( තිලකරත්න දිසානායක0

වර්ෂාව සහිත හේතුවෙන් අත්තනගලු ඔයෙහි ජල මට්ටම අද  (30) දහවල්  12 වනවිට, දූනමලේ ජල මාපකයෙහි මීටර් 4 දශම 90 ක් වශයෙන් සදහන්ව තිබූ බවත් මෙය අත්තනගලු ඔය පිටාර මට්ටමකට පත්වීමක් වන බවත් ගම්පහ වාරිමාර්ග ඉංජිනේරු කාර්යාලය සදහන් කරයි.

මෙම ජල මට්ටම සාමාන්‍ ගංවතුර මට්ටමකට පත්වීමක් බවත් ජල මට්ටම මීටර් 5 දශම 5 දක්වා ඉහළ ගියහොත් මහ ගංවතුර තත්ත්වයක් බවත්  වර්ෂාව තවදුරටත් ඇති වුවහොත් අත්තනගලු ඔයෙහි ජල මට්ටම තවත්  ඉහළ යාම සිදුවන බැවින් පහත්බිම්වල වෙසෙන ජනතාව විමසිලිමත්ව සිටිය යුතු බවත් කළ විමසුමකට පිළිතුරු දෙමින් ගම්පහ වාරිමාර්ග ඉංජිනේරු විදුර ක්‍රිෂාන්ත මහතා පැවසීය. 

අත්තනගලු ස්ථාන කිහිපයකින් පිටාර ගැලීම හේතුවෙන්  අද දහවල් වනවිට  ගම්පහ නගරය අවට මාර්ග කිහිපයක් ජලයෙන් යටවී තිබිණි.