උඩවලවේ දෙන්නෙක් හදුනාගැනෙති : රියදුරෝ බාරවෙති

දිනපතා රියදුරන් විසින් ජාතියේ වටිනා මිනිස් ජිවිත දහස් ගණනක් දෙයට අහිමි කරන අතරම මහා ධනස්කන්දයක්, විශාල පරිසර දුෂණයක් කරනවා. මෙය ත්‍රස්තවාදයට දෙවෙනි නොවේ. වහාම මේ සඳහා ජාතික වැඩපිළිවෙලක් අවශ්‍යයි (නි)

ඕස්ට්‍රලියාවේ රියදුරු බලපත උපාධියකට සමනයිි. එය නිකම්ම නිකන් රියදුරු බලපතක් නොවේ. එහි රියැදුරු මියගියහොත් ඔහුගේ අවයව දන්දීම සඳහා ක්‍රමයක් මෙන්ම එහි ඔහුගේ ගමන් බලපත්‍රය මෙන් සියලු විස්තර මෙන්ම රියැදුරු විසින් කරන සියලු වැරදි පොලිසියට දැනගන්න පුළුවන්. අපේ රටේ ඉන්නේ රියදුරන් නෙමෙයි, යකැදුරෝ. එමනිසා රජයක් හැටියට දැන්වත් මේ වෙනස නොකළොත් ජාතියම වැනසී ගොස් රටේ ඉතිරිවන්නේ රියදුරන් පමණක් වේවි (නි)

ජනගහණ අනුපාතයක් එක්ක බලද්දී විනය පිරිහුණ රියදුරන් වැඩි වශයෙන්ම ඉන්නේ ශ්‍රි ලංකාවේ. ඒ අතින් අපි තවත් ලෝක වාර්තාවක් තියලා. අපේ රියදුරන් හිතන්නේ අධික වේගයෙන් එළවීම තමයි රිය ධාවනය කියලා. (නි)

දැන් හරියට "හෝල් සේල්" මිනීමරනවා වගෙයි. මේවා මේ විදියට හැමදාම වෙද්දී නීති හදන උදවිය මර නින්දේ. මේ මහපාරේ ත්‍රස්තවාදය නැතිකරන්න කිසිකෙනෙක් මොකුත් නොකරන්නේ මේ රටේ ජනතාවගේ අවාසනාවට. කමක් නැහැ. අපි පතමු පින්කෙත හෙළ රන් දෙරණේ යළි (නූ)පදින්නට (නි)

මීට වඩා නීති ගෙන්න ඕන රියදුරන්ට. කීදෙනෙක් නම් මැරෙනවද දවසට අනතුරුවලින්. මියගිය සැමට නිවන්සුව. (ර)

අනේ පව් ඉතින් අහිංසක රියදුරු දේපල මොකක් හරි වාහනේ දෝෂයක් වෙන්න ඇති. නැත්නම් ඕනවට ඔහොම හප්පන්නේ නෑ නේ. (ර)

ශ්‍රී ලංකාව ලෝකයේ භයානක රටක් වශයෙන් නම් කරන දිනය වැඩි ඈතක නැහැ (නි)

හරිම කණගාටුදායක පුවතක් (නි)

බලන්න මේ අසරණ මිනිසුන් බල්ලන් බළලුන් සේ මහමඟ මැරි වැටී ඉන්න ආකාරය. මේ වාහන දිහා බලද්දිත් බිහිසුණුයි. මේ රියදුරන් ගුවනින්ද ගිහින් තියෙන්නේ? කෝ මේ අපි පත්කරලා යවපු අපිට පණ දෙන්නම් කියපු ඒ අතිඋත්තරීතර දේශපාලකයන්? (නි)

සුභාෂ්, මාත් මේ ඒක තමයි කල්පනා කරන්නේ (නි)

මෙම රියදුරන් විවිධ මත්ද්‍රව්‍ය භාවිතය රිය අනතුරු වලට ප්‍රධානම හේතුවක් (නි)

පුද්ගලික බස් රියදුරන් ගැන කියලා වැඩක් නැහැ. සමහර පුද්ගලික අයතන වලට සේවකයන් ගන්නකොට වාහනයක් දෙනවා කොමිස් මුදලකුත් එක්ක. ඉතින් ඉක්මනින්ම බලපත්‍රය අරගෙන, වාහනය එළවන්නේ තමුන්ට වඩා අය තවත් නැහැ කියලා හිතාගෙන. (නි)

කණගාටුදායක පුවතක් (නි)

බලන්න ඩබල් ලයින් තියන තැනක තමයි මේ අනතුර වෙලා තියෙන්නේ. බස් රථ රියදුරාට දඬුවම් දෙන්න (නි)

අර මංතීරුවේ යන්න බැහැ කියලා පෞද්ගලික බස් ලොකු අයියා උසාවි ගියා නේද? ජලාශ වේල්ල මතුවුණා කියලත් උසාවි යයිද? ජීවිතාන්තය දක්වාම හිරේ දාන්න තියෙන්නේ. (නි)

මේ බස් රියදුරෝ පුදුම වේගයකින් එන්නේ (නි)

බලාගෙන ගියපුවහම යුද්දෙට දෙවෙනි නැ . මේ රිය අනතුරු ත්‍රස්තවාදය වහාම පැරදවිය යුතුයි .මගේ පියා මියගියෙත් රිය අනතුරකින් . වාසනාවකට අපි හැමෝම රැකියා කරනවා ඒ වෙනකොට නැත්නම් ඉතින් හිඟාකන්න තමා වෙන්නේ .(ම)

බස් එකේ ගහලම තියෙනවනේ ගල්ෆ් එයාර් කියල. පොළොවට වැඩ අඟල් කීපයක්වත් උඩින් යන්න ඇති. හැමදාම මෙහෙම අනතුරුවෙනවා. මිනිස්සු දුක්වෙනවා. බස්කාරයෝන්ට බනිනවා. ආයෙත් එවිදියේම අනතුරක් වෙනවා. ආයෙත් බනිනවා. මගීන් වශයෙන් අඩුතරමේ අපිවත් මේ අයට විරුද්ධව ක්‍රියා කළයුතුයි. අඩුතරමේ මේවගේ නොසැලකිලිමත් රියදුරන් සම්බන්ධව තමන්ගේ අතේ තියෙන දුරකතනයෙන් හෝ පොලිසිය දැනුවත් කරනවා නම් හොඳයි. රථවාහන පොලිසියේ මහත්වරු රාජකාරිකරන බව ප්‍රධාන ලාම්පුව මගින් හැම රියදුරෙක්ම සන්නිවේදනය කරනවා. එයට විරුධව උනත් අපිට පැමිණිලි කළ හැකි නම් තමයි වටින්නේ. දේශපාලකොයන් මේවට මැදහත්වන කම් සිටියොත් වෙන්නේ මැරෙනකම් බලන් ඉන්න තමයි. මේ සම්බන්ධව පුළුල් සමාජ කතිකාවතක් ඇතිකල යුතුයි. (අ)

ආර්ථික ප්‍රශ්න වලින් ඔලුව පුරවාගත් මිනිස්සුන්ට හැමදේම පෙන්නේ මුදල් වලින් මිනිසුන්ගේ හොද ආකල්ප මුදලට යටවෙලා අධික තරගයක් තියෙන්නේ ජිවත් වෙන්න ජිවත් වීමේ අධික තරගය නැති කරොත් මේ වගේ ජිවිත අහිමි වෙන්නේ නේ (ම)

මොනරාගල යන බස් පාරේ යන්නේ.බිමින් නෙමෙයි උඩින් උපරිම වේගයෙන්..අපරාදේ මිනිස් ජීවිත මගීන්ට නිවන් සුව (අ)

වේග සීමා කිරීම සදහා අවශ්‍ය ස්ථානවල මාර්ගය හරහා කුඩා බැමි (බම්පෙර්ස්) දැමිය යුතුයි. (ම)

ආරංචියේ හැටියට බස් රියදුරෝ උදේට පොඩි මත් පෙත්තක් ගන්නවලු එතකොට දවසම බර අදින්න පුළුවන්ලු, එකපාරට චෙක් කලත් අහු වෙන්නේ නැනේ ,මේකත් පරීක්ෂාකර බලන්න (හේ)

මාර්ග අනතුරු සිදුවන්වනේ නීති නැති කමින් නොවේ. රියදුරන්ට හැදියාවක් නැති කමින්. (ර)

අවදානම් තැන්වල CCTV කැමරා සවිකර වැරදිකරන අයට ලොකු දඩයක් ගැහුවනම් හරි. නැතුව පොලිසියට මේක කරන්න බෑ. එකෙන් ලැබෙන අදායම අදාල ප්‍රාදේශීය සබාවට හෝ නගර සබාවට ලැබෙන විදියට ක්‍රමයක් හැදුව නම් හරි. උදාහරණයක් ලෙස ලන්ඩන් නගරයේ සමහර එක කැමරාවක වාර්ෂික දඩ එකතුව රුපියල් කොටි විස්සක්. (ර)

බස් රියදුරන්ටත් ත්‍රී විල් රියදුරන්ටත් දැඩි නීති සකස් කොට දැඩි සේ ක්‍රීයාත්මක නොකලොත් ඉදිරිය දවසකට සිදුවන පාරේ මරණ ගාන බොහෝ ඉහල යනු ඇත. (ර)

දවසකට දකින තරමක් දකින්නේ අනතුරු.(හේ)

මොනවා කළත් වැඩක් නැහැ නොසැළකිල්ලෙන් වාහන එළවනවා නම් (නි)

අපේ රටේ කොච්ච්චාර රිය අනතුරු සිද්ධ වුනත් රටේ මේ අපරාධය නතර කරන්න පියවරක් ගන්නේ නැති හැටි ,(හේ)

අනේ අහිංසක මිනිසුන්ගේ ජීවිත (අ)

අඩු මුදලක්දී බරපතල මාසික වාරිකයක් ගෙවන්න ණයට වාහන ලබා ගන්නවා. ඉතින් සල්ලි හම්බ කරන්න පිම්මේ දුවනවා. (අ)

සාමාන්‍ය ප්‍රවාහන සේවය පාවිච්චි කරන්නේ නැති බැරි මිනිස්සු , රියදුරන්ගේ නොමනා ක්‍රියා වලින් වන්දි ගෙවන්න වෙන්නෙත් ඒ අහිංසක මිනිස්සුන්ටම තමයි , අවසානයේ ඔබ සැමට නිවන් සුව ලැබේවා ! (අ)

බස් වලට සීසීටිවී කැමරා සවිකරලා සජීවීව බලන්න පුළුවන් විදියට සිස්ටම් එකක් හැදුවනම් ලොකු විනාසයක් නවත්තගන්න පුළුවන්. එකට යන්නේ අඩු වියදමක්. වෙනත් රටවල් වල කුලී රථ වල මෙවිදියේ සිස්ටම් එකක් තියෙනවා.(හේ)

උඩවලවේ ජලාශ වේල්ල මතුවීම නිසා මේ අනතුර සිදු වී ඇත්තේ කෙසේද? (නි)

හැමදාම රිය අනතුරු වලින් මිනිස්සු බල්ලෝ බළල්ලු වගේ මැරෙනවා. කාටවත් වගක් නැහැ. මේ දේවල් ගැනම බලන්න පිහිටවපු මාර්ග ආරක්ෂාව පිළිබඳ අධිකාරියක්ද කොහෙදත් තියෙනවා. ඒ අය වැඩට එනවා යනවා. මිනිස්සු පාරේ මැරෙනවා. (නි)