අගෝස්තු 17 වැනිදා මැතිවරණයෙන් එක්සත් ජාතික පක්ෂයේ නායක රනිල් වික්‍රමසිංහ අගමැති දිවුරුම්දී වැඩ බාර ගත්තේය. ඊට ටික දිනකට පසු මංගල සමරවීර, ඩී.ඇම්.ස්වාමිනාදන් හා විජයදාස රාජපක්ෂ මහත්වරු එතෙර වැදගත් සම්මන්ත්‍රණවලට සහභාගිවීම සඳහා දිවුරුම් දුන්හ.

සෙසු ඇමැතිවරු දිවුරුම් දීම වරින්වර කල් ගොස් සැප්තැම්බර් 4 වැනිදාට දින නියම කරගෙන ඇත.

ඒ අතර රජයේ සංස්ථාපිත මණ්ඩලයක් බල්ලාගේ හා බූරුවාගේ උපහැරණය සිහිගන්වන පත්වීමක් කර ඇත. 2015.8.28 වැනිදා එම පත්වීම කළ බව සාමූහික සන්නිවේදන කළමනාකරුවකුගේ අත්සනින් මෙතෙක් පත් නොකළ පුද්ගලයකු ඇමැතිකමට පත් කළ මේ මණ්ඩලය ඇමැතිවරුන් පත් කිරීමේ බලතල ලැබී ඇත්තේ කෙසේදැයි සොයා බැලීම වටී.