(අංජුල මහික වීරරත්න සහ සුජිත් හේවාජුලිගේ)

බුලත් විට කඩයක් වත් නැති මන්ත්‍රීවරුන් ගෙනුත් රුපියල් දෙලක්ෂ විසිදාහකටත් එහා ගණනක් අවුරුද්දකට බද්දට කැපී යන බව පොදුජන පෙරමුණේ මහනුවර දිස්ත්‍රික් මන්ත්‍රී ගුණතිලක රාජපක්ෂ මහතා පාර්ලිමේන්තුවේ දී අද (19) පැවසීය.

තමාටත් බුලත් බුලත් විට කඩයක් වත් නැතැයි කී ගුණතිලක රාජපක්ෂ මහතා මහා පරිමාණ දේවල් තිබෙන මන්ත්‍රීවරුන් ද සිටින බව කීය.

ඉස්සර සිටි මන්ත්‍රීවරුන් වගේ නොව වර්තමානයේ සිටින පාර්ලිමේන්තු මන්ත්‍රීවරුන් බොහෝ දේ අහිමි වූ මන්ත්‍රී පිරිසක් බවද රාජපක්ෂ මහතා පැවසීය.

ජනතාවට අසීරු මොහොතක මන්ත්‍රීවරුන්ද කැපවීම් කළ යුතු බව පිළිගන්නේ යැයි  කී මන්ත්‍රීවරයා කෝටි ගණන් මිලියන ගණන් හොයන අධ්‍යාපන ආයතන මෙන්ම වෛද්‍යවරුන් සිටින බවත් මේවා ගැන හරි නියාමනයක් නොමැති බවත් සඳහන් කළේය.