(විමුක්ති එස් රුද්‍රිගු)

ඉරාන - ඊශ්‍රායල යුද්ධයේ අවසන් කිරීම සඳහා ඉරානය සටන් විරාමය බලාත්මක කළ බව ඉරාන රාජ්‍ය මාධ්‍ය අද(24) නිවේදනය කළේය. 

එසේම ඇමෙරිකා ජනපති ඩොනල්ඩ් ට්‍රම්ප් සිය ටෘත් සෝෂල් ගිණුමේ සටහනක් තබමින් එය තහවුරු කළ අතර එම සටහනේ සඳහන්ව තිබුණේ "ඉරාන - ඊශ්‍රායල සටන් විරාම ගිවිසුම ඇරඹුනා, එය උල්ලංඝනය නොකරන ලෙස සියලු පාර්ශ්වයන්ගෙන් ඉල්ලා සිටිනවා" ලෙසය.

දෙරට අතර සටන් විරාම ගිවිසුම අද (24) පෙරවරු 9 සිට ක්‍රියාත්මක බවද ජනපති ට්‍රම්ප් තැබූ සටහනේ සඳහන් විණි.

මීට පෙර ඇමෙරිකා ජනපති ට්‍රම්ප් මීට පෙර සටහනක් තබමින් ප්‍රකාශ කර තිබුණේ ඊශ්‍රායලය සහ ඉරානය සම්පූර්ණ සටන් විරාම ගිවිසුමකට එළැඹීමට සිය කැමැත්ත ප කළ බවය. 

කෙසේ වෙතත් සටන් විරාම ගිවිසුම පිළිබඳව ඊශ්‍රායලය තවමත් නිල නිවේදනයක් නිකුත් කර නොමැත.

ඇමෙරිකාව ඉරානයට ප්‍රහාර එල්ල කිරීම හේතුවෙන් ඇතිවූ කෝපය කටාර් හමුදා කඳවුරට එල්ල කළ ප්‍රහාරයෙන් ඉරානය පිටකර ගත්බව තමන් විශ්වාස කරන බවත් තවදුරටත් ඉරානය ඇමෙරිකාවට ප්‍රහාර එල්ල නොකරනු ඇතැයි තමන් විශ්වාස කරන බවත් ජනපති ට්‍රම්ප් පැවැසුවේය. 

කලාපයේ සමගිය සහ සාමය කරා ඉරානයට දැන් ගමන් කළ හැකි බවත් තමන් ඊශ්‍රායලයද ඒ සඳහා දිරිමත් කරන බවත් ජනපති ට්‍රම්ප් ප්‍රකාශ කළේය.