හිටපු ආර්ථික සංවර්ධන ඇමැති බැසිල් රාජපක්ෂ මාතර උසාවියට රැගෙන ආ අවස්ථාවේ මාධ්‍යවේදීනට මහේස්ත්‍රාත් යුරේෂා ද සිල්වා මෙනවිය කිසිම තහනමක් නොපැනවූ බව වාර්තාවේ.

මහේස්ත්‍රාත්වරිය පොලිසියට උපදෙස් දී ඇත්තේ රූපවාහිනී කැමරා උසාවියට රැගෙන නොආයුතු බවයි.

මාතර පොලිස් අධිකාරී සුදත් මාසිංහ උසාවියේ ගේට්ටුද වසා මාධ්‍යවේදීනට තහනමක් පනවා තිබිණි. මේ ගැන මාධ්‍යවේදීහු දකුණු පළාත් භාර ජ්‍යෙෂ්ඨ නියෝජ්‍ය පොලිස්පති චන්දන වික්‍රමරත්න මහතාට පැමිණිලි කළහ.

ජ්‍යෙෂ්ඨ නියෝජ්‍ය පොලිස්පතිවරයා මේ සම්බන්ධයෙන් මාසිංහගෙන් විමසූ විට ඔහු පවසා ඇත්තේ අධිකරණ ශාලාවට මාධ්‍යවේදීනට ඇතුළුවීමට නොදෙන ලෙස අධිකරණ නියෝගයක් පනවා ඇති බවයි.