එසැණ පුවත්

කොවිඩ් දරුවන්ගේ අඩුවක්

කොවිඩ් ආසාදිතව කොළඹ රිජ්වේ ආර්යා ළමා රෝහලට දෛනිකව ඇතුළත් කෙරෙන දරුවන් සංඛ්‍යාව 10 දක්වා අඩු වී ඇතැයි එහි අධ්‍යක්ෂ වෛද්‍ය ජී. විජේසූරිය මහතා ලංකාදීපයට පැවැසීය.

09 September 2021

අත්‍යවශ්‍ය නොවන භාණ්ඩ ගේන්න මිලියන 871ක් වැය කරලා

අත්‍යවශ්‍ය නොවන භාණ්ඩ ආනයනය කිරීම සඳහා ඉකුත් 2020 වසරේදී ඇමරිකානු ඩොලර් මිලියන 871ක් වැය කර ඇතැයි ශ්‍රී ලංකා මහ බැංකුව සඳහන් කරයි.

09 September 2021

උදිත ලොකුබණ්ඩාර අගමැතිගේ පාර්ලිමේන්තු කටයුතු ලේකම් ලෙස පත් කරයි

හිටපු පාර්ලිමේන්තු මන්ත්‍රී උදිත ලොකුබණ්ඩාර මහතා අගමැති මහින්ද රාජපක්ෂ මහතාගේ පාර්ලිමේන්තු කටයුතු ලේකම්වරයා ලෙස පත් කරනු ලැබ සිටී.

09 September 2021

මෙරට සිටින ඉරාන හා වියට්නාම තානාපතිවරු විදේශ ඇමති හමුවෙයි

ශ්‍රී ලංකාව සමග ද්විපාර්ශවික සබදතා වර්ධනය කර ගැනීමේ අරමුණෙන් ශ්‍රී ලංකාවේ සිටින ඉරාන හා වියට්නාම තානාපතිවරුන් වෙන වෙනම විදේශ අමාත්‍ය මහාචාරය ජී.එල්.පීරිස් මහතා හමු වී ඇත.

09 September 2021

කොවිඩ් ආසාදිතයන් තවත් 1,946ක්

කොවිඩ් 19 ආසාදිත රෝගීන් තවත් 1,946 දෙනකු අද (9) හඳුනාගත් බව සෞඛ්‍ය අංශ පවසයි.

09 September 2021

මැති ඇමැතිවරු අටක් නිරෝධායනයේ

මැති ඇමතිවරු අටදෙනෙක් නිරෝධායනයට යොමුවී සිටිති.

09 September 2021

වාරිමාර්ග අමාත්‍යංශයෙන් නව චක්‍රලේඛයක්

දිවයින පුරා පිහිටි ඓතිහාසික වැව් හා මහා පරිමාණ වාරි යෝජනා ක්‍රම ආශ්‍රීතව ඉදිකිරීමක් හෝ වැඩි දියුණු කිරීමක් කරනේ නම් ඒ සඳහා අවසර ලබා දිය හැකි ද යන්න විශේෂ කමිටුවකින් තීරණ්‍ය කළ යුතු බවට වාරිමාර්ග අමාත්‍යංශ ලේකම්වරයා විසින් විශේෂ චක්‍රලේඛයක් නිකුත් කරමින් දන්වා ඇත.

09 September 2021

ඖෂධ නියාමන අධිකාරියේ දත්ත මැකූ සිද්ධියේ සැකකරුට ඇප

ජාතික ඖෂධ නියාමන අධිකාරියේ දත්ත පද්ධතියට අයුතු ලෙස ඇතුළු වී එහි දත්ත මකා දැමීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව අත්අඩංගුවට ගත් එපික් ලංකා ටෙක්නොලොජි පුද්ගලික සමාගමේ ප්‍රධාන විධායක නිලධාරී හරින්ද ප්‍රියදර්ශන කල්පගේ මහතා රුපියල් ලක්ෂ 10 බැගින් වූ ශරීර ඇප දෙකක් මත මුදාහැරීමට කොළඹ අතිරේක මහේස්ත්‍රාත් රජින්ද්‍රා මහත්මිය අද (09) නියෝග කළේය.

09 September 2021

හදිසි නොවන භාණ්ඩ ආනයනයේදී සියයට සීයක මුදල් තැන්පතුවක්

කාණ්ඩ 11කට අයත් භාණ්ඩ 623ක් ආනයනය කිරීමේදී සියයට සියයට ආන්තික මුදල් තැන්පතු අවශ්‍යතාවක් වහාම ක්‍රියාත්මක වන පරිදි පැනවීමට ශ්‍රී ලංකා මහ බැංකුව තීරණය කර ඇත.

09 September 2021

‘ ආණ්ඩුව සේවය කරන්නේ ගජ මිතුරන්ට පමණයි’

ජනතාවට සේවය කිරීම ආණ්ඩුවේ වගකීම වුවත් ආණ්ඩුව සේවය කරමින් සිටින්නේ තම ගජ මිතුරන්ට පමණක් බව විපක්ෂ නායක සජිත් ප්‍රේමදාස මහතා කොළඹදී පැවසීය.

09 September 2021

ආණ්ඩුවෙ රස්සා දිය යුත්තේ කොරෝනාවෙන් බැට කෑ පවුල් වලටයි

රජයේ රැකියා වලට බඳවා ගැනීමේ දී කොරෝනා වලින් මව පියා මිය ගිය පවුල්වල දරුවන්ට රාජ්‍ය පරිපාලන චක්‍රලේඛ වෙනස් කර හෝ විශේෂත්වයක් දැක්විය යුතුව ඇතැයි එක්සත් ජාතික පක්ෂයේ සභාපති වජිර අබේවර්ධන මහතා පැවසීය.

09 September 2021

’තිහට වැඩි කෝටියකට කොවිඩ් එන්නත දී අවසන් ’

මෙරට වයස 30 ට වැඩි කෝටියක පිරිසකට කොවිඩ් මර්දන එන්නත ලබාදී අවසන් කර ඇතැයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පැවැසීය.

09 September 2021

ඇමති ඩලස් මහාචාර්ය නිලීකාගෙන් සමාව ඉල්ලයි

ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ප්‍රතිජීව විද්‍යා හා අණුක විද්‍යා අධ්‍යයන අංශයේ ප්‍රධානී මහාචාර්ය නිලීකා මලවිගේ මහත්මිය කළ ප්‍රකාශයක් විකෘති කර ඇතැම් මාධ්‍යවල පළ කිරීම නිසා ඇයට සිදූවූ හානිය හා සිත්වේදනාව සම්බන්ධයෙන් තමන් ඊයේ (8) දින ඇය අමතා සමාව ඉල්ලූ බව ජනමාධ්‍ය අමාත්‍ය ඩලස් අලහප්පෙරුම මහතා පවසයි.

09 September 2021

කොරෝනා ආසාදිත මවක් තුන්නිවුන් දරුවන්බිහි කරයි

කොවිඩ් ආසාදිත මවක් අද කොළඹ ද සොයිසා කාන්තා රෝහලේ දී තුන්නිවුන් දරුවන් බිහි කළාය.

09 September 2021

‘හරක්කටා’ ගේ ගෝලයා 24 තෙක් රිමාන්ඩ්

පාතාල කල්ලි සාමාජික අමිල ප්‍රසන්න හෙට්ටිහේවා නොහොත් ’සන්ෂයින් සුද්දා’ වෙඩි තබා ඝාතනය කළැයි කියන සිද්ධියට අදාළව කොටවිල පොලීසිය අත්අඩංගුවට ගත් ප්‍රධාන පෙළේ මත්ද්‍රව්‍ය ජාවාරම්කරුකු ලෙස සැළකෙන නඳුන් චින්තක නොහොත් හරක් කටාගේ ගෝලයකු ලබන 24 වැනිදා තෙක් රක්ෂිත බන්ධනාගාර ගතකරන ලෙස ගත කරන ලෙස මාතර ප්‍රධාන මහේස්ත්‍රාත් ඉසුරු නෙත්තිකුමාර මහතා අද (09) නියෝග කළේය.

09 September 2021

ඇඳිරි නීතිය කලින් දැම්මා නම් ජීවිත රැසක් රැකගන්න තිබුණා

එක්සත් ජාතික පක්ෂය මුල සිටම පැවසූ ආකාරයට අදින් මාසයකට පෙර හෝ මාස එකහමාරකට කලින් නිරෝධායන ඇඳිරි නීතිය පැනවූවා නම් අහිමි වූ ජීවිත වලින් බාගයක්ම බේරා ගැනීමට හැකියාව තිබූ බව එක්සත් ජාතික පක්ෂ හිටපු පාර්ලිමේන්තු මන්ත්‍රී රජයේ හෙද නිලධාරීන්ගේ සංගමයේ සභාපති සමන් රත්නප්‍රිය මහතා පැවසීය.

09 September 2021

‘බොබ් මාර්ලි’ ගෙ බිරිඳ සහ ඔහුට නවාතැන් පහසුකම් දුන් මිතුරා අත්අඩංගුවට

බේරුවල ට ආසන්න දකුණු මුහුදේ දී රුපියල් කෝටි තුන්සියයකට ආසන්න හොරයින් මත්කුඩු තොගය මෙරට ප්‍රවාහනය කිරීමට සංවිධාන කටයුතු සිදු කිරීම සම්බන්ධයෙන් අත්අඩංගුවට ගත් ප්‍රධාන පෙළේ මත්ද්‍රව්‍ය ජාවාරම්කරුවකු වන චමින්ද තාබ්‍ර නොහොත් බොබ්මාලි බිරිඳ සහ ඔහුට නවාතැන් පහසුකම් ලබාදුන් මිතුරාද අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය කියයි.

09 September 2021

රාජ්‍ය සාහිත්‍ය සම්මාන 2020 උළෙලේ සම්මානිත කෘතීන් ප්‍රකාශයට පත් කරයි

පසුගිය වසරේ ප්‍රකාශිත කෘතීන් අතරින් හොඳම ස්වතන්ත්‍ර සිංහල නවකතාවට හිමි රාජ්‍ය සාහිත්‍ය සම්මානය කැත්ලීන් ජයවර්ධන මහත්මිය විසින් රචිත ’ඉවුරු ගඟ සිඳී ගියදා’ නව කතාවට හිමිව ඇත.

09 September 2021

රට 13 වැනිදා විවෘත කරනවාද නැද්ද තීරණය හෙට

රට ලබන 13 වැනිදා නැවත විවෘත කරනවාද නැද්ද යන්න සම්බන්ධයෙන් තීරණයක් ගැනීම සඳහා කොවිඩ් මර්දන ජනාධිපති කාර්ය සාධක බලකාය ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් හෙට (10) පෙරවරුවේ රැස්වීමට නියමිතය.

09 September 2021

එන්නත් නොවිද කාඩ්පත් සලකුණු කරගත් 4 ක් අත්අඩංගුවට

ගාල්ල සංඝමිත්තා විදුහලේ එන්නත් කිරිමේ මධ්‍යස්ථානයට පැමිණ එන්නත් ලබා නොගෙන කාඩ්පත් පමණක් ලකුණු කරගෙන පිටව යමින් සිටි කාන්තාවන් තිදෙනෙකු සහ පිරිමි පුද්ගලයෙක් අද(09) දහවල් අත් අඩංගුවට ගත් බව ගාල්ල පොලිසිය පවසයි .

09 September 2021

18,147 ක් එකවර සුවය ලබා යති

කොවිඩ් ආසාදිත ප්‍රතිකාර ලැබූ තවත් රෝගීන් 18,147 ක් සුවය ලබා අද (9) රෝහලෙන් පිටව ගිය බව සෞඛ්‍ය අමාත්‍යාංශය පවසයි.

09 September 2021

නව මහවැලි කලාප දෙකක්

නව මහවැලි කලාප දෙකක් ප්‍රකාශයට පත්කිරීමට වාරිමාර්ග අමාත්‍යංශය පියවර ගෙන ඇත.

09 September 2021

කෝටි ගණනක අලාභයක් ගැන දුම්රිය වෘත්තිය සමිති ජනපතිට ලියයි

දුම්රිය දෙපාර්තමේන්තුව භාවිතයෙන් ඉවත් කල පරණ යකඩ මෙට්‍රික්ටොන් 3000 ක් හෙවත් කිලෝ ලක්ෂ 30 ක් රුපියල් කෝටි ගණනක අලාභයක් වන ආකාරයට විකිණීමට ප්‍රවාහන අමාත්‍යාංශයේ සහ දුම්රිය දෙපාර්තමේන්තුවේ බලධාරීන් පිරිසක් උත්සාහ කරන බවට දුම්රිය වෘත්තීය සමිති ජනාධිපති ගෝඨාභය රාජපක්ෂ මහතාට ලිඛිතව දැනුම්දී තිබේ.

09 September 2021

ස්විට්සර්ලන්තය සහ විදේශ සේවා නියුක්ති කාර්යංශය අතර ගිවිසුමක්

ශ්‍රී ලාංකික විගමනික ශ්‍රමිකයන්ගේ හා පවුල්වල අයිතිවාසිකම් ආරක්ෂා කිරීම, ප්‍රවර්ධනය කිරීම හා ආරක්ෂාව සහතික කිරීම සඳහා වූ වැඩසටහන් මෙරට ක්‍රියාත්මක කිරීමේ අවබෝධතා ගිවිසුමක්, විදේශ රැකියා ප්‍රවර්ධන හා වෙළඳපල විවිධාංගීකරණ රාජ්‍ය අමාත්‍ය පියංකර ජයරත්න මහතා හා මෙරට ස්විට්සර්ලන්ත තානාපති කාර්යාල ප්‍රධානි රාවුල් ඉම්බැච් මහතා (Raoul Imbach) අතර ගිවිසුමක් අස්සන් කරනු ලැබ ඇත.

09 September 2021

රට විවෘත කරන අයුරු ජ්‍යෙෂ්ඨ මහාචාර්ය අර්ජුන ද සිල්වා කියයි

කොවිඩ් ආසාදිතයන් වාර්තාවීම යම් පාලනයක් වු පසු රට දැඩි සෞඛ්‍යමය කොන්දේසි යටතේ විවෘත කිරීමට හැකි බව රාගම වෛද්‍ය පීඨයේ ජ්‍යෙෂ්ඨ මහාචාර්ය අර්ජුන ද සිල්වා මහතා ලංකාදීපයට පවසයි.

09 September 2021

බේරුවල මත්කුඩු සිද්ධියේ ප්‍රධාන සැකකරු අත්අඩංගුවට

හෙරොයින් මත්කුඩු කිලෝ 288 ක පුමාණයක් සමග සැකකරුවන් පස් දෙනෙකු බේරුවල මුහුදේ දී අඩංගුවට ගැනීමේ සිද්ධියට අදාළ ව පොලිසිය මගහරිමින් සිටි ප්‍රධාන සැකකරුවකු වන කළුදුර චමින්ද තාබ්‍රෙව් හෙවත් ’’බොබ්මාලි’’ (41) නැමැත්තා ඇල්පිටිය නගරයට ආසන්න නිවසක කැටපළ ප්‍රදේශයේ නිවසක සැඟව සිටියදී අද (9) අලුයම පොලිස් මත්ද්‍රව්‍ය නාශක කාර්යාංශයේ කණ්ඩායමක් මගින් අත්අඩංගුවට ගෙන ඇති බව පොලිසිය කියයි .

09 September 2021

බහිරවයින් ගිල්ල ජන වසම ඉඩම් ගැන හොයන්න අධිබල කමිටුවක්

ජනතා වතු සංවර්ධන මණ්ඩලයට අයත් ඉඩම් කොටස් 200කට අධික ප්‍රමාණයක් අයථා ලෙස බදු දීම සහ අනවසරයෙන් අල්ලා ගැනිමක් සම්බන්ධයෙන් පරීක්ෂා කිරීම සඳහා පූර්ණ බලැති කමිටුවක් පත් කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

09 September 2021

ගම්පහ මාර්ග 15ක් අලුත් වෙයි

ගම්පහ නගරයේ සහ ඒ අවට රථවාහන තදබදය තිබෙන මාර්ග සියල්ලක්ම කඩිනමින් පුළුල් කරන්නැයි මහා මහාමාර්ග අමාත්‍ය ජොන්ස්ටන් ප්‍රනාන්දු මහතා අමාත්‍යාංශ ලේකම්වරයාට උපදෙස් ලබා දුන්නේ ය.

09 September 2021