ඉන්දියාවේ සිටින ලාංකිකයන් රැගෙන එන්න තවත් ගුවන් යානයක් යයි

(ටී.කේ.ජී.කපිල )

ශ්‍රී ලංකාවට පැමිණීමට නොහැකිව ඉන්දියාවේ කොයිම්බතූර් හි රැදී සිටින ශ්‍රී ලාංකික ගුවන් මගීන් 122 ක් යළි මෙරටට රැගෙන ඒම සඳහා ශ්‍රී ලන්කන් ගුවන් සේවයේ විශේෂ ගුවන් යානයක් අද (26) උදෑසන කටුනායක ගුවන් තොටුපළෙන් පිටත්වී ගියේය.

ශ්‍රී ලන්කන් ගුවන් සේවයේ යූ.එල්.- 1193 දරන මෙම ගුවන් යානය උදෑසන 9.05 ට ඉන්දියාවේ කොයිම්බතූර් බලා කටුනායක ගුවන් තොටුපළෙන් පිටත් විය.

ගුවන් නියමුවන් ඇතුළු කාර්යය මණ්ඩලය 07 දෙනෙකු මෙම ගුවන් යානයේ ගමන් කළහ.

ශ්‍රී ලන්කන් ගුවන් සේවයේ මෙම ගුවන් ගමන සඳහා ඒ.- 321- 251 එන් වර්ගයේ එයා බස් ගුවන් යානාවක් යොදවා තිබුණි.

මෙම ගුවන් යානය මගීන් පිරිස ද රැගෙන යළි දහවල් 12.15 ට කටුනායක ගුවන් තොටුපළ වෙත පැමිණීමට නියමිතය.

අදහස් (3)

ඉන්දියාවේ සිටින ලාංකිකයන් රැගෙන එන්න තවත් ගුවන් යානයක් යයි

saman Sunday, 26 April 2020 04:48 AM

ආවට පස්සේ මෙහෙදී නහයෙන් අඩන අයනම් ආයේ ගේන්න එපා. ඒ අයට ටිකට් ගණන් අඩුවුන කාලෙක එන්න කියන්න.

: 181 4

RaveendraSunday, 26 April 2020 07:52 AM

මේ ඔබේ මෙන්ම මගේද සහෝදර සහෝදරියන් වගේම ලංකා මාතාවගේ දරුවන් බව අමතක නොකරන්න.... අඩුපාඩු දහසක් තිබිය හැක, නමුත් මොවුනටද සම්පුර්ණ අයිතියක් තිබෙනවා තමන්ගේ රටට ඒමට විශේෂයෙන් මෙවන් අවදානම් අවස්ථාවක. මොකද මෙම බයානක උවදුරු හමුවේ මානව හිමිකම් ,අර හිමිකම්, මේ හිමිකම් ගැන මහා ඉහලින් කෑමොර දෙන ගොඩක් රටවල් තමන්ගේ පුරවැසියන් ගැන මුලිකත්වය ගෙන වැඩකටයුතු කරන බව නොරහසක් මෙන්ම විදේශිකයන් කෙරෙහි කිසිදු සැලකිල්ලක් නැති බව ඉතාම පැහැදිලිය. නමුත් අප රටේ එලෙස විදේශිකයන්ට මෙම අවදානම් අවස්ථාවේ නොසලකා හැරියේද නැත. " අප රටට හැකි පමණින් " අප රටේ රැදී සිටින විදේශිකයන්ට සලකනවා නොවේද ?? එබැවින් ඔබගේ අදහස් පිලිබදව ඔබම සිත බැලීම වඩාත් වැදගත් නොවේද ?

: 36 106

de silva Sunday, 26 April 2020 06:27 AM

මැදපෙරදිග අතරමන්වෙලා ඉන්න ශ්‍රමිකයෝ ගෙන්වාගන්න කිසිම වැඩ පිළිවෙලක් නැද්ද? වන්දනා නඩ සහ සිසුන් පමණක් ගෙන එන්නේ මොකද ?

: 0 129