එසැණ පුවත්

ත්‍රීරෝද රියෙන් පැමිණ පාරේ සිටි අයකුට තියුණු ආයුධයකින් පහරදී පලා යයි

ත්‍රීරෝද රථයකින් පැමිණි පුද්ගලයන් දෙදෙනෙකු මඩපාත පොල් හේන ප්‍රදේශයේ නිවසක් ඉදිරිපිට මාර්ගයේ රැඳී සිටි පුද්ගලයකුට තියුණු ආයුධයකින් පහරදී බරපතළ තුවාල සිදුකර පලාගොස් ඇතැයි කැස්බෑව පොලිසිය කියයි.

14 November 2021

අද දවසේ කාලගුණය

සබරගමුව, වයඹ, උතුරු සහ බස්නාහිර පළාත්වලත්, ගාල්ල සහ මාතර දිස්ත්‍රික්කවලත් අද (14) දිනයේත් විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

14 November 2021

දුම් බෝම්බයක් සමඟ හිටපු කර්නල් අල්ලයි

පාදුක්ක අරුක්වත්ත නිවසකදී මෝටාර් උණ්ඩයක් සහ දුම් බෝම්බයක් සමඟ යුද්ධ හමුදා විශ්‍රාමික ආබාධිත කර්නල්වරයකු අත්අඩංගුවට ගත් බව පාදුක්ක පොලිසිය කියයි

14 November 2021

රන් සොයා කැනීම් කළ හයක් පොලිස් දැලේ

යුද සමයේ වල දමා ඇතැයි කියන රත්තරං සෙවීම සඳහා මන්නාරම ඔළුතුඩාව ප්‍රදේශයේ කැණීම් කරමින් සිටී පුද්ගලයන් 6 දෙනෙකු අත්අඩංගුවට ගත් බව පොලිසිය පවසයි.

14 November 2021

වික්ටෝරියා වේල්ල වීඩියෝ කළ තුනක් මාට්ටු

වික්ටෝරියා වේල්ල සහ හතර වන බල ඇණිය යාන්ත්‍රික රෙජිමේන්තු කඳවුර ප්‍රදේශය අවසරයකින් තොරව ඩ්‍රෝනා යානාවකින් වීඩියෝ ගත කළ කාන්තාවක ඇතුළු තිදෙනකු අත්අඩංගුවට ගත් බව තෙල්දෙණිය පොලිසිය කියයි.

14 November 2021

වාහන ගෙන්විමේ තහනම තවත් මාස හයක්

වාහන ආනයනයට තව මාස හයක් හතක් යනතුරු අවසර නොලැබෙන බව මුදල් අමාත්‍යාංශයේ ලේකම් එස් ආර් ආටිගල මහතා පැවැසීය.

14 November 2021

තනතුරු නැති වුණත් මාස 15ක් තිස්සේ ප්‍රභූ ආරක්ෂාව

පාර්ලිමේන්තුවේ හිටපු මැති ඇමතිවරුන් 30 කට ආසන්න පිරිසකට මාස පහළොවක් පමණ තිස්සේ ප්‍රභූ ආරක්ෂාව ලබා දෙමින් තිබෙන බව රජයේ ආරංචි මාර්ග සඳහන් කරයි .

13 November 2021

කොරෝනා ආසාදිතයන් 716 අද

කොවිඩ් ආසාදිත තවත් රෝගීන් 204 දෙනකු අද(13) හඳුනාගත් බව සෞඛ්‍ය අංශ පවසයි. ඒ සමඟ අද දින වාර්තා වූ ආසාදිත සංඛ්‍යාව 716 කි.

13 November 2021

රාජ්‍ය සේවකයන්ට ජීවන වියදම් දීමනාවක් දෙන්න

බඩු මිල ඉහළ ගොස් ඇති හෙයින් රාජ්‍ය සේවකයන් සඳහා ජීවන වියදම් දීමනාවක් කෙටි කලකට හෝ ලබා දෙන ලෙස රජයෙන් ඉල්ලීමක් කරන බව කුරුණෑගල දිස්ත්‍රික් මන්ත්‍රී අසංක නවරත්න මහතා පාර්ලිමේන්තුවේදී අද පැවැසීය.

13 November 2021

ජාතික විගණන වැඩසටහනට මුදල් කාරක සභාවේ අනුමැතිය

ජාතික විගණන කාර්යාලයේ 2022 වසර සඳහා වන වාර්ෂික කාර්ය වැඩසටහන රජයේ මුදල් පිළිබඳ කාරක සභාවේදී අද (13) අනුමත විය.

13 November 2021

කොළඹ - මහනුවර මාර්ගය ගැන පරීක්ෂණ වාර්තා සදුදා?

කොළඹ - මහනුවර ප්‍රධාන මාර්ගයේ කඩුගන්නාව ප්‍රදේශයේ පරීක්ෂණ රැසක් මේ වන විට සිදුවෙමින් පවතින බවත් මාර්ගය පිළිබඳව විශේෂ ප්‍රකාශයක් ලබන සදුදා දින කිරීමට බලාපොරොත්තු වන බවත් මාර්ග සංවර්ධන අධිකාරියේ අධ්‍යක්ෂ ජනරාල් සර්ධා වීරකෝන් මහතා අද (13) පස්වරුවේ පැවසීය.

13 November 2021

’’විපක්ෂය පම්පෝරි ගැහුවත් අයවැය ගෙනාවේ අර්බුද තුනක් තිබියදී’’

විපක්ෂය අද මොන පම්පෝරි ගැහුවත් මුදල් ඇමැතිතුමා මේ අයවැය ගෙනාවේ රටේ අර්බුද තුනක් තිබියදී යැයි කිසිවකුත් අමතක නොකළ යුතු බව වෙළෙඳ අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී අද පැවසීය.

13 November 2021

’’ජනපති-මන්ත්‍රී විශ්‍රාම වැටුප ගැන අනාවරණයක්’’

ජනාධිපතිවරයා සහ පාර්ලිමේන්තු මන්ත්‍රීවරුන් විශ්‍රාම වැටුපක් ලැබීමට වසර දහයක් සේවය කළ බවටවූ යෝජනාව ඉදිරිපත් කළේ ආණ්ඩු පක්ෂයේ සිටින තරුණ මන්ත්‍රීවරුන් බවත් තමා ඒ මන්ත්‍රීවරුන්ට ගරු කරන බවත් මුදල් අමාත්‍ය බැසිල් රාජපක්ෂ මහතා පැවසීය.

13 November 2021

යුදගනවි බලාගාරයේ කොටස් විකිණීමට එරෙහිව මහජනසභාව රටපුරා

යුගදනවි බලාගාරයේ කොටස් ඇමෙරිකානු සමාගමකට පැවරීමට ගෙන ඇති තීරණයට එරෙහිව ආණ්ඩුවේ හවුල්කාර පක්ෂ 11ක නායකයන් ඉකුත් දා කොළඹින් ආරම්භ කළ ’’මහජන සභාව ’’රැස්වීම් මාලාව රට පුරා දිස්ත්‍රික් මට්ටමින් පැවැත්වීමට තීරණය කර ඇතැයි වාර්තා වේ .

13 November 2021

විභාග ප්‍රශ්න පත්‍ර සැකසීමේ වෙනසක්

ඉදිරියේදී පැවැත්වෙන විභාගවල ප්‍රශ්න පත්‍ර සැකසීමේදී යම් සංශෝධනයන් සිදුකරන බව අධ්‍යාපන අමාත්‍යාංශයේ පාසල් කටයුතු පිළිබඳ අතිරේක ලේකම් එල්.එම්.ඩී. ධර්මසේන මහතා පැවසීය.

13 November 2021

’’රාජ්‍ය සේවය අපට බරක් ’’

රාජ්‍ය සේවකයින් සඳහා තව වර්ෂයක් යනතුරු රජයට තවදුරටත් මුදල් වැයකිරීමේ හැකියාවක් නොමැති බව මුදල් අමාත්‍ය බැසිල් රාජපක්ෂ මහතා පැවසීය.

13 November 2021

’’උද්ඝෝෂණ වෙනුවට වර්ජනයකට යනවා’’

කොවිඩ් නීතිය ’ කොවිඩ්’ පාලනයට වඩා වඩා පාවිච්චියට යොදා යොදාගතහොත් උද්ඝෝෂණ වෙනුවට වැඩවර්ජන කිරීමට සිදුවනු ඇතැයි සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පැවසීය.

13 November 2021

රටබීම මිල අද සිට වැඩි වෙයි

අයවැය ලේඛනයෙන් ඉහළ දැමූ සුරාබදු අද (13) සිට ක්‍රියාත්මක වන බව සුරාබදු දෙපාර්තමේන්තුව දෙපාර්තමේන්තුවේ මාධ්‍ය ප්‍රකාශක සුරාබදු කොමසාරිස් (නීති ක්‍රියාත්මක කිරීම්) කපිල කුමාරසිංහ මහතා ’ ලංකාදීප’ යට පැවසීය.

13 November 2021

’’ගිවිසුම් ගැන ඇසූවිට මන්ත්‍රිවරු පාර්ලිමේන්තුවට තොරතුරු දිය යුුතුයි’’

යම් ගිවිසුමක් ගැන ඇසූ විට ඒ සම්බන්ධයෙන් පාර්ලිමේන්තුවට තොරතුරු ලබා දීමට ඇමතිවරුන් අණ්ඩුක්‍රම ව්‍යවස්ථාවෙන්ම බැඳී ඇතැයි හිටපු අග්‍රාමාත්‍ය කොළඹ දිස්ත්‍රික් පත්කළ මන්ත්‍රී (එජාප)රනිල් වික්‍රමසිංහ මහතා පාර්ලිමේන්තුවේදී පැවසීය .

13 November 2021

චීන එන්තරවාසිය ගැන නීතිපතිගේ උපදෙස් පතයි

මතභේදයට තුඩු දී ඇති කාබනික පොහොර රැගත් නෞකාව අයත් සමාගම විසින් ජාතික ශාක නිරෝධායන සේවය වෙත නිකුත් කළ එන්තරවාසිය සම්බන්ධයෙන් ඉදිරි ක්‍රියාමාර්ග ගැනීම සඳහා එය මේවන විට නීතිපතිවරයා වෙත යොමුකර ඇතැයි නීතිපති දෙපාර්තමේන්තු ආරංචි මාර්ග සදහන් කර සිටී.

13 November 2021

ඇමැතිවරු දහයක් ’’සමිට් සැප’’ විඳිද්දි මන්ත්‍රී නිවාසත් අල්ලාගෙන

ඇමැතිවරුන් දස දෙනකු ඇමැති නිල නිවාස වරප්‍රසාද භුක්ති විඳිද්දී මාදිවෙල මන්ත්‍රී නිල නිවාසද පාවිච්චි කරන බව පාර්ලිමේන්තු ආරංචිමාර්ගවලින් පැවසේ.

13 November 2021

දේශිය ආදයම්,සුරාබදු,රේගු පුරප්පාඩු පිරවීම අතරමග

රටේ ආර්ථිකයට දායකවන ප්‍රධාන ආයතන ලෙස සැලකෙන දේශීය ආදායම් දෙපාර්තමේන්තුව, ශ්‍රී ලංකා රේගුව සහ සුරාබදු දෙපාර්තමේන්තුව යන ආයතනවල නිලධාරි පුරප්පාඩු දහසකට වැඩි සංඛ්‍යාවක් පිරවීම ප්‍රමාදයවීම නිසා එම ආයතනවල කාර්යක්ෂමතාව බෙහෙවින් හීනවී ඇතැයි රජයේ ගිණුම් පිළිබඳ පාර්ලිමේන්තු කාරක සභාව පවසයි.

13 November 2021

එළවළු ප්‍රවාහනයට වෙනම දුම්රියක්

එළවළු නුවරඑළියේ සිට දුම්රිය මගින් ප්‍රවාහනය කිරීමට වැඩපිළිවෙළක් සකස් කරගෙන යන බව කෘෂිකර්ම අමාත්‍ය මහින්දානන්ද අලුත්ගමගේ මහතා පාර්ලිමේන්තුවේදී අද පැවැසීය.

13 November 2021

පනත් දෙකකට කතානායකගේ සහතිකය

විසර්ජන සංශෝධන සහ ආගාමික සහ විගාමික පනත් කෙටුම්පතවලට සිය සහතිකය සටහන් කළ බව කතානායක මහින්ද යාපා අබේවර්ධන මහතා පාර්ලිමේන්තුවේදී අද පැවසීය.

13 November 2021

දූෂණ මැඩීමට ගෙනා කෝප්, කෝපා නිර්දේශ දෙදාහක් කුණු කූඩෙට

පොදු ව්‍යාපාර පිළිබඳ පාර්ලිමේන්තු කාරක සභාව(කෝප්) සහ රජයේ ගිණුම් පිළිබඳ පාර්ලිමේන්තු කාරක සභාව(කෝපා) ඇතුළු පාර්ලිමේන්තු කාරක සභා දූෂණ, වංචා සහ අක්‍රමිකතා වැළැක්වීම සඳහා පසුගිය කාලයේදී ඉදිරිපත් කර ඇති නිර්දේශ 2,000කට වැනි සංඛ්‍යාවක් හමස් පෙට්ටියට ගොස් ඇතැයි පාර්ලිමේන්තු නිලධාරීහු පවසති.

13 November 2021

පහළ කඩුගන්නාව ප්‍රදේශය විශේෂඥ පරික්ෂාවට

නායයෑමේ අවදානම හේතුවෙන් කොළඹ - මහනුවර ප්‍රධාන මාර්ගයේ පහළ කඩුගන්නාව ප්‍රදේශයේ පාර වසා තිබෙන ස්ථානය මේ වන විට විශේෂඥයන් පිරිසක් පරික්ෂා කරමින් සිටින බවත් එම පරීක්ෂාවෙන් පසුව ඉදිරි තීරණය ප්‍රකාශ කළ හැකි බවත් කෑගල්ල දිස්ත්‍රික් ලේකම් මහින්ද එස්. වීරසූරිය මහතා අද (13) පෙරවරුවේ පැවසීය.

13 November 2021

‘‘කොවිඩ් සමඟ ඩිජිටල්කරණයේ අසීමිත ප්‍රයෝජනය හදුනාගත්තා‘‘

ශ්‍රී ලංකාවේ ඉදිරි ගමන ඩිජිටල්කරණය මත රඳා පවතින බව වඩාත් පැහැදිළි බවත් ‘කොවිඩ්’ ව්‍යාප්තියත් සමඟ ඩිජිටල්කරණයේ අසීමිත ප්‍රයෝජනය හොඳින් වටහා ගැනීමට හැකිවූ බවත් තරුණ හා ක්‍රීඩා, සංවර්ධන සම්බන්ධීකරණ අමාත්‍ය හා ඩිජිටල් ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පවසයි.

13 November 2021

ලංගම බසය-වෑන් රිය ගැටී අයෙක් මරුට: 6ක් රෝහලේ

කොළඹ සිට කල්මුනේ දක්වා ගමන් ගත් ලංගම බස් රථයක් බදුල්ල දෙසින් පැමිණි වෑන් රථයක්, මහියංගණ පොලිස්ථානය ඉදිරිපිටදී අනතුරට ලක්වීමෙන් එක් පුද්ගලයෙකු මියගොස් 6 දෙනකු තුවාල ලබා රෝහල්ගතකර ඇතැයි පොලිසිය කියයි.

13 November 2021