එසැණ පුවත්

මාතර කුඩු ‘‘හරක්කටාගේ‘‘-අජිත් රෝහණ

මාතර දෙනගම මුලටියන පාරේ දී අද (10) අලූයම අත්අඩංගුවට ගත් හොරොයින් කිලෝ 75 ට ආසන්න ප‍්‍රමාණය දැනට විදේශ රටේ සැගව සිටින රුවන් චින්තක හෙවත් ‘‘හරක්කටා’’ නැමැත්තා ට අයත් මත්කුඩු බව පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

10 March 2021

බුර්කාව - මද්‍රසා පාසල් කඩිනමින් තහනම් කරනවා-මහජන ආරක්ෂක ඇමැති

බුර්කාව සහ මද්‍රසා පාසල් කඩිනමින් තහනම් කිරීමට කටයුතු කරන බව අමාත්‍ය සරත් වීරසේකර මහතා අද (10) පාර්ලිමේන්තුවේ දී පැවැසීය.

10 March 2021

බදුල්ලේ ඓතිහාසික වැල්බෝධිය ගැලවී කඩාවැටෙයි

බදුල්ල නගරයේ ඉන්ධන පිරවුම් හළ අසළ පිහිටි ඓතිහාසික විශාල වැල්බෝධිය අද (10) දිනයේ මුළුමනින්ම ගැලවී කඩා වැටී එක් පුද්ගලයකු බරපතල තුවාල ලබා බදුල්ල මහ රෝහලට ඇතුළත් කළ බව බදුල්ල පොලිසිය පවසයි.

10 March 2021

පාස්කු ප්‍රහාරයේ මහ මොළකරුවන් නීතිය හමුවට ගේන්න ආණ්ඩුව අසමත්වෙලා - සරත් ෆොන්සේකා

පාස්කු ප්‍රහාරයේ මහ මොළකරුවන් මාස දෙකකින් නීතිය හමුවට ගෙන එන බවට ආණ්ඩුව ප්‍රකාශ කළත් අද ඒ පොරොන්දු පුස්සක් බවට පත්ව තිබෙන බව සමගි ජනබලවේගයේ ගම්පහ දිස්ත්‍රික් මන්ත්‍රී ෆීල්ඩ් මාර්ෂල් සරත් ෆොන්සේකා මහතා පාර්ලිමේන්තුවේදී පැවසීය.

10 March 2021

20ට එරෙහි පෙත්සම් විභාගයට පංච පුද්ගල විනිසුරු මඩුල්ලක්

ආණ්ඩුක්‍රම ව්‍යවස්ථාවේ 20 වන සංශෝධනය සම්මත කිරීම තුළින් අධිකරණයේ ස්වාධීනත්වයට හානි සිදුවී ඇතැයි සදහන් කරමින් , ඒ පිළිබද සුදුසු පියවර ගන්නා ලෙස ඉල්ලා ශ්‍රී ලංකා විනිවිද පෙරමුණ ලේකම් නාගානන්ද කොඩිතුවක්කු මහතා ගොනු කළ රිට් පෙත්සමක් සලකා බැලීම සඳහා පංච පුද්ගල ශ්‍රේෂ්ඨාධිකරණ විනිසුරු මඩුල්ලක් නම් කරනු ලැබ ඇත.

10 March 2021

පුත්තලම දුම්රිය හෙට සිට 14 දක්වා කටුනායකට පමණයි

කොළඹ - පුත්තලම දුම්රිය මාර්ගයේ දුම්රිය ධාවනය හෙට (11) පෙරවරු 8.00 සිට ලබන 14 වැනි ඉරිදා පස්වරු 8.30 දක්වා කටුනායක දුම්රිය ස්ථානය දක්වා සීමාකර ඇතැයි දුම්රිය දෙපාර්තමේන්තුව පවසයි.

10 March 2021

වෛද්‍ය සභා සභාපතිගෙන් මෝසමක්

ශ්‍රී ලංකා වෛද්‍ය සභා නිලවරණය පැවැත්විම වළකාලමින් දී තිබූ වාරණය විසුරුවා හරින්නැයි ඉල්ලා ශ්‍රී ලංකා වෛද්‍ය සභාවේ සභාපති මහාචාර්ය වජිර දිසානයක මහතා කොළඹ දිසා අධිකරණයට මෝසමක් ගොනු කර ඇත

10 March 2021

පාස්කු වාර්තාව රහස් පොලිසියට

පාස්කු දින ප්‍රහාරය පිළිබඳ ජනාධිපති කොමිෂන් සභා වාර්තාව රහස් පොලීසිය ඇතුළු අදාළ අංශවලට මේ වනවිටත් යවා ඇතැයි ආණ්ඩු පක්ෂයේ ප්‍රධාන සංවිධායක මහා මාර්ග අමාත්‍ය ජොන්ස්ටන් ප්‍රනාන්දු මහතා පාර්ලිමේන්තුවේ දී අද(10) පැවසීය.

10 March 2021

බන්ධනාගාරයට පැමිණෙන දේශපාලනඥයින් පරීක්ෂාවට කතානායකවරයාගේ අවසර ඉල්ලයි

මන්ත්‍රි වරප්‍රසාද යටතේ රැඳවියන් බැලීමට බන්ධනාගාර තුළට පැමිණෙන සියලු දේශපාලනඥයන් පරීක්ෂාවට ලක් කිරීම සඳහා කතානායකවරයාගේ විශේෂ අවසර ලබා ගැනීමට ඉදිරියේ කටයුතු කරන බව බන්ධනාගාර ආරංචි මාර්ග පවසයි.

10 March 2021

කෝටි 30 ක් වැය කර හැදූ ගබඩා 6 ක් අතහැරලා

සහල් මෙට්‍රික් ටොන් ලක්ෂයක සංචිතයක් පවත්වාගෙන යාමට රුපියල් කෝටි 30ක් වැය කර නවීකරණය කළ ගබඩා හයක් නිසි පරිදි ප්‍රයෝජනයට නොගෙන අතහැර දමා ඇතැයි විගණකාධිපති දෙපාර්තමේන්තුව නිකුත් කළ වාර්තාකින් අනාවරණය වේ.

10 March 2021

අධිකරණයට බාරවූ හිරුණිකාට ඇප

වෙළෙද සහායකයකු පැහැරගෙන ගොස් පහර දෙනු ලැබුවේ යැයි කියන සිද්ධිය සම්බන්ධයෙන් චෝදනා කරමින් පවරා තිබූ නඩුවට පෙනි නොසිටිම නිසා වරෙන්තු ලබා සිටි හිටපු පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මිය අධිකරණයේ කටයුතු අතරතුරදී අධිකරණයට බාරවීම සැලකිල්ලට ගත් කොළඹ මහාධිකරණ විනිසුරු අමල් රණරාජා මහතා ඇය පෙර ඇප මත මුදා හැරිමට නියෝග කළේය.

10 March 2021

එජා මානව හිමිකම් කවුන්සිලයේ දී චීනයේ සහය ශ්‍රී ලංකාවට

ශ්‍රී ලංකාව තීරණාත්මක ආර්ථික අභියෝගයකට මුහුණ දෙමින් සිටින බැවින් චීනයේ සහය අඛණ්ඩව ලබා දෙන බව චීන රජය සඳහන් කළ බව එරට ශ්‍රී ලංකා තානාපති ආචාර්ය පාලිත කොහොන මහතා පැවසීය.

10 March 2021

ඉන්දිය දුම්රිය මැදිරි ගෙන්වීම අවලංගු කරන්නැයි ඉල්ලා විරෝධතාවයක්

පසුගිය රජයේ ඇනවුමකට අනුව කොළඹ වරායට ඉන්දියාවෙන් ගෙන එනු ලැබු ඉන්දියන් මැදිරිවල ඉතිරි දුම්රිය මැදිරි 150 මෙරටට ගෙන්වීම අවලංගු කරන මෙන් ඉල්ලා දුම්රිය නියාමකවරුන්ගේ සංගමය සහ දුම්රිය එන්ජින් රියදුරු සංගමය විසින් අද (10) විරෝධතාවක් ආරම්භ කරනු ලැබීය.

10 March 2021

මන්නාරම මාලු වෙළඳපොළ වහයි

මන්නාරම මාළු වෙළඳපොළ වෙළෙන්දන් 8 දෙනෙකු ඇතුළු 17 දෙනෙකුට කොරෝනා වයිරසය ආසාදනය වී ඇති බවට අනාවරණය වීමත් සමඟ මාලු වෙළඳපොළ තාවකාලිකව අද (10) වසා දැමීමට පියවර ගෙන ඇතැයි මන්නාරම සෞඛ්‍ය පරික්ෂක කාර්යාලය පවසයි.

10 March 2021

හිරුණිකාට වරෙන්තු

දෙමටගොඩදී තරුණයකු පැහැරගෙන ගොස් පහරදුන්නැයි චෝදනා ලැබ සිටින හිටපු පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මිය අත්අඩංගුවට ගෙන අධිකරණයට ඉදිරිපත් කරන්නැයි කොළඹ මහාධිකරණය කොළඹ අපරාධ කොට්ඨාසයට අද (10) නියෝග කළේය.

10 March 2021

රට හැකි ඉක්මනින් යථා තත්ත්වයට ගනිමු

හරියටම වසරකට පෙර මාර්තු මාසයේ මැද මේ සතිය අප ගෙවූ අවසන් සාමාන්‍ය සතිය විය. එහෙත් ඒ බව අපි කිසිවකුත් දැන නොසිටියෙමු. ලොවේ බොහොමයක් රටවල තත්ත්වය ද එසේම විය. එම සතියෙන් පසුව කොරෝනා වසංගතයේ කඩතුරාවෙන් මුළු රටම වැසී ගියේය. වසරක කාලය ඇති කළ වෙනසක අරුමයේ ප්‍රතිඵල අපි දැන් විඳිමින් සිටින්නෙමු. ඒ නව බලාපොරොත්තු රැසක් පොදි බැඳ ගනිමිනි.

10 March 2021

රංජන්ගේ නිවාඩු යෝජනාව කතානායක ප්‍රතික්ෂේප කරයි

සිරගතව සිටින පාර්ලිමේන්තු මන්ත්‍රී රංජන් රාමනායක මහතා වෙනුවෙන් විපක්ෂ නායක සජිත් ප්‍රේමදාස මහතා අද(10) පාර්ලිමේන්තුවට ගෙන ආ නිවාඩු යෝජනාව කථානායක මහින්ද යාපා අබේවර්ධන මහතා විසින් ප්‍රතික්ෂේප කරනු ලැබීය.

10 March 2021

සීනි ගෙන්වීමේදී කෝටි 1600 ක පාඩුවක්

සීනි ආනයනයේදී රජයට 2020 ඔක්තෝබර් මස 14 වැනිදා සිට මෙම වසරේ පෙබරවාරි 20 වැනිදා දක්වා වූ කාලයේදී රුපියල් කෝටි 1600ක පමණ පාඩුවක් සිදුවී ඇතැයි මුදල් අමාත්‍යාංශය මුදල් පිළිබඳ පාර්ලිමේන්තු කාරක සභාවට ඉදිරිපත් කළ විමර්ශන වාර්තාවක දැක්වෙන බව එම කාරක සභාවේ සභාපති පාර්ලිමේන්තු මන්ත්‍රී නීතිඥ අනුර ප්‍රියදර්ශන යාපා මහතා පැවැසීය.

10 March 2021

කෝප් කමිටු සැසිවාරයේ පළමු වාර්තාව අද පාර්ලිමේන්තුවට

පොදු ව්‍යාපාර පිළිබඳ කාරක සභාව හෙවත් කෝප් කමිටු සැසි වාරයේ පළමු වැනි වාර්තාව එම කාරක සභාවේ සභාපති පාර්ලිමේන්තු මන්ත්‍රී මහාචාර්ය චරිත හේරත් මහතා විසින් අද(10) පාර්ලිමේන්තුවට ඉදිරිපත් කරනු ලැබේ.

10 March 2021

රට රැකියා වලදී හිරිහැර වූ කාන්තාවෝ 249 ක් ලංකාවට

එක්සත් අරාබි එමීර් රාජ්‍යයේ රැකියා සදහා ගොස් සිටියදී, එරට හාම්පුතුන් අතින් විවිධ හිරිහැර , කරදර වලට ලක් වී, යළි මෙරටට පැමිණීමට නොහැකිව සිටි ශ්‍රී ලාංකිකයන් 249 දෙනෙකු අද (10) ශ්‍රී ලන්කන් ගුවන් සේවයේ විශේෂ ගුවන් යානයකින් කටුනායක ගුවන් තොටුපළ වෙත පැමිණි බව ගුවන් තොටුපළ කාර්යය බාර නිලධාරීවරයා පැවසීය.

10 March 2021

සූකීගේ නිලධාරියකු අත්අඩංගුවේ සිටියදී මරුට

මියන්මාරයේ සිදුවූ හමුදා කුමන්ත්‍රණයෙන් පසු නෙරපා හරින ලද නායක අවුන් සාන් සූ කීගේ පක්ෂයේ නිලධාරියකු අත්අඩංගුවේ සිටියදී මියගොස් ඇතැයි වාර්තා වේ.

10 March 2021

හෙරොයින් ප්‍රවාහනය කළ යුවළක් අත්අඩංගුවට

හෙරොයින් කිලෝ 68 ක් මෝටර් රථයකින් ප්‍රවාහනය කරමින් සිටි යුවළක් මාතර දෙයියන්දර දෙනගම ප්‍රදේශයේ දී මාතර කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් අද (10) අත්අඩංගුවට ගනු ලැබීය.

10 March 2021

අද කොරෝනා ආසාදිතයන් 228 ක්

කොවිඩ්-19 වයිරසය ආසාදනය වූ නව ආසාදිතයන් 133 දෙනෙකු අද රාත්‍රියේදී හඳුනාගත් බව රජයේ ප්‍රවෘත්ති දෙපාර්තමේන්තුව පස්වරු 21.45 ට නිකුත් කළ වාර්තාවේ දැක්වේ.

09 March 2021

ඉන්දියාවෙන් ගෙනා මුහුදු කූඩැල්ලන් නාවික හමුදා බාරයට

ඉන්දියාවේ සිට මුහුදු මාර්ගයෙන් රැගෙන ආ ලක්ෂ 7 ක පමන වටිනා මුහුදු කුඩැල්ලන් තොගයක් තලේමන්නාරම මුහුදු සිමාවේදී නාවික හමුදාව අත්අඩංගුවට ගෙන මන්නාර ධිවර අධ්‍යක්ෂ කාර්යාලයට (9) දින සවස භාර දීමට කටයුතු කර තිබුණි.

09 March 2021

දුම්රිය මැදිරි දහයම ගෙනෙයි

අද දින මෙරටට පැමිණිමට නියමිතව තිබූ දුම්රිය මැදිරි දහය අද (09) සන්ද්‍යාවේ IEANNE AUERBACH MO NROVA නෞකාවෙන් කොළඹ වරායට රැගෙන ආ බවත්, එසේ රැගෙන ආ දුම්රිය මැදිරි රත්මලාන දුම්රිය වැඩ බිමට රැගෙන ගොස් එය තත්ව පරීක්ෂාවකට ලක්කර ක්ෂේත්‍ර චාරිකාවන් සඳහා යොමු කිරීමට බලාපොරොත්තු වන බවත්, අතිරේක දුම්රිය සාමාන්‍ය අධිකාරි (ප්‍රධාන ඉංජිනේරු යාන්ත්‍රික) කීර්ති හේවාවිතාරණ මහතා රත්මලානේදී මීට සුලු මොහොතකට පෙර පැවසීය.

09 March 2021

තවත් කොරෝනා මරණ 4 ක්

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 4 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (09 වැනිදා) තහවුරු කරයි.

09 March 2021

ශ්‍රී ලංකාවේ ඉඩම් මැනීම කොරියානු සමාගමකට දෙන්න යයි

පසුගිය රජය විසින් මෙරට ඉඩම් ඇමරිකානු සමාගමක් සම්බන්ධ කොට මැනුම් ගත කිරීමට සහ සිතියම් ගත කිරීමට ගිය බවත්, එය නවතා මෙම රජය කොරියානු සමාගමක් සමඟ එම ක්‍රියාවලියම සිදුකිරීම සඳහා අවශ්‍ය පිඹුරුපත් සකසමින් සිටින බවත් රජයේ මිනින්දෝරු සංගමය අද (09) ‍දඹුල්ලේදී විශේෂ මාධ්‍ය හමුවක් කැඳවමින් හෙළිදරව් කළේය.

09 March 2021

කොරෝනාවෙන් මියයන ගාල්ලේ මුස්ලිම් ජාතිකයන් භුමදානයට ස්ථාන හතරක්

කොරෝනා වෛරසය ආසාදිතවී මියයන ගාල්ල දිස්ත්‍රික්කයේ මුස්ලිම් ජාතිකයින්ගේ මළ සිරුරු භුමදානය සඳහා ස්ථාන හතරක් නම් කර සෞඛ්‍ය සේවා අධ්‍යක්ෂ ජනරාල්වරයාටත්, ගාල්ල දිස්ත්‍රික් ලේකම්වරයාටත් යැවු බව ගාල්ල දිස්ත්‍රික් මුස්ලිම් දේවස්ථාන භාරකරුවන්ගේ සංගමයේ සභාපති අල්හාජ් මොහොමඩ් සුහුරුද්දින් මහතා පවසයි.

09 March 2021