(බිමල් ශ්‍යාමන් ජයසිංහ)

කොලොන්නාව උමගිලිය ක්‍රීඩාංගනය අසලදී  කායවර්ධන උපදේශක වරයකුට වෙඩි තබා ඝාතනය කිරීමට සූදානම් වි එය අසාර්ථක වීමෙන් අනතුරුව පලාගිය පුද්ගලයන් දෙදෙනා තවත් අපරාධයකට යමින් සිටියදී මුල්ලේරියාවේදි අත්අඩංගුවට ගත් බව පොලිස් විශේෂ කාර්ය බලකාය කියයි.

එම සැකකරුවන් දෙදෙනා සමග සෙල්ලම් පිස්තෝලයක්, යතුරුපැදියක්, ජංගම දුරකථන හතක් හා ,හොරයින් මත්කුඩු මිලිගෑම් 7500 ක් පොලිස් භාරයට ගෙන ඇත.

එම පුද්ගලයා මිතුරන් කීපදෙනෙකු හමුවීම සඳහා උමගිලිය ක්‍රීඩාංගනය අසලට පැමිණ සිටියදී කොලොන්නාව දෙස සිට සුදු පැහැති ආරක්ෂක හිස් වැසුම් පැළඳ කළු පැහැති යතුරුපැදියකින්, කළු පැහැති ජැකට් පැළඳ පැමිණි නාඳුනන පුද්ගලයන් දෙදෙනකු ඔහු ඉලක්කකර කළු පැහැති ගිනි අවියකින් වෙඩි තබා තිබූ බව පොලිසිය කියයි.

නාඳුනන පුද්ගලයන් දෙදෙනා එම ස්ථානයේ සිට දෙපාරක් ගිනි අවිය ක්‍රියාත්මක කර ඇතත් එය ක්‍රියාත්මක නොවීම හේතුවෙන් ඔවුන් යතුරුපැදියෙන් ඔබේසේකරපුර දෙසට පලා ගොස් තිබිණි .

වෙඩි ප්‍රහාරයට ලක්වීමට ගිය 31 පුද්ගලයාගේ සහෝදරියට මත්ද්‍රව්‍ය ජාවාරමක් හේතුවෙන් ඉකුත් 3 වෙනි දින සංවිධානාත්මක අපරාධකරුවකු බව කියන පුද්ගලයකු දුරකථන ඇමතුමක් ලබා දෙමින් ඇයට සහ පවුලේ අයට මරණ තර්ජනය සිදුකර ඇති බව පොලිස් විමර්ශනවලදී අනාවරණය වී ඇත.

එම පුද්ගලයා ඩුබායි ධනුෂ්ක නමැත්තාගේ ප්‍රධාන ගෝලයකු බව පොලිසිය කියයි.