එසැණ පුවත්

හැටන් ප්‍රදේශයට අයිස් වැස්සක්

හැටන් ප්‍රදේශයට අද (09) පස්වරුවේ අයිස් වැස්සක් පතිත වී ඇත.

09 March 2021

නිලධාරීන් 126 දෙනා 16 ට වැටීමෙන් විදේශ රැකියා ක්ෂේත්‍රය අර්බුදයක

තානාපති කාර්යාලවලට අනුයුක්තව සේවය කළ ශ්‍රී ලංකා විදේශ සේවා නියුක්ති කාර්යංශයේ නිලධාරින් ආපසු ගෙන්වා ගැනීම හේතුවෙන් ‍විදේශ රැකියා කෙෂත්‍රය කඩා වැටීමකට ලක්ව ඇතැයි බලපත්‍ර ලාභී විදේශ රැකියා ඒජන්සිකරැවන්ගේ සංගමයේ (ඇල්ෆියා) සභාපති එම්.එස්. මරික්කාර් මහතා ප්‍රකාශ කළේය.

09 March 2021

නඟුට කොටාගේ මරණයට දෙදෙනෙක් අත්අඩංගුවේ

පුත්තලම සෙල්ලන්කන්දල් රක්ෂිතයේ සැරි සැරූ ගැබ්බර කෙනෙරකු මිය යාමේ සිද්ධිය සම්බන්ධ ප්‍රශ්න කිරීම සඳහා පුද්ගලයින් දෙදෙනකු අත්අඩංගුවට ගත් බව කරුවලගස්වැව වන ජීවී කාර්යාලය කියයි.

09 March 2021

රන්ජන් උස්සා බස්රියට දාගනී

ජාතික පුවත්පතක පළවූ ප්‍රවෘත්තියකට අදාළව ශ්‍රී ලංකා පුවත්පත් මණ්ඩලයට සිදුකරන ලද පැමිණිල්ලකට ප්‍රකාශයක් ලබාදීම සඳහා බන්ධනාගාර ගතව සිටින පාර්ලිමේන්තු මන්ත්‍රී රන්ජන් රාමනායක මහතා අද (09) කොළඹ 8 කාසල් වීදියේ පිහිටි ශ්‍රී ලංකා පුවත්පත් මණ්ඩලයට බන්ධනාගාරයේ සිට රැගෙන ආවේය.

09 March 2021

ඉන්දියාවේ දී අත්අඩංගුවට ගත් බෝට්ටු දෙකක් මුදා හරී

හෙරොයින් සහ හෂීෂ් මත්ද්‍රව්‍ය තොගයක් සමඟ ඉන්දීය වෙරළාරක්ෂක බළකාය විසින් අත්අඩංගුවට ගෙන තිබු මෙරට බෝට්ටු 3 න් බෝට්ටු දෙකක් එහි සිටි පිරිස සමග ඉන්දීය බලධාරීන් විසින් මුදා හැර ඇතැයි ධීවර අමාත්‍ය ඩග්ලස් දේවානන්ද මහතා පැවසීය.

09 March 2021

අශෝක් අබේසිංහ අදත් සීඅයිඩිය මඟහරී

පාස්කු ප්‍රහාරය සම්බන්ධයෙන් සහ ඊට මුදල් යෙද වු පුද්ගලයන් සම්බන්ධයෙන් සිදු කළ ප්‍රකාශයක් ලබා ගැනීමට අපරාධ පරීක්ෂණ දෙපාර්තමේන්තුව හමුවට කැදවා සිටි ජාතික සමගි ජනබලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රි අශෝක් අබේසිංහ මහතා දෙවන දිනටත් අද (9) අපරාධ පරීක්ෂණ දෙපාර්තමේන්තුව හමුවේ පෙනී නොසිටි බව අපරාධ පරීක්ෂණ දෙපාර්තමේන්තුව පවසයි.

09 March 2021

ජනාධිපති කොමිසමේ නිර්දේශ බලරහිත කරන්න’යි අභියාචනාධිකරණයෙන් ඉල්ලයි

දේශපාලන පළිගැනීම් පිළිබඳව සොයා බැලූ ජනාධිපති කොමිසමේ නිර්දේශ බලරහිත කරන ලෙස ඉල්ලා සමගි ජන බලවේගය පක්ෂයේ සභාපති හා පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා අභියාචනාධිකරණය හමුවේ අද (09)රිට් පෙත්සමක් ගොනු කළේය.

09 March 2021

රන්ජන් එක්ක සෙල්ෆි ගැහුවේ හර්ෂණ - බිල්ලට ගියේ ජේලර්

බන්ධනාගාර ගත කර සිටින පාර්ලිමේන්තු මන්ත්‍රී රන්ජන් රාමනායක මහතා සමඟ සෙල්ෆි ඡායාරූපයක් ලබාගැනීමට පාර්ලිමේන්තු මන්ත්‍රී හර්ෂණ රාජකරුණා මහතාට අවස්ථාව සලසාදුන්නැයි බන්ධනාගාර ජේලර්වරයකුගේ වැඩ තහනම් කර ඇතැයි බන්ධනාගාර කොමසාරිස් ජනරාල් තුෂාර උපුල්දෙණීය මහතා පැවසීය.

09 March 2021

ගෑස්මිල ගැන තවම තීරණයක් නෑ

ගෑස් මිල ඉහළ නැංවිය යුතු බවට ගෑස් සමාගම් මගින් ඉල්ලීමක් කර ඇති බවට වෙළඳ අමාත්‍ය බන්දුල ගුණවර්ධන මහතා අමාත්‍ය මණ්ඩලයට දැනුම් දුන් බවත් ඒ සම්බන්ධයෙන් සාකච්ඡා කළ නමුත් අවසන් තීන්දුවක් නොගත් බවත් සම කැබිනට් ප්‍රකාශක, වැවිලි අමාත්‍ය, රමේෂ් පතිරණ මහතා පැවසීය.

09 March 2021

එජාපයෙන් ඉවත්කළ ප.පා. මන්ත්‍රීවරුන් සම්බන්ධ නියෝගය දීර්ඝ කරයි

ඉකුත් ජනාධිපතිවරණයේදී විපක්ෂ නායක සජිත් ප්‍රේමදාස මහතාගේ නායකත්වයෙන් යුතු සමගි ජනබලවේගයට සහාය දීම හේතුවෙන් එක්සත් ජාතික පක්ෂ සාමාජිකත්වයෙන් ඉවත් කළ එම පක්ෂයේ පළාත් පාලන මන්ත්‍රීවරුන් 38 දෙනෙකු සම්බන්ධයෙන් කිසිදු ඉදිරි පියවරක් නොගෙන , පවතින තත්වයෙන්ම පවත්වා ගෙන යන්නැයි දිස්ත්‍රික් තේරීම්බාර නිලධාරීන්ට කළ නියෝගය ලබන අප්‍රේල් 28 වැනිදා තෙක් දීර්ඝ කිරීමට අභියාචනාධිකරණය අද ( 09) තීන්දු කළේය.

09 March 2021

බස්නාහිර පාසල්වල 5-11-13 ශ්‍රේණි මාර්තු 15 දා අරඹයි

බස්නාහිර පළාතේ පාසල්වල 5, 11 සහ 13 ශ්‍රේණි මාර්තු 15 වැනිදා ආරම්භ කරන බව අධ්‍යාපන අමාත්‍ය ජි.ඇල්.පිරිස් මහතා පැවසීය.

09 March 2021

බකිංහැම් මාලිගය අර්බුදයක

හැරී කුමරු සහ ඔහුගේ බිරිඳ වන මේගන් මේකල් මහත්මිය විසින් බකිංහැම් මාලිගය තුළ ජීවිතය පිළිබඳ හෙළිදරව් කිරීමෙන් පසුව, එංගලන්තයේ දෙවැනි එළිසබෙත් රැජින අර්බුදකාරී සාකච්ඡාවල නිරත වූ බව එංගලන්තයේ මාධ්‍ය වාර්තා කරයි.

09 March 2021

ගානියා බැනිස්ටර්ට අධිචෝදනා

නාඳුනන පුද්ගලයින් පැහැරගෙන යාම සම්බන්ධයෙන් අපරාධ විමර්ශන දෙපාර්තමේන්තුවට (සී.අයි.ඩී.) ව්‍යාජ ප්‍රකාශයක් කළ බවට චෝදනා කරමින් කොළඹ මහාධිකරණය ස්විට්සර්ලන්ත තානාපති කාර්යාලයේ සේවය කළ නිලධාරියක වන ගානියා බැනිස්ටර් ෆ්‍රැන්සිස් මහත්මියට එරෙහිව අද අධිචෝදනා ගොනු කළේය.

09 March 2021

සෝමරත්න විදානපතිරණ වනජිවියේ ලේකම් තනතුරට

ගාල්ල දිසාපතිවරයා ලෙස කටයුතු කළ සෝමරත්න විදානපතිරණ මහතා වනජීවී හා වනසංරක්ෂණ අමාත්‍යාංශයේ ලේකම්වරයා ලෙස පත්කර ඇතැයි රජයේ ආරංචිමාර්ග සඳහන් කරයි.

09 March 2021

වී මල්ලට කළහ කළ බාප්පාගේ පිහි පහරින් ඥාති පුතා මරුට

වී මල්ලක් සම්බන්ධයෙන් ඇති වූ ගැටළුවක් මුල්කර ගනිමින් තම වැඩිමහල් සහෝදරයා ගේ නිවසට ගොස් ගැටුමකට සම්බන්ධ වූ බාල සහෝදරයා එල්ල කරන ලද පිහි පහරකින් වැඩි මහල් සහෝදරයාගේ වැඩි මහල් පුත්‍රයා මිය ගොස් තිබූ බව බෙලිඅත්ත පොලීසිය පවසයි.

09 March 2021

එන්නත් පෝලිම කඩන්න දෙනු එපා

මෙරටින් ප්‍රථම කොරෝනා රෝගියා වාර්තා වී වසරක් ගත වනවිට වයිරසයට එරෙහි එන්නත්කරණය ආරම්භ වී තිබීම විශාල සහනයකි. ඉදිරි කාලය තුළදී රෝගය පැතිරීම වළක්වා ගැනීම පිළිබඳව කිසියම් බලාපොරොත්තුවක් ඇති කරගැනීමට ද එන්නත උදව්වකි. එම එන්නත්කරණ වැඩපිළිවෙළ ඉතාම විධිමත් ආකාරයකට සිදුකරගෙන යාම මෙහිදී විශේෂයෙන් වැදගත් වෙයි. කොරෝනා වසංගතය පාලනය කරගැනීමේ යතුර එන්නත බැවිනි.

09 March 2021

හිස නැති තරුණියගේ සිරුරේ ඩිඑන්ඒ වාර්තා ගැලපෙයි

හංවැල්ල නවාතැන් පොළකදී ඝාතනයට ලක්ව හිස නොමැති සිරුර වේල්ල වීදිය ප්‍රදේශයට දමා ගොස් තිබියදී සොයාගත් තරුණියගේ සිරුර කුරුවිට තෙප්පනාව ප්‍රදේශයේ 30 හැවිරිදි තරුණියකගේ බවට ඩීඑන්ඒ පරීක්ෂණයේ දී තහවුරු වූ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

09 March 2021

නකල්ස් රක්ෂිතයේ එනසාල් වවන්න යයි

නක්ල්ස් රක්‍ෂිතය ආශ්‍රිතව ඇති මීමුරේ ගම්මානයේ වැසියන්ට වන සංරක්‍ෂණ දෙපාර්තමේන්තුවේ අධීක්‍ෂණය යටතේ නකල්ස් රක්‍ෂිතයේ තෝරාගත් ස්ථානවල තුළ එනසාල් වගා කිරිමට ඉඩ ලබාදීමට තීරණය කළ බව කුඩා වැවිලි භෝග ආශ්‍රිත කර්මාන්ත හා අපනයන ප්‍රවර්ධන රාජ්‍ය අමාත්‍ය ජානක වක්කුඹුර මහතා පැවසීය.

09 March 2021

පාර්ලිමේන්තු රැස්වීම් දින දෙකකට සීමා කරයි

මේ සතියේ පාර්ලිමේන්තු රැස්වීම් අද(9) සහ හෙට (10) යන දින දෙකට පමණක් සීමා කිරීමට පාර්ලිමේන්තු කටයුතු පිළිබඳ කාරක සභාව  තීරණය කළේය.

09 March 2021

අමරදේව පියඹ සමුගනී

හෙළයේ මහා ගාන්ධර්වයාණන් ලෙසින් පසිඳු, අභාවප්‍රාප්ත ඩබ්ලිව්. ඩී. අමරදේව මහතාණන්ගේ බිරිඳ වන විමලා අමරදේව මහත්මිය අද අභාවප්‍රාප්ත වූවාය. මියයන විට ඇය 86 වැනි වියේ පසුවූවාය.

08 March 2021

2015 යෝජනාව ඉදිරිපත් කළ කිසිවෙක් අද දේශපාලනයේ නෑ

ශ්‍රී ලංකාව සම්බන්ධයෙන් එක්සත් ජාතීන්ගේ මානව හිමිකම් කවුන්සිලයට 2015 වසරේදී 30/1 යෝජනාව ඉදිරිපත් කළ කිසිවකුත් අද දේශපාලනයේ නැතැයි විදේශ අමාත්‍යාංශයේ ලේකම් ආචාර්ය ජයනාත් කොළඹගේ මහතා පැවැසීය.

08 March 2021

“‍මට ජීවිතේ එපා වෙලා තිබුණේ”

එංගලන්ත රජ පවුලට සම්බන්ධ වීමෙන් පසුව ඇතිවූ ප්‍රශ්න හේතුවෙන් තමන් සියදිවි හානිකර ගැනීම ගැනත් සිතා බලමින් සිටි බව හැරී කුමරුගේ බිරිඳ වන මේගන් මේකල් මහත්මිය කියා සිටියාය. ඇමරිකානු රූපවාහිනී සේවයක් සමග පැවැති සම්මුඛ සාකච්ඡාවකදී ඇය ඒ බව පවසා සිටියාය.

08 March 2021

අද කොරෝනා ආසාදිතයන් 334 ක්

කොවිඩ්-19 වයිරසය ආසාදනය වූ නව ආසාදිතයන් 177 දෙනෙකු අද රාත්‍රියේදී හඳුනාගත් බව රජයේ ප්‍රවෘත්ති දෙපාර්තමේන්තුව පස්වරු 20.40 ට නිකුත් කළ වාර්තාවේ දැක්වේ.

08 March 2021

පුරාවිද්‍යා ආඥා පනතකට අලුත් කෙටුම්පතක්

නව පුරාවිද්‍යා ආඥා පනතක් සඳහා වන කෙටුම්පත සකස් කර අද (8) පැවැති පුරාවිද්‍යා උපදේශක සභාවට භාර දුන් බව පුරාවිද්‍යා අධ්‍යක්ෂක ජනරාල් මහාචාර්ය අනුර මනතුංග මහතා පැවැසීය.

08 March 2021

තවත් කොරෝනා මරණ 5 ක්

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 5 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (08 වැනිදා) තහවුරු කරයි.

08 March 2021

වෛද්‍ය එස්. එම්. ආනල්ඩ් නව තනතුරක

නියෝජ්‍ය සෞඛ්‍ය සේවා අධ්‍යක්ෂ ජනරාල් (මහජන සෞඛ්‍ය සේවා 1) තනතුර සඳහා අද (9) සිට විශේෂඥ වෛද්‍ය එස්. එම්. ආනල්ඩ් මහතා පත්කර තිබේ.

08 March 2021

කෝටි දෙකක එතනෝල් අල්ලයි

කාර්මික රසායනික ද්‍රව්‍ය බවට රේගුවට ප්‍රකාශ කරමින් රුපියල් දෙකෝටි විසි ලක්ෂයක් පමණ වටිනා එතනෝල් මධ්‍යසාර තොගයක් අඩංගු බහාලුමක් කොළඹ වරායට ගෙනැවිත් තිබියදී රේගු මධ්‍යම විමර්ශන අංශයේ නිලධාරීන් පිරිසක් විසින් අද (8) එම තොගය අත්අඩංගුවට ගනු ලැබීය.

08 March 2021

අශෝක් අබේසිංහ සී.අයි.ඩී.ය මඟහරී

අපරාධ පරීක්ෂණ දෙපාර්තමේන්තුව හමුවට කැඳවා සිටි ජාතික සමගි ජනබලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රි අශෝක් අබේසිංහ මහතා අද (8) අපරාධ පරීක්ෂණ දෙපාර්තමේන්තුව හමුවේ පෙනී නොසිටි බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

08 March 2021