එසැණ පුවත්

රත්නපුරේ නාවික සෙබළා කොළඹ අයි.ඩි.එච්.රෝහලට

වැලිසර නාවික හමුදා කදවුරේ සිට නිවාඩු ලබාගෙන ගොස් රත්නපුර රෝහල් මහා රෝහලේ ප්‍රතිකාර ලබමින් සිටි නාවික හමුදා ⁣නැවියකු පි.සි.ආර් පරික්ෂණයෙන් පසු අද (24) සවස කොරෝනා වයිරසය ආසාදනය වි ඇති බවට අනාවරණය වි ඇති බව සෞඛ්‍ය අංශ පවසයි.

24 April 2020

ලස්සන ග්‍රාම සභා

ගම ඒකාබද්ධ ලෙස සංවිධානය කිරීමේ අවශ්‍යතාව කොවිඩ් 19 විසින් යළිත් අවධාරණය කරන ලද කරුණකි. මා ‘යළිත්’ යැයි සඳහන් කළේ ගම සංවිධානය කිරීමේ කටයුත්ත පිළිබඳව සමකාලීන නිරීක්ෂණ සහ, මැදිහත්වීම් පිළිබඳව අත්දැකීම් අප රට සතුවත් අප සතුවත් පවතින හෙයිනි. පශ්චාත් කොවිඩ් 19 හෝ පශ්චාත් කොරෝනා ලංකාව මේ පිළිබඳව වැඩි අවධානයක් යොමුකළ යුතුය යන්න මගේ තද බල හැඟීමක්ය යෝජනාවක්ය.

24 April 2020

මත්පැන් බෝතල් 60ක් සහ බීර කෑන් 72ක් සමග පුද්ගලයකු අත්අඩංගුවට

ඇදිරි නීතිය පනවා සුරාසැල් වසා තිබියදී නීතිවිරෝධී අන්දමින් මත්පැන් බෝතල් 60ක් සහ බීර කෑන් 72ක් සන්තකයේ තබාගත් හාලිඇල ප්‍රදේශයේ පුද්ගලයකු බදුල්ල දිසා විස මත්ද්‍රව්‍ය හා දූෂණ වැටලීම් ඒකකයේ නිලදාරීන් විසින් අද(24) අත්අඩංගුවට ගෙන තිබේ.

24 April 2020

කුරුණෑගල රෝහලේ සිටි තවත් නාවික සෙබළුන් දෙදෙනෙකුට කොරෝනා

කුරුණෑගල ශික්ෂණ රෝහලේ නේවාසිකව ප්‍රතිකාර ලබමින් සිටි වැලිසර නාවික හමුදා කඳවුරේ සේවය කරන තවත් නාවික හමුදා සාමාජිකයින් දෙදෙනෙකුට කොරෝනා වයිරසය ආසාදනය වී ඇතැයි අද (24) සවස තහවුරු වූ බව කුරුණෑගල ශික්ෂණ රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා ප්‍රකාශ කළේය .

24 April 2020

දෙපිරිසක් අතර ගැටුමකින් හොරණ තිදෙනෙකු තුවාල ලබා රෝහලේ

හොරණ පොකුණුවිට ශාන්ති මාවතේ දෙපිරිසක් අතර මීට සුළු මොහොතකට පෙර ඇතිවූ ගැටුමකින් තිදෙනෙකු තුවාල ලබා හොරණ මූලික රෝහලට ඇතුළත් කළ බව හොරණ පොලිසිය කියයි.

24 April 2020

බලන්ගොඩ - ඉඹුල්පේ නිවාස 42 ක් නිරෝධායනයට

වැලිසර නාවික හමුදා කදවුරේ සේවයේ නිරත සෙබළුන් පස් දෙනෙකු නිවාඩු ලබාගෙන බලන්ගොඩ සහ ඉඹුල්පේ සෞඛ්‍ය වෙද්‍ය කොට්ඨාසවල තම නිවෙස් වෙත පැමිණිමෙන් ඔවුන් සමග සම්බන්ධතා පැවත්වු නිවෙස් 42 ක පිරිස ස්වයං නිරෝධායනයට යොමුකර තිබේ .

24 April 2020

ඇඳිරිය අද රෑ 8 සිට දිවයිනටම

අද රාත්‍රි 8 සිට සඳුදා අලුයම 5.00 දක්වා දිවයින පුරා බල පැවැත්වෙන පරිදි පොලිස් ඇඳිරි නීතිය පනවා ඇතැයි නියෝජ්‍ය පොලිස්පති අජිත් රෝහණ මහතා පවසයි.

24 April 2020

අම්බර කිලෝ 11 ක් කන්දකුලියෙන් අත්අඩංගුවට

තවමත් මිල තක්සේරු නොකළ,’’අම්බර ’’නම් වටිනා සත්තව කොටස් කිලෝ 11 ක්,කල්පිටිය කන්දකුළිය වෙරළේ ධීවරයකුගේ බෝට්ටුවේ තිබියදී, ධීවරයා ද සමගින් අත්අඩංගුවට ගත් බව කල්පිටිය පොලිසිය පවසයි.

24 April 2020

අන්තවාදයට පා පහරක් දුන් පාස්කු ඉරිදා ප්‍රහාර සැමරුම

අප්‍රේල් 21 පාස්කු ඉරිදා ප්‍රහාරයට දින 365ක් පිරුණි. කොරෝනා මාරාන්තික වයිරසය ඉදිරිපිට අවිනිශ්චිත දින ගෙවා දමමින් සිටියද ශ්‍රී ලාංකේය සමාජය ආධ්‍යාත්මිකව ඒකාත්මික වෙමින් ආගමික උම්මත්තක අන්තවාදීන්ගේ බෝම්බ පිපුරුම් මැද අකාලයේ මරු වසඟයට පත් ජනයා අනුස්මරණය කළහ.

24 April 2020

කොරෝනා යැයි සැක සෙබළෙක් මඩකළපුව මහ රෝහලට

කොළඹ සිට අම්පාරට නිවාඩුව සදහා පැමිණි නාවික හමුදා සෙබලුන් 21දෙනාගෙන් 20 දෙනෙකු ඔවුන්ගේ නිවෙස්වලම නිරෝධානයට ලක් කිරිමට පියවර ගත් බව අම්පාර ප්‍රාදේශිය සෞඛ්‍ය සේවා අධ්‍යක්ෂක ප්‍රසංග සේරසිංහ මහතා පැවසිය.

24 April 2020

කොරෝනා ආසාදිතයන් හඳුනාගන්න බුද්ධි අංශ සහය ලබාගන්නවා

කොරෝනා ආසාදිතයන් හමු වූ ඇසුරු කළ පිරිස් හඳුනාගැනීම සඳහා බුද්ධි අංශ භාවිත සහාය ලබාගන්නා බව පාකිස්තාන අග්‍රාමාත්‍ය ඉම්රාන් ඛාන් පවසයි.

24 April 2020

තවත් නාවික සෙබළු 30 ක් ආසාදිත බව හඳුනා ගනී

වැලිසර නාවික කඳවුරේ තවත් නාවික සෙබළුන් 30 දෙනකුට කොරෝනා ආසාදිත බව තහවුරු කරගෙන ඇතැයි යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පැවසීය.

24 April 2020

පාවිච්චි කරන විදුලි ඒකක ප්‍රමාණයට බිල අය කරන්න තීරණයක්

පවතින කොරෝනා තත්ත්වය හේතුවෙන් විදුලි බිල්පත අය කරනු ලබන්නේ පාවිච්චි කරන ලද විදුලි ඒකක ප‍්‍රමාණයට අනුව පමණක් බව විදුලිබල බලශක්ති අමාත්‍යාංශය පවසයි.

24 April 2020

ඩිජිටල් චන්ද්‍රිකා රූපවාහිනී සේවා නීතිවිරෝධීව සපයන්නන්ට එරෙහිව පියවර

සෘජුවම නිවසට ලබා දෙන (DTH service / Dish TV) ඩිජිටල් චන්ද්‍රිකා රූපවාහිනී සේවා නීතිවිරෝධීව සපයන්නන් සමාජ මාධ්‍ය ඔස්සේ සිය සේවාවන් ප්‍රචාරණය කිරීම සම්බන්ධයෙන් පියවර ගෙන ඇති බව ශ්‍රී ලංකා විදුලි සංදේශ නියාමන කොමිෂන් සභාව පවසයි.

24 April 2020

මධ්‍යම පළාත් ආණ්ඩුකාර කාර්යාලය වසා දමයි

මධ්‍යම පළාත් ආණ්ඩුකාර කාර්යාලය අද (24) දහවල් සිට තාවකාලිකව වසා දමා ඇත.

24 April 2020

කුලියාපිටියට දුරබැහැරින් පැමිණ වෙළදාමේ නියැලෙන පිරිස් ඉවත් කරයි

දුර බැහැර ප‍්‍රදේශවල සිට පැමිණ කුලියාපිටිය නගරයේ ප‍්‍රධාන මාර්ග මායිම් වල වෙළදාම් කරන සියලු ව්‍යාපාරිකයින් එම ස්ථාන වලින් ඉවත් කිරීමට කුලියාපිටිය නාගරික මහජන සෞඛ්‍ය පරීක්‍ෂකවරු පොලිසිය හා නගර සභා නිළධාරීන් පිරිසක් අද(24) කටයුතු කළහ.

24 April 2020

නාවික හමුදා සෙබළුන් දෙදෙනෙකු දියතලාව නිරෝධායන මධ්‍යස්ථානයට

වැලිසර නාවික හමුදා කඳවුරෙන් නිවාඩු ලබා සිටි හමුදා සෙබළුන් රැගෙන ආ බස් රථයෙන් පැමිණි නාවික හමුදා සෙබළුන් දෙදෙනෙකු නිරෝධායනය සඳහා අද 24 දියතලාව යුද හමුදා නිරෝධායන මධ්‍යස්ථානයට ඇතුළත් කළ බව දියතලාව යුද හමුදාව කියයි .

24 April 2020

වැඩිමිලට පොහොර අලෙවි කළ වෙළෙන්දකුට නීතීමය පියවර

පොහොර තොග සඟවා වැඩි මිලට අලෙවි කිරීමේ ජාවාරමක් සිදු කරමින් තිබූ නාවුල ප්‍රදේශයේ වෙළඳසැලක් මාතලේ පාරිභෝගික අධිකාරියේ නිලධාරීන් විසින් වටලා සඟවා තිබූ පොහොර නිලධාරීන් ඉදිරියේ ම පැමිණ සිටි ගොවි ජනතාවට අලෙවි කිරීමේ ක්‍රියාවලිය අද(24) පස්වරුවේ සිදු කෙරිණි.

24 April 2020

වාරියපොළ නාවික සෙබළාගේ මාමන්ඩිය ඇතුළු රිදිමාලියද්දේ නිවාස 7 ක පිරිස් නිරෝධායනයට

කුරුණැගල, වාරයපොල, හරගම්මන ප්‍රදේශයේ කොරෝනා ආසාදිතව ඇති බවට හදුනාගත් වැලිසර නාවික හමුදා කදවුරේ සෙබලාගේ බිරිදගේ පියා, අද (24) දින උදැසන දියතලාව නිරෝධායන මධ්‍යස්ථානය වෙත හමුදා නිළදාරින් විසින් කැදවාගෙන යන ලදී.

24 April 2020

හික්කඩුව තිරණාගම ග්‍රාමීය බැංකුවක් වසා දමයි

හික්කඩුව විවිධ සේවා සමුපකාර සමිතියට අයත් තිරාණගම ග්‍රාමීය බැංකුව අද ( 24 ) සිට නැවත දැනුම්දෙන තුරු වසා දමන ලෙසට හික්කඩුව මහජන සෞඛ්‍ය පරීක්ෂවරු උප දෙස් දුන්හ.

24 April 2020

දීමනාව බෙදීමේදී ඇති වු කලබලය විසඳන්න පොලීසිය-නාවික හමුදාව කැඳවයි

පුත්තලම නැගෙනහිර ග්‍රාම නිළධාරි වසමේ රජයෙන් ලබා දෙන 5000 ක දීමනාව ලබා දිම සිදුවෙමින් සිටියදී පිරිසක් නිළධාරින්ගේ රාජකාරියට බාධා කරමින් කලහාකාරි ලෙස හැසිරිමත් සමග පොලිසිය හා නාවික හමුදාව ආරක්ෂාවට යෙදවිමට සිදුවු බව පුත්තලම ප්‍රාදේශීය ලේකම් සංජීවනි හේරත් මහත්මිය පැවසූවාය.

24 April 2020

මහනුවර තැපැල් කාර්යාල දෙකක් වසා දමයි

මහනුවර නවනැලිය උප තැපැල් කාර්යාලය හා ඒ හා සම්බන්ධ ප්‍රධාන තැපැල් කාර්යාලය වන මාරස්සන තැපැල් කාර්යාලය මහනුවර ප්‍රාදේශීය තැපැල් අධිකාරි කාර්යාලයේ හා පදේශයේ සෞඛ්‍ය බලධාරීන්ගගේ උපදෙස් මත අද (24) දහවල් වසා දමා ඇත.

24 April 2020

ලංකාවේ අතරමංව සිටින විදේශිකයන් ගැන සොයා බලන්න වැඩපිළිවෙලක්

කොරෝනා වසංගතය හේතුවෙන් රට පුරා අතරමංව සිටින 12000 කට ආසන්න විදේශිය සංචාරකයින්ගේ අවශ්‍යතා සොයා බැලීම සඳහා ජාතික සංචාරක වෘත්තිකයින් සඳහා වූ සංගමය සහ සංචාරක පොලිස් කොට්ඨාශය, සංචාරක සංවර්ධන අධිකාරිය එක්ව අද (24) සිට විශේෂ වැඩපිළිවෙලක් දියත් කළේය.

24 April 2020

නේපාලයේ සිටි සිසුන් රැගත් ගුවන් යානය කටුනායකට

ශ්‍රී ලංකාවට පැමිණීමට නොහැකිව නේපාලයේ අතරමංව සිටි ශ්‍රී ලාංකික සිසුන් 93 දෙනෙකු රැගෙන ශ්‍රී ලන්කන් ගුවන් සේවයේ යූ.එල්.- 1425 දරණ ගුවන් යානය අද 24 සවස 3.30 ට නේපාලයේ කත්මණ්ඩු නුවර සිට කටුනායක ගුවන් තොටුපළ වෙත පැමිණියේය .

24 April 2020

කඳුකර කොටියෙක් අදත් මන්දකට හසු වෙයි

තේ වත්තේ සැරිසරමින් සිටි තවත් කඳුකර කොටියෙකු අද (24) දින මන්දකට හසු වි ඇති බව නල්ලතන්නිය වනජිවි කාර්යයාලයේ වන සත්ව අඩවි ආරක්ෂක ප්‍රභාෂ් කරුණාතිලක මහතා පැවසිය.

24 April 2020

රැකියා අහිමි වූ ඇමෙරිකානුවෝ මිලියන 26 ක් අධාර ලබා ගැනීමට අයදුම් කරති

කොරෝනා වයිරසයේ බලපෑමත් සමඟ ඇමෙරිකා එක්සත් ජනපදයේ මිලියන 26ක් රැකියා අහිමිවූවන් සඳහා ගෙවන ආධාර ලබාගැනීමට ඉල්ලුම් කර ඇතැයි වාර්තා වේ.

24 April 2020

පුත්තලම සහිරා ජාතික පාසලේ නිරෝධායන මධ්‍යස්ථානය හිස් වෙයි

පුත්තලම සහිරා ජාතික පාසල තුළ පිහිටා තිබු නිරෝධායන මධ්‍යස්ථානය තුළ නිරෝධායනය වෙමින් සිටි පිරිස් සියල්ලම ( 24 ) දින එම කටයුතු අවසන් කර නිවෙස් සඳහා යාමත් සමඟ එම කඳවුර හිස් වු බව හමුදාව පවසයි .

24 April 2020

ප්‍රාදේශිය සභා මන්ත්‍රීට පහරදුන් පිය-පුතු අත්අඩංගුවට

පානදුර ප්‍රාදේශීය සභාවේ ශ්‍රී ලංකා පොදු ජන පෙරමුණ මන්ත්‍රී සුජිත් ප්‍රියංකර මහතාට පානදුර පිංවත්ත ප්‍රදේශයේ දී පහරදුන් බව කියන පිය පුතු දෙපළ අද( 24) සැකපිට අත්අඩංගුවට ගත් බව පානදුර දකුණ පොලිසිය කියයි.

24 April 2020