2025 නොවැම්බර් මස 03 වන සඳුදා
(රංජිත් පද්මසිරි)
අධිකරණ සේවා කොමිෂන් සභාව විනිසුරුවරුන් සහ අධිකරණ සේවයේ නිලධාරීන් 20 දෙනකු සිය රාජකාරීවලින් ඉවත්කර ඇතැයි ආරංචි මාර්ග ප්‍රකාශ කළේය.
එලෙස රාජකාරිවලින් ඉවත්කළ පිරිසට එක් මහාධිකරණ විනිසුරුවරයකු, මහේස්ත්‍රාත්වරුන් සහ දිසා විනිසුරුවරුන් ඇතුළත් වන බව ආරංචි මාර්ග පෙන්වා දුන්නේය.
රාජකාරීවලින් ඉවත්කළ 20 දෙනාගෙන් හත් දෙනකුගේ සේවය අවසන් කර ඇති බවත් අනෙක් අය වැඩ තහනම් කර හෝ අනිවාර්ය විශ්‍රාම ගැන්වීමට ලක් කර ඇති බවත් ආරංචි මාර්ග ප්‍රකාශ කළේය.
රාජකාරියෙන් ඉවත් කළ මහාධිකරණ විනිසුරුවරයා ශ්‍රේෂ්ඨාධිකරණ විනිසුරු ජනක් ද සිල්වා මහතා ඉදිරියේ පරීක්ෂණයකට මුහුණ දී සිටින බවද ආරංචි මාර්ග පැවැසුවේය.
අධිකරණ සේවයේ සිටින්නන් පිළිබඳව මහජනතාවගෙන් ලැබුණු පැමිණිලි පිළිබඳව විමර්ශනය කිරීමෙන් අනතුරු මෙම පිරිස රාජකාරීවලින් ඉවත් කිරීමට අධිකරණ සේවා කොමිෂන් සභාව කටයුතු කර තිබෙන බවද ආරංචි මාර්ග ප්‍රකාශ කළේය.
එල්ල වූ චෝදනාවලට වරදකරු වූවන් විශ්‍රාම ගන්නා වයස ආසන්නයේ සිටී නම් ඔවුන්ට විශ්‍රාම ගැනීමේ විකල්පය ලබාදීමට අධිකරණ සේවා කොමිෂන් සභාව කටයුතු කළ බවද ආරංචි මාර්ග පැවැසුවේය.
දූෂණ වැනි බරපතල චෝදනා එල්ල වූ අය සම්බන්ධයෙන් චෝදනා පත්‍ර භාර දී පරීක්ෂණ පවත්වා තිබෙන බවද ආරංචි මාර්ග ප්‍රකාශ කළේය.
පරීක්ෂණයකින් පසුව චෝදනාවලට වරදකරු වන්නන් අගවිනිසුරු ප්‍රීති පද්මන් සූරසේනගේ සභාපතීත්වයෙන් යුතු අධිකරණ සේවා කොමිෂන් සභාව විසින් රාජකාරියෙන් ඉවත් කරනු ලැබ තිබෙන බවද ආරංචි මාර්ග පැවැසුවේය.
2025 ඔක්තෝබර් මස 08
1900
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1518
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
531
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
අධිකරණ සේවයේ 20ක් රාජකාරිවලින් ඉවත් කරලා
ජිල්බු Monday, 03 November 2025 09:06 AM
2000ක් විතරවත් උනානම් ටිකක් විතර ඕක සුද්ද වෙයි.
නජිත් Monday, 03 November 2025 09:20 AM
මාලිමා ඇමතිලගෙ දූෂණ චෝදනා විභාග කරන අයටත් මාරුවීම් ලැබෙනවා.
රෝමියේ Monday, 03 November 2025 11:44 AM
පෙරකදෝරුවන්ගෙන් වෙන අවැඩ ගැන හොයන්න නිසි ක්‍රමවේදයක් හදන්න. දැන් තියන ක්‍රමවේදය අනුව ඔවුන්ගේ වැරදි විමර්ශනය කරන්න පවරෙන්නෙත් ඔවුන්ටමයි. ඔවුන් එකිනෙකා බේරාගන්නවා. නීතියේ ආධිපත්‍යට හොර විනිසුරන්ට වඩා විශාල විනාශයක් කරනවා කලුකෝට්කාරයෝ
de silva berlin Monday, 03 November 2025 12:25 PM
බරපතල වැරැදි කරලා තිබෙනවා නම් ඒකට දඩුවම් කරන්න ඕනේ. එහෙම වුණාම විශ්‍රාම වැටුපත් අහිමි කරන්න ඕනේ..., නීතිය හොදින් දන්නා උසස් පොලිස් නිලධාරීන්, පෙරකදෝරු මහත්වරු, විනිසුරුවරු නීති කඩන කොට ඔවුන්ට දෙන දඩුවම සාමාන්‍ය පුද්ගලයෙකුට හෝ පොලිස් කොස්තාපල් කෙනෙක්, කාර්යාල කාර්ය සහායකයකුට, මාළු වෙළෙන්දෙකුට දෙන දඩුවමට වැඩිය වැඩි විය යුතුයි. ලෝකයේ දියුණු රටවල නීතිය ක්‍රියාත්මක වෙන්නේ එහෙම, එයට හේතු වන්නේ 1) ඔවුන් නීතිය සාමාන්‍ය පුද්ගලයෙකුට වැඩිය හොඳින් දන්නා නිසා 2) ඔවුන් නීතියට ගරු කිරීමට සහ ආරක්ෂා කිරීමට දිවුරුම් දී සිටින නිසා 3) සාමාන්‍ය සිවිල් පුද්ගලයින් ඔවුන් ආදර්ශයට ගන්නා නිසා...
R.T.sarath Monday, 03 November 2025 12:47 PM
පෙරකදෝරුවෝ කුණුහරුප කියමින් තර්ජනය කරමින් උසාවි වල පිස්සු නටන්නේත්, මිනීමරුවන්ට ආයුධ සගවාගෙන යන්න නීති පොත් දෙන්නෙත්, පෙරකදෝරු නෝනලා ප්‍රසිද්ධ රැස්වීම් වලදී උසාවි නියෝග ක්‍රියාත්මක නොකරන ලෙසට රජයේ නිලධරීන්ට උපදෙස් දෙන්නේත්, හොර ඔප්පු ලිවීම කූඨ ලේඛන සකස් කිරීම වැනි බරපතල වැරැදි කරන්නේත් විනිසුරුවරු කැලේ අලි ඇතුන් සොරකම් කිරීම, පගාව ගැනීම කරන්නේත්, ඔවුන්ට දඩුවම් බොහෝ විට නොලැබෙන බවට ඔවුන් උපකල්පනය කරන නිසායි. ඔවුන්ට විරුද්ධව නීතිය ක්‍රියාත්මක වෙන්න ඕනේ... නැතිනම්, ගරු අධිකරණය සහ රටේ උත්තරීතර නීතිය පිළිබඳ මහජන විශ්වාසය බිඳ වැටෙනවා. රට දිගින් දිගටම අවුල් ජාලයක් වෙනවා. විනිසුරුවරුත් උත්තරීතර නීතියට යටත් විය යුතුයි. රටේ උත්තරීතර නීතිය තිබෙන්නේ අපි කාටත් ඉහළින්..