(රෝෂන් තුෂාර)

පස්  දරු පියෙකුගෙන් රුපියල් 2300 අල්ලසක් ලබාගත් බව කියන කල්මුණේ මරදමඩු කාති  විනිසුරු හා  බිරිඳ ලබන 8 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත අසංග එස් බෝදරගම මහතා අද (25) නියෝග කළේය.

  විනිසුරු පලිල් මව්ලාන හා  බිරිඳ වන සමයල් වේවා නම් සැකකරුවන් යුවළ එසේ රක්ෂිත බන්ධනාගාර ගතත කෙරුණි.

සිද්ධිය සම්බන්ධයෙන් කරණු දක්වමින් අල්ලස් කොමිසම අධිකරණය හමුවේ කියා සිටියේ පැමිණිලිකාර පුද්ගලයා දරුවන් පස්දෙනකු වෙනුවෙන් මාසිකව නඩත්තු මුදල් ගෙවන බවත්, එම මුදල් ගෙවීම වෙනුවෙන් සැකකාර කාති විනිසුරුවරයා ඔහුගෙන් රුපියල් 2300 ක සේවා ගාස්තුවක් අය කරගෙන ඇති බවත්ය.

එසේ ගෙවන සේවා ගාස්තු සැකකාර කාති විනිසුරුවරයාගේ බිරිඳ විසින් එකතු කරගෙන ඇති බවද විමර්ශන නිලධාරීන් අධිකරණයට දැන්වීය.