‘‘අපි විදෙස් පරිත්‍යාග සීමා කර නෑ‘‘

(විමුක්ති එස් රුද්‍රිගු)

ජාත්‍යන්තර මූල්‍ය අරමුදල මෙරටට ලබාදී ඇති අරමුදල් වැඩසටහන කිසිම විටකත් විදේශ පරිත්‍යාග සීමා නොකරන බව එම අරමුදලේ මෙරට දූත මණ්ඩල ප්‍රධානි එවන් පැපජෝර්ජියෝ මහතා අප පුවත්පත කළ විමසීමකට පිළිතුරු දෙමින් පසුගියදා ප්‍රකාශ කළේය.

ජාත්‍යන්තර ගනුදෙනු සඳහා සිදුකරන ගෙවීම් සහ මුදල් හුවමාරු කිරීම්වලට සීමා පැනවීම සිදු නොකිරීමට මෙන්ම තිබෙන සීමා දැඩි නොකිරීමට අරමුදලේ සාමාජික රටවල් බැඳී සිටින බවද ඔහු පැවැසුවේය. කෙසේ නමුත් පරිත්‍යාග සිදු කරනවිට දේශීය නීති සහ රෙගුලාසිවලට අනුකූල විය යුතු බවග ඔහු ප්‍රකාශ කළේය.

උදාහරණයක් ලෙස රීබිල්ඩින් ශ්‍රී ලංකා වැඩසටහන ගතහැකි බවත් එවැනි වැඩසටහනකට අරමුදල් පරිත්‍යාග සිදු කිරීමේදී ඒවා විනිවිදභාවය සහ වගවීමේ විධිවිධාන, මහජන වාර්තාකරණය සහ විගණන අවශ්‍යතා සහිත ශක්තිමත් පාලන රාමුවකට යටත්වන සහතික කිරීමට බලධාරීන් කැපවී සිටින බවද ඔහු පැවැසුවේය.