​වේළුපිල්ලේ ප්‍රභාකරන්ගේ කොටි සංවිධානයේ චාල්ස් ඇන්තනි බලකායේ එලීලන් ගාල්ලේ  දෙවටේ දී ඉරිදා (17) අත්අඩංගුවට ගත් බව කියයි. යුද සමයේ හමුදාවට  බාර වීමෙන් පසු එලීලන් කොස්ගොඩ පාතාලයකුගේ වෙඩික්කරුවකු වී  යැයි ද අත්අඩංගුවට ගන්නා විට ගිනි අවියක් පතුරොම් ගැබක්, උණ්ඩ අටක් හා ජංගම දුරකථන තුනක් ද ඔහු ළඟ තිබු බව ඔහු අත්අඩංගුවට ගත් විශේෂ පොලිස් කණ්ඩායම කියයි.

බලපිටිය උසාවිය අසල දී පෙබරවාරි 16 වැනි දා දෙදෙනෙකුට වෙඩි තැබීමේ සිද්ධියට ද මොහු හවුල් දැයි පොලිසිය සොයයි. කොස්ගොඩ පාතාලයාගේ ඕනෑ එපාකම් අනුව අම්බලන්ගොඩ,ඇල්පිටිය,ඌරගස්මන්හන්දිය හා මිටියාගොඩ පෙදෙස්  හි මොහු අපරාධ කිහිපයකට හවුල් බව පෙනේ යැයි ද පොලිසිය පවසයි. කොස්ගොඩ පාතාලයා දුරකථනයෙන් දෙන උපදෙස් අනුව ක්‍රියාත්මක වී ඇතැයි පොලිසිය පවසයි.

2015 සැප්තැම්බරයේ කොටහේනේ කුඩු කතක මරණයට පත් වුයේ ඔහුගේ වෙඩි පහරින් යැයි පොලිසිය සොයයි. කොටි සංවිධානයේ සිටිය දී සිව් වතාවක් ම යුද හමුදාවෙන් වෙඩි කා ඇති ඔහු කොටහේනේ පදිංචිකරුවකු බවත් වයස අවුරුදු 29 වන බවත් කියයි. නියෝජ්‍ය පොලිස්පති රංජිත් පෙරේරා  මහතා අත්අඩංගුවට ගැනිමට මුල් විය.

2