් කළ ප්රධාන පාලක පරීක්ෂක ඇතුළු තිදෙනාම හදිසියේ ඉවත් කර අලුතින් තිදෙනකු පත්කිරීමට එරෙහිව ආචාර්ය මහාචාර්යවරු 39 දෙනකුගේ අත්සන් සහිත ලිපියක් මීට මාස දෙකකට පමණ පෙර විභාග කොමසාරිස් වෙත යවා තිබිණි. ප්රශ්න පත්ර සකස්කිරීමට ආචාර්යවරුන් පත් කළේ නිසි ක්රමවේදයකට නොවන නිසා මෙවර ප්රශ්න පත්රයේ ගැටළු රැසක් ඇති විය හැකි බව ඔවුන් පෙන්වා දී තිබිණි.
මෙවර ආර්ථික විද්යා ප්රශ්න පත්රය පසුගිය අඟහරුවාදා (05) සහ බදාදා (06) පැවැත්විණි.
ආර්ථික විද්යා ප්රශ්න පත්රයේ ගැටළු ඇත්නම් සිසුන්ට සාධාරණයක් කරන ලෙස විභාග කොමසාරිස්ගෙන් ඉල්ලන්නේ යැයි ලංකා ගුරු සංගමයේ ලේකම් ජෝසප් ස්ටාලින් මහතා සඳහන් කළේය.
මෙවර ආර්ථික විද්යා ප්රශ්න පත්ර සකස් කරණ මණ්ඩලය ගැන ආචාර්ය මහාචාර්යවරුන් 39 දෙනකු මීට පෙර කළ විවේචන ගැන සැලකිල්ලක් දැක්වීනම් මෙවැනි ගැටළු පැන නොනගින බවත්, ජාතික විභාගයක මෙවැනි ගැටළු ඇතිවීම සුළුවෙන් තැකිය නොහැකි බවස් ස්ටාලින් මහතා කීවේය.
මේ ගැන විමසීමට විභාග කොමසාරිස් ජනරාල් ඩබ්ලිව් එම් එන් ජේ පුෂ්පකුමාර මහතා සම්බන්ධ කර ගැනීමට උත්සාහ කළත් එය අසාර්ථක විය.
COMMENTS
Reply To:
Sisira - cb chds hcdsh cdshcsdchdhd
බන්දුල පෙරේරා, ඔබ කියන පරිදිම සරසවි ආචාර්ය වරුන්ගේ වැඩ වර්ජනය පහත් ක්රියාවක් ලෙස මමත් දකිනවා. නමුත් මෙවර උ.පෙ.ආර්ථික විද්යා ප්රශ්න පත්තරේ සැබවින්ම ගැටළු ගොඩක් තියෙනවා. ඒවා පෙන්වා දීමට සරසවි අැදුරුවරුන්ට සැබවින්ම අයිතිවාසිකමක් තිබෙනවා. ඒ වගේම සමාජයේ අනෙක් හැමෝමත් එම අඩුපාඩු හෙවිය යුතුයි. පාසල් දරුවන් කියන්නේ අපේ අනාගතය. (නදී)
ළමයි අවුරුදු 02ක් මහන්සි වෙලා උසස් පෙළ ලියන කොට ප්රස්න පත්රය වැරදි නම් කනේ පාරක් දෙන්ඩ හිතෙනවා මේ අපරාදය කරන උදවියට. (නදී)
වැඩ වර්ජන කීරීමට සඳුනි බන්දුල ඕනෑව කණ්ඩායමකට මානව හිමිකමක් හරි (අ)
බන්දුල පෙරේරාට උගතුන් සමගයි, ජේ වී පි, එක ඇතුළු විපක්ෂය සමගයි තරහ තිබුණට ඇත්ත තත්ත්වය තමයි ඉහත සිදුවෙලා තියෙන්නේ.එකට බහු බුත කියන්නේ නැතුව බලන්න.(අ)
වැරදි නම් ටිකක් තියෙනවා. මේ දෙන්න නම් විශ්වාෂ නැහැ. රයිගමයයි ගම්පොලයයි වගේ. (නදී)
ශුද්ධ ජාතික වියදම යන සංකල්පයක් මෙතෙක් නොතිබුනත් එය අලුතෙන් එකතු කළයුත්තක් යැයි සිතේ (නි)
මම එකඟයි සසිරි.හැබැයි ඒ මානව අයිතිවාසිකම සාධාරණව පරිහරණය කළ යුතුයි. (නි)
පුදුම වෙන්න දෙයක් නැහැ. මේ සියල්ලම රට පරිහානියට ඇද දැමීමකි. (නි)
තව මොනවද ඉතුරුවෙලා තියෙන්නේ? ඔහොම යමු (නි)
මේවා පුදුම වෙන්න දේවල් නොවේ. ළමයින් ගැනයි කණගාටු. (නි)
මෙම විෂයට අදාළ ප්රධාන මහාචාර්යතුමා ටත් මේ ප්රශ්න පත්රය හදන්න කලින් ඉවත් වෙන්න කරුණා යෙදුනා නේද ?(නදී)
කලින් පේපර් හදපු ඩැනී සර්ටම පේපර් එක හදන්න දුන්නා නම් මේක වෙන්නේ නැහැ (නදී)
උසස් පෙළ සිසුන්ගේ අනාගතයම තමන්ගේ වෘතිය අයිතිවාසිකම් වෙනුවෙන් ප්රාණ ඇපයට ගත්තා. ඉදිරියේදීත් එහෙම කරන බවට ප්රසිද්ධියේ තර්ජනය කරන අය සිසුන් ගැන තියෙන අනුකම්පාව දැක්කම හිනා ගියේ කොයි පැත්තෙන්ද කියල හිතා ගන්නත් අමාරුයි. තාම හොයනවා කොයි පැත්තෙන්ද ගියේ කියලා. (නදී)