එසැණ පුවත්

හැටන් දිඹුල ප‍්‍රදේශයේදී කිරි බවුසරයක් පෙරලී ගමනා ගමනය ඇණ හිටි

හැටන් දිඹුල බෝගහවත්ත ප‍්‍රදේශයේ පෞද්ගලික කිරි එකතු කිරිමේ මධ්‍යස්ථානයක සිට මුල්ලේරියාව දක්වා දියර කිරි ලිටර් නවදහස් හත්සියක් 9700 ප‍්‍රවහානය කළ බවුසරයක් පෙරලි අනතුරට ලක් වී ඇති බව දිඹුල පොලිසිය පවසයි.

15 February 2018

සෞදි හාම්පුතාගේ අන්තිම කැමැත්තෙන් ශ්‍රී ලාංකිකයකුටත් කොටසක්

මීට වසර විස්සකට පෙර සෞදි අරාබියේ සේවය කළ ශ‍්‍රී ලාංකිකයෙකුට ඔහු සේවය කළ හාම්පුතා සිය අන්තිම කැමැත්ත අනුව හිමි මුදල් ලබාදීමට එම ශ‍්‍රී ලාංකිකයාගේ තොරතුරු ලබාදෙන ලෙස අන්තිම කැමති පත‍්‍රය ලියූ සෞදි හාම්පුතාගේ පුත‍්‍රයා රියාද් තානාපති කාර්යාලයේ සහාය ඉල්ලා ඇතිබව ශ‍්‍රී ලංකා විදේශ සේවා නියුක්ති කාර්යාංශය නිවේදනයක් නිකුත් කරමින් සඳහන් කරයි.

15 February 2018

අසාදු ලේඛණයෙන් ශ්‍රී ලංකාව ඉවත්කරගැනීමට පියවර ගන්නවා - මහ බැංකු අධිපති

යුරෝපා සංගමයේ මුදල් විශුද්ධිකරණ අසාදු ලේඛනයෙන් ශ්‍රී ලංකාව ඉවත් කරගැනීම සඳහා ක්‍රමවත් සැලැස්මකට අනුව ක්‍රියාකරන බව ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා අද (15) කීය.

15 February 2018

අපරාධ නඩු පනත සංශෝධනයට කැබිනට් අනුමැතිය

අපරාධ නඩුවකදී ළමයකු ලෙස ගණන් ගන්නා වයස අවුරුදු 8 සිට 12 දක්වා ඉහළ නැංවීමේ විධිවිධාන ඇතුළත් කර 1979 අංක 15 දරන අපරාධ නඩු විධාන සංග්‍රහ පනත සංශෝධනය කිරීමට කැබිනට් මණ්ඩල අනුමැතිය හිමි වී තිබේ.

15 February 2018

වෛද්‍යපීඨ සිසුහු මානව හිමිකම් කොමිසමට යති

සයිටම් විරෝධී අරගල වල නිරතව සිටි රජයේ වෛද්‍යපීඨ සිසුන්ගේ මහපොළ ගෙවීම් කටයුතු සීමා කිරීම සම්බන්ධයෙන් එම සිසුහු අද (15) මානව හිමිකම් කොමිසම් සභාව වෙත පැමිණිල්ලක් ඉදිරිපත් කළහ. සයිටම් විරෝධී අරගල හේතුවෙන් වෛද්‍ය සිසුන් මාස 9 ක කාලයක් පුරා පන්ති වර්ජනය නිරතව සිටි අතර එම කාලය තුළ මෙම මහපොළ කපාහැර ඇති බව සිසුන් ගේ පැමිණිල්ළේ සඳහන් වේ.

15 February 2018

ශ්‍රී ලංකාවට කඩුලු 6 ක ජයක්

ශ්‍රී ලංකාව සහ බංග්ලාදේශය අතර ඩකාහිදී පැවැති පළමු වැනි විස්සයි-20 තරගයේදී කඩුලු 6 ක පහසු ජයක් වාර්තා කිරීමට ශ්‍රී ලංකා කණ්ඩායම සමත් විය. තරග දෙකකින් සමන්විත තරගාවලියේදී 1-0 ක් ලෙසින් ශ්‍රී ලංකාව පෙරමුණ ගෙන සිටී.

15 February 2018

විමල් වීරවංශගේ නඩුව ජූනි 14ට කල්යයි

ආගමන විගමන නීති උල්ලංඝණය කර විදේශ ගතවීමට උත්සහ කිරීම සම්බන්ධයෙන් පාර්ලිමේන්තු මන්ත්‍රී විමල් වීරවංශ මහතාට එරෙහි නඩුව ජූනි 14 වැනි දා දක්වා කල්තැබීමට මීගමුව අතිරේක මහේස්ත්‍රාත් නිල්මිනි රන්කොත්ගේ මහත්මිය අද (15) නියෝග කළාය.

15 February 2018

මඩුවක අකුර කළ සිසුන්ට අලුත් ගොඩනැඟිල්ලක්

පළමු වසරට ඇතුළත් කළ දිනයේ පටන් තාවකාලික මඩුවක අකුරු කළ දඹුල්ල තිත්තවැල්ගොල්ල ප්‍රාථමික විදුහලේ පළමු වසරේ සිසුන්ට දඹුල්ල පොලිසියේ ප්‍රජා පොලිස් ඒකකය ප්‍රදේශයේ දානපතියෙකු සමඟ එක්ව මාසයක් ගතවීමට මත්තෙන් අලුත් ගොඩනැඟිල්ලක් ඉදිකර භාරදීම අද (15) සිදු කෙරිණි.

15 February 2018

නීතිය හා සාමය අමාත්‍යංශය සරත් ෆොන්සේකාට දෙන්න - දඹර අමිල හිමි

නීතිය හා සාමය පිළිබඳ අමාත්‍යංශය ජෙනරල් සරත් ෆොන්සේකාට දිය යුතු යැයි පුරවැසි බලය සංවිධානය කියයි.

15 February 2018

ධම්මික පෙරේරා කෝටි 16 ක කාරයක් ගෙනෙයි

ශ්‍රී ලංකාවේ ධනවත්ම ව්‍යාපාරිකයා ලෙසින් හැඳින්වෙන ධම්මික පෙරේරා මහතා රුපියල් මිලියන 160ක වටිනාකමකින් යුත් ‘බෙන්ට්ලි මුල්සාන් හෝල්මාර්ක්’ මාදිලියේ මෝටර් රථයක් ආනයනය කර ඇතැයි වාර්තා වේ.

15 February 2018

මහින්දානන්දට 27 දා උසාවි එන්න නියෝග

වෘත්තීය සමිතියකට අයත් රුපියල් ලක්‍ෂ 39 ක මුදලක් සාපරාධි අන්දමින් පරිහරණය කිරීම සම්බන්ධයෙන් හිටපු ක‍්‍රීඩා අමාත්‍ය පාර්ලිමෙන්තු මන්ත‍්‍රී මහින්දානන්ද අලුත් ගමගේ මහතාට එරෙහිව පවරා ඇති නඩුවේ විභාගය ලබන 27 වැනිදා තෙක් කල් තැබීය. එදිනට නීතීඥවරයෙකු ඉදිරිපත් නොවුණහොත් තමන්ගේ නඩුවට තමන් පෞද්ගලිකව හෝ පෙනී සිටිය යුතු බව කොළඹ මහාධිකරණ විනිසුරු සම්පත් විජේරත්න මහතා විත්තිකාර මහින්දානන්ද අලුත්ගමගේ මහතාට අද (15) දැනුම් දුන්නේය.

15 February 2018

ශ්‍රිලනිපය එක්ක ආණ්ඩුව කරන්න ලැස්තියි - හිටපු ජනපති

‘‘ එක්සත් ජාතික පක්ෂය ආණ්ඩුවෙන් හෙට ඉවත් වෙනවානම් අපි ශ්‍රි ලංකා නිදහස් පක්ෂ මන්ත්‍රීවරු සමඟ එක්වී ආණ්ඩුව කරන්න ලැස්තියි‘‘ හිටපු ජනාධිපති මහින්ද රාජපක්ෂ මහතා මේ බව පැවසුවේ අද (15) නාරාහේන්පිට අභයාරාමයේ හිටපු ජනාධිපතිට සෙත් පතා සිඳුකළ බෝධි පුජාවක් අවසන් වී මාධ්‍ය වෙත අදහස් දක්වමින්ය.

15 February 2018

මෝදර වෙඩි තැබීමකින් කතක් රෝහලට

කොළඹ මෝදර ලෙල්ලම වැල්ල ප්‍රදේශයේදී මීට සුළු මොහොතකට පෙර සිදුවූ වෙඩි තැබීමකින් කාන්තාවක බරපතල තුවාල ලබා කොළඹ ජාතික රෝහලට ඇතුළත් කර ඇතැයි පොලිසිය පවසයි.

15 February 2018

හැටන් ලංගම ඩිපෝවේ හතරක් රිමාන්ඩ්

හැටන් ලංගම ඩිපෝවේ කළමනාකාරවරයාට බැන තර්ජනය කිරිමේ චෝදනාව යටතේ හැටන් මහේස්ත‍්‍රාත් අධීකරණය වෙත ඉදිරිපත් වු ලංගම ඩිපෝවේ සේවකයින් සිව්දෙනකු ලබන 19 වැනි දා තෙක් රිමාන්ඩ් කිරිමට හැටන් දිසා විනිසුරු හා මහේස්ත‍්‍රාත් ටි.සරවානරාජා මහතා අද (15) නියෝග කළේය.

15 February 2018

කැළණිවැලි දුමරිය දින 2කට නවතී

කැළණිවැලි දුම්රිය මාර්ගයේ දුම්රිය ධාවනය හෙට (16) රාත්‍රී 8.00 සිට 19 වැනි දා පෙරවරු 4.00 දක්වා තාවකාලිකව නතර කරන බව අතිරේක දුම්රිය සාමාන්‍යාධිකාරී (මෙහෙයුම්) විජය සමරසිංහ මහතා පවසයි.

15 February 2018

සාගල නිතීය හා සාමය අතහරී

නීතිය සහ සාමය භාර අමාත්‍යවරයා වශයෙන් කටයුතු කිරීමට බලාපොරොත්තුවක් නොමැති බවට තමන් පක්ෂයේ පාර්ලිමේන්තු කණ්ඩායමට දැනුම් දුන් බව නීතිය හා සාමය සහ දක්ෂිණ සංවර්ධන භාර අමාත්‍ය සාගල රත්නායක මහතා සිය ෆේස්බුක් ගිණුම හරහා නිවේදනයක් නිකුත් කරමින් කියයි.

15 February 2018

අගමැති ධූරයෙන් ඉවත් නොවන්න’යි මහින්ද කිව්වාලු - රාජිත

අගමැතිධුරයෙන් ඉවත් නොවන්නැයි මහින්ද රාජපක්ෂ මහතා රනිල් වික්‍රමසිංහ මහතාට දුරකතනයෙන් පවසා ඇතැයි කැබිනට් ප්‍රකාශක රාජිත සේනාරත්න මහතා පවසයි.

15 February 2018

වැලිකඩ සිද්ධියේ පරීක්ෂණවල ප්‍රගතිය දන්වන්නැයි නියෝග

2012 වසරේ නොවැම්බර් මාසයේදී වැලිකඩ බන්ධනාගාරයේ ඇතිවූ ගැටුමින් රැඳවියන් 27 දෙනකු මියයෑමේ සිද්ධියට අදාල රහස් පොලිස් පරීක්ෂණවල ප්‍රගතිය දන්වන්නැයි අභියාචනාධිකරණය අද (15) නීතිපතිට දැනුම් දුන්නේය.

15 February 2018

ඇල්පිටිය ප්‍රා.සභා පෙත්සම කල් යයි

ඇල්පිටිය ප්‍රාදේශිය සභා ඡන්දය පැවැත්වීමට එරෙහිව ප්‍රජාතන්ත්‍රවාදී ජාතික පෙරමුණ ගොණු කළ පෙත්සම සම්බන්ධයෙන් සලකා බැලිම ලබන අප්‍රේල් මස 03 වැනිදා දක්වා කල් තැබීමට ශ්‍රේෂ්ඨාධිකරණය අද (15) තීන්දු කළේය.

15 February 2018

වෙනත් පක්ෂ සමඟ එක්වෙන්නේ නෑ - අනුර කුමාර

ජවිපෙට ඡන්දේ දුන් ජනතාවගේ අභිලාෂයන්ට පිටුපා වෙනත් පක්ෂ සමග එක්ව පළාත් පාලන ආයතනවල බලය පිහිටුවිමට හෝ ආණ්ඩු පිහිටුවිමට හෝ කිසිවිට කටයුතු කරන්නේ නැතැයි ජනතා විමුක්ති පෙරමුණේ නායක පාර්ලිමේන්තු මන්ත‍්‍රී අනුර කුමාර දිසානායක මහතා පවසයි.

15 February 2018

‘නිපෝන් මාරු නෞකාව ‍කොළඹ වරායට

ජපන් රජයේ අග‍්‍රාමාත්‍ය කාර්යාලය මගින් සංවිධානය කරන ජගත් තරුණ නෞකා වැඩසටහන යටතේ වාර්ෂිකව ක‍්‍රියාත්මක කෙරෙන නෞකා සංචාරයේ නිරත ‘‘නිපෝන් මාරු’’ ජගත් මිත‍්‍රත්ව තරුණ නෞකාව අද (15) කොළඹ වරායට පැමිණියේය.

15 February 2018

මහින්දානන්දගේ ඉල්ලීම ඉවතට

රුපියල් ලක්ෂ 27ක් වංචා කළැයි හිටපු අමාත්‍ය මහින්දානන්ද අලුත්ගමගේ මහතාට එරෙහි නඩුව කල් තබන්නැයි කළ ඉල්ලීමක් ප්‍රතික්ෂේප කළ කොළඹ මහාධිකරණ විනිසුරු සම්පත් විජයරත්න මහතා අද (15) එම නඩුව විභාගයට ගත්තේය.

15 February 2018

ත්‍රිකුණාමලයෙන් කාලතුවක්කු කොටසක් මතුවෙයි

ත්‍රිකුණාමලය මහ රෝහලේ හදිසි අනතුරු ඒකකයට නව ගොඩනැගිලි සංකිර්ණයක් ඉදිකිරිමට අත්තිවාරම් කැපීමේදී ඉපැරණි කාලතුවක්කුවක කොටසක් අද (15) හමු වු බව වරාය පොලිසිය කියයි.

15 February 2018

ළමා වෙළෙඳාම් සොයන්න ආවේක්ෂණ කණ්ඩායමක්

මුදල් ඉපැයීමේ පරමාර්ථයෙන් ළමයින් වෙළඳාම් කටයුතු සඳහා යොදවන පාර්ශව පිළිබඳව සොයා බැලීමට ජාතික ළමා ආරක්ෂක අධිකාරියෙන් විශේෂ ආවේක්ෂණ කණ්ඩායමක් දිවයිනේ තෝරාගත් ප‍්‍රදේශ කිහිපයක් ආශ‍්‍රිතව යොදවා තිබේ.

15 February 2018

ළහිරු වීරසේකර-සුගතානන්ද හිමි රිමාන්ඩ්

අධිකරණ නියෝග කඩ නොකතා මහජනතාවට පීඩාවන පරිදි උද්ඝෝෂණයක නිරත වූයැයි අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු ලහිරු වීරසේකර හා භික්ෂු බල මණ්ඩලයේ කැදවුම්කරු ටැම්පිටියේ සුගතානන්ද හිමි මේ මස 28 වැනි දා තෙක් රිමාන්ඩ් කිරීමට කොටුව මහේස්ත්‍රාත් ලංකා ජයරත්න මෙනවිය අද(15) නියෝග කළාය.

15 February 2018

එජාපයෙන් 15ක් සන්ධානයට - මුතුහෙට්ටිගම

එක්සත් ජාතික පක්ෂයේ මන්ත්‍රීවරුන් 15 දෙනකු එක්සත් ජනතා නිදහස් සන්ධාන ආණ්ඩුවක් සැදීම සඳහා තමන්ට එකතු වන බවත් ඉදිරි පැය 24 තුළ සාර්ථක මෙහෙයුමක් කිරීමට බලාපොරොත්තු වන බවත් වරාය සහ නාවික කටයුතු නියෝජ්ය ඇමති නිශාන්ත මුතුහෙට්ටිගම මහතා පවසයි.

15 February 2018

අර්ජුන් මහේන්ද්‍රන් අධිකරණ නියෝගය මගහරී

බැඳුම්කර වංචා විමර්ශන සිද්ධියේ සැකකරුවකු ලෙස නම් කරනු ලැබ සිටින අර්ජුන් මහේන්ද්‍රන් මහතා මේ වන විටත් අපරාධ පරීක්ෂණ දෙපාර්තමේන්තුව හමුවේ ප්‍රකාශයක් ලබා දීමට දිවයිනට පැමිණ නැතැයි වාර්තා වේ

15 February 2018

තාප්පයක් කඩා වැටී හමුදාවේ හතරක් රෝහලේ

දියතලාව යුද හමුදා කඳවුරේ සේවයේ යෙදී සිටි නිලධාරීන් පිරිසක් මතට අද (15) තාප්පයක් කඩා වැටීමෙන් යුද හමුදා නිලධාරීන් හතර දෙනකු තුවාල ලබා දියතලාව මූලික රෝහලට ඇතුළත් කර තිබේ.

15 February 2018