IMG-LOGO

2025 ඔක්තෝබර් මස 21 වන අඟහරුවාදා


අමරපුරයේ ‘ශාඛ්‍යා’...

ප‍්‍රවීණ නිර්මාණවේදී බර්ට‍්‍රම් නිහාල් අධ්‍යක්‍ෂණය කළ ‘අමරපුරය’ ටෙලි නිර්මාණය මේ දිනවල ස්වාධීන රූපවාහිනිය ඔස්සේ විකාශය කෙරේ. මෙහි චාල්ස් බලවර්ධන නම් වූ චරිතයේ දියණිය වන ශාඛ්‍යා ලෙස රංගනයේ යෙදෙන්නේ බර්නඩෙත් නිලන්ති ඩයස් කරුණානායක හෙවත් නර්තනයට, රංගනයට දක්‍ෂ නිලන්ති ඩයස් ලෙස ඔබ හඳුනන ශිල්පිනියයි. අද අපේ කතාබහ ඇය සමගයි. චාල්ස් බලවර්ධනගෙ දුව කවුද මේ? බර්ට‍්‍රම් නිහාල් මහතාගේ ‘අමරපුරය’  නාට්‍යයේ ශාඛ්‍යා. මේ චරිතය ලැබීම ගැන හිතෙන විදිය? එවැනි ඉතාම නිර්මාණශීලී කලාකරුවකුගේ නිර්මාණයකට දායක වෙන්න ලැබීම ඉතාම වාසනාවක්. ඒ නිසා ලොකු පළපුරුද්දක් ලබාගන්න පුළුවන් වුණා. මෙය අවුරුදු තුනකට විතර පෙරදී රූගත කළ නාට්‍යයක්. අද ඔබට එය දැනෙන විදිය? මම හිතන්නෙ එය අදට පුදුම විදියට දැනෙන කතාවක්. අදට වඩාත් ගැලපෙනවා. කොහොමටත් දැන් දැන් හොඳ නාට්‍ය ආයෙත් බිහිවෙන්න පටන්ගෙන. අද සිදුවන සමාජ සිදුවීම් දිහා බලද්දි මෙය පරණ එකක් විදියට පෙනෙන්නෙ නැහැ. බොහෝදෙනා ඔබ ගැන මැනගෙන හිටියෙ හොඳට නටන්න පුළුවන් එනම් නර්තනයට දක්‍ෂ කෙනෙක් විදියටයි. එහෙම නේද? මේ නාට්‍යයේ චරිතය වෙනස්. හැබැයි බොහෝදෙනා මාව දැනගෙන හිටියෙ චිත‍්‍රපට නිසයි. චිත‍්‍රපට වලදි වෙනස් චරිත රඟපාන්න ලැබුණා. ‘ආදර මීනා’ චිත‍්‍රපටයේ රඟපෑ දමිළ චරිතයට මම ගොඩාක් ආසයි. ඕනෑම චරිතයක් රඟපාන්න කැමතිද? එහෙමමත් නැහැ. පිටපත අනුව ලැබෙන චරිතය වෙතින් යමක් කිරීමේ අවකාශය වැඩි නම් මම ඒ චරිතයට කැමති වේවි. වැඩිපුර කැමති රඟපාන්නද? නටන්නද? ඇත්තටම මම කැමති නර්තනයට. මොකද බොහෝදෙනා මට කියන්නෙ අපි ඔයා හඳුනාගත්තේ නර්තනය නිසා කියලයි. මුලින්ම ඒ විදියට ඔබ හඳුනාගත්තෙ ‘පිටිකොටපන් නෝනේ’ ගීතයට නටපු නිසා නේද? දැන් ඒ යාළුවො මොනවද කරන්නෙ? අපි ඔක්කෝම විවාහ වෙලා. අනෙක් අය අද නර්තනයට දායක වෙන්නෙ නැහැ. මුලින්ම එදා හිටියෙ දුආශා අක්කා, ලීනා අක්කා සහ ඉන්දු. ඊට පස්සෙ රොෂානි. ඒ විදියට කාලයෙන් කාලයට වෙනස් වුණා. ඒ යාළුකම අද තියෙනවද? ඉඩක් ලැබුණොත් කතා කරනවා. ඉඳ හිට හමුවන අවස්ථාත් තියෙනවා. කොහොමද ඔබගේ ජීවිතය? හොඳින් සහ සුන්දරත්වයෙන් ගෙවෙනවා. රඟපෑම හැර ඔබ වෙනත් වෘත්තියක් කරනවද? නැහැ. වෙනත් වෘත්තියක් කරන්නෙ නැහැ. රඟපෑමම තමයි. ඊට අමතරව නර්තන ප‍්‍රසංග බාරගෙන කරනවා. ඔබ වඩා කැමති? කලා අංශයේ මේ කටයුතුවලට දායක වෙන්න. ‘නිලන්ති’ කියලා මගේම නර්තන කණ්ඩායමක් තියෙනවා. ඉල්ලීම් අනුව අපි ප‍්‍රසංගවලට ඉදිරිපත් වෙනවා. සමහර වෙලාවට එය කණ්ඩායමක්ම නෙවෙයි. මම තනිව ප‍්‍රසංග කරන අවස්ථාත් තියෙනවා. අද නර්තනයට පැමිණ සිටින පිරිස බොහෝමයි. රංගනයට පැමිණ සිටින පිරිසත් එහෙමයි. ඒ ගැන හිතන්නෙ කොහොමද? ගොඩාක් රියලිටි ෂෝ තියෙනවා. ඒවා නිසා ගමේ දක්‍ෂතා තියෙන අයට ලොකු අතදීමක් වෙනවා. ඒ අවස්ථා ලැබීම හොඳයි. ඒ අලූත් අයට ක්‍ෂේත‍්‍රය ගැන වැටහීමක් හෝ ගරුසරු බවක් තිබෙනවා කියලා හිතනවාද? සමහර අයහපත් දේ අහන්න දකින්න ලැබෙනවා. ඇත්තටම අපි නම් ක්‍ෂේත‍්‍රයට ආ දවසේ ඉඳලම හැමෝටම ගරුසරු ඇතිව තමයි කටයුතු කරන්නෙ. ඒ ගරුත්වය තිබිය යුතුම දෙයක්. ඔබ යම්කිසි දුරක් ආවා නම් ඊට ප‍්‍රධානව මුල් වූ ගුණාංග ලෙස දකින්නෙ? දක්‍ෂතාව අනිවාර්යෙන්ම තිබිය යුතු දෙයක්. ඒ වගේම අපි වඩාත් නිහතමානී වෙන්න  ඕන. අනෙක් අයට ගරුකරන්න  ඕන. නමුත් සමහර විට සමහර අයගෙන් දකින්න නැති දෙයත් ඔය කියන ගරුසරුකමයි. විශේෂයෙන්ම නවකයන්ට මේ ක්‍ෂේත‍්‍රය ගැන අවබෝධයක් වගේම ගරුත්වයක් තිබිය යුතුමයි. නිලන්ති ඔබ කොහොම කෙනෙක්ද? මම මා ගැන වර්ණනා කරගන්න කැමති නැහැ. අනෙක් අය දකින විදිය අනුව තීරණය කිරීම තමයි හොඳ. මම හොඳ පුරවැසියෙක් බව සමාජයෙන් ලැබෙන ප‍්‍රතිචාර මත මට තේරෙනවා. ජීවිතේ අභිමානයෙන් සහ සතුටින් ගෙවන්න එය ප‍්‍රමාණවත්.

සටහන/ඡායාරූප සඳුන් ගමගේ



අදහස් (0)

අමරපුරයේ ‘ශාඛ්‍යා’...

නිත්‍යා Wednesday, 09 January 2013 10:37 AM

ඔබේ දිවි ගමනට අපේ සුබ පැතුම් (ස)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 1119 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1133 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී. 2025 සැප්තැම්බර් මස 23 430 0
ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන

Our Group Site