‘පෑලියගොඩින් පාගමනට එක්වෙන්නද කියලා ආණ්ඩුවේ ඇමැතිකම් ගත් උදවිය අපට කතා කර අහනවා. ඒත් අපි ආණ්ඩු පෙරළන්නේ අයවැයේදියි.‘ යැයි එක්සත් ජනතා නිදහස් සන්ධාන පාර්ලිමේන්තු මන්ත්‍රී හා පිවිතුරු හෙළ උරුමයේ නායක උදය ගම්මන්පිල මහතා පැවසීය.


ගම්පන්පිල මහතා එලෙස පැවසුවේ ඒකාබද්ධ විපක්ෂයේ පාද යාත්‍රාවේ දෙවැනි දිනට ඊයේ (29) රාත්‍රී 7.30ට අවසන් කිරීමෙන් පසු නෙළුම්දෙනියේ පැවැති රැලිය අමතමිනි.ඒකාබද්ධ විපක්ෂයේ පාර්ලිමේන්තු මන්ත්‍රීවරු පිරිසක්ද, පළාත් සභා හා ප්‍රාදේශීය සභා මන්ත්‍රීවරු පිරිසක් ද එම රැලියට එක්වූහ.

එහිදී අදහස් දැක්වූ උදය ගම්මන්පිල මහතා මෙසේ ද කීවේය.


‘අපි හිතුවේ අද (29) සිකුරාදා නිසා අඩුම සෙනග ඉන්න දවස කියලයි. නමුත් අද අති විශාල පිරිසක් සහභාගී වුණා. ආණ්ඩුව මේ සෙනග දැකලා උණ හැදිලා. අපි කොළඹට එන දවසට ලංකාවෙම තියෙන කදුළු ගෑස් පෑලියගොඩ පාලම ළගට අරගෙන වරෙල්ලා. ලංකාවෙම තියෙනන උණ්ඩ අරගල වරෙන්ලා. ඒත් අපි කොළඹට ඇතුළු වෙන එක නවත්වන්න ආණ්ඩුවට බෑ.'


'පළවෙනි දවස් දෙකේ උසාවි නියෝග දෙකක් ගත්තා. ඉන් පසු අධිකරණය තහනම් නියෝග ලබා දුන්නේ නෑ. කොළ පාට පොලිසිය ඉදිරි දිනවලදී තවත් නියෝග ගන්න එයි අධිකරණවලට. අපි කියන්න කැමති අධිකරණයට එවිට බලන්න කවුද මුලින් සංවිධානය කළේ කියලා. මුලින් සංවිධානය කළ අයට ඉඩ දීලා නෙක් අයට තහනම් නියෝග දෙන්න.'


'පොලිස්පතිට කියන්නේ ඔබ අනාතයි, අජූතයි, කුජීතයි. අපි කියනවා පොලිස්පතිට ඔබ කොළ තොප්පියක් දාගෙන සිරිකොතේ සිකියුරිටියට යන්න කියලා. එජාපය පොලිස්පති කළ උදව් හැටියට ඡන්දේ ඉල්ලුවොත් යූන්පීකාරයන් ඉහළින්ම දෙයි.'


'පාර්ලිමේන්තුවේ තුනෙන් දෙකක් නිර්මාණය කර ගත්තට ජනතාවගේ තුනෙන් දෙකක් ඉන්නේ මහින්ද මහත්තයා ළගයි. මේ ආණ්ඩුව ඉන්දියාවේ සහ ඇමෙරිකාවේ රූකඩයක් බවට පත් වෙනලා. මේ පින් බිම ඉන්දියාවට සහ ඇමෙරිකාවට පවරා දෙන්න ජනතාව ඉඩ දෙන්නේ නෑ.‘

1 2

ඡායාරූප - කෞශල්‍ය සමින්ද