එසැණ පුවත්

අද දවසේ කාලගුණය

බස්නාහිර, සබරගමුව, මධ්‍යම සහ වයඹ පළාත්වලත්, ගාල්ල සහ මාතර දිස්ත්‍රික්කවලත් අද (9) දිනයේදී විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

09 August 2021

ෆයිසර් එන්නත් ලක්ෂයක් කටුනායකට

ශ්‍රී ලංකාව මිලට ගත්, ඇමෙරිකාවේ නිෂ්පාදිත ’’ ෆයිසර් ’’ එන්නත් තවත් මාත්‍රා තවත් ලක්ෂයක් පමණ කටාර් ගුවන් සේවයේ ගුවන් යානයකින් අද දින අලුයම කටුනායක ගුවන් තොටුපළ වෙත රැගෙන ආ බව ගුවන්තොටුපොළ ආරංචි මාර්ග කියයි.

09 August 2021

නිරෝධායන නීති කැඩූ 130ක් දැලේ

නිරෝධායන නීති උල්ලංඝනය කිරීම සම්බන්ධයෙන් ගතවූ පැය 24 තුළ පුද්ගලයන් 130 ක් අත්අඩංගුවට ගත් බව පොලිසිය කියයි.

09 August 2021

ගුවන් හමුදා ගබඩාවෙන් ඇමෝනියා ඉස්සූ ගුවන් හමුදාවේ සිව් දෙනෙක් දැලේ

ගුවන් හමුදාවට අයත් කටුනායක පුපුරණ ද්‍රව්‍ය ගබඩාවෙන් ඇමෝනියා නයිට්‍රේට් නැමැති පුපුරන ද්‍රව්‍ය සොරා ගැනීම සම්බන්ධයෙන් ගුවන් හමුදා සැරයන්වරයකු,නාවික හමුදා සුළු නිලධාරියකු ඇතුළු සිව්දෙනකු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

09 August 2021

තෙවැනි මාත්‍රාවකට ජනපතිගෙන් උපදෙස්

ජනතාවට තෙවැනි එන්නතක්(බූස්ටර්) අවශ්‍ය නම් ඒ සඳහා අවශ්‍ය කටයුතු සූදානම් කරන්නැයි ජනාධිපතිවරයා උපදෙස් දී ඇති බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පැවසීය.

08 August 2021

කාබනික පොහොර දෙන්න පෙර පස පිරික්සයි

මහ කන්නය සඳහා අවශ්‍ය කාබනික පොහොර ගොවි ජනතාවට ලබා දීම සඳහා සිදු කරන පාංශු පරීක්ෂණ කටයුතු ලබන සතියේ සිට ආරම්භ කරන බව කෘෂිකර්ම දෙපාර්තුමේන්තුව සඳහන් කර සිටී.

08 August 2021

ආසාදිතයන් තවත් 726ක් වාර්තා වෙයි

කොවිඩ් -19 වයිරසය ආසාදනය වූ තවත් 726 දෙනකු අද (8) හඳුනාගත් බව සෞඛ්‍ය අංශ පවසයි.

08 August 2021

කොරෝනා මරණ 94ක් වාර්තා වෙයි

කොවිඩ් ආසාදිතවූ තවත් 94 දෙනකු ඊයේ (7) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (8) තහවුරු කර ඇත.

08 August 2021

නෙළුව නගරය දින දෙකක් වහයි

නෙළුව පොලිස් බල ප්‍රදේශය තුල කොවිඩ් ආසාදිතයින්ගේ සංඛ්‍යාව ඉහල යාම නිසා හෙට(09) සිට 11 වනදින දක්වා දින තුනක් නෙළුව නගරයේ සියලුම වෙළඳසල් වසා දැමිමට තිරණය කල බව නෙළුව වෙළඳ සංගමයේ සභාපති ඉහල ගමගේ අජිත් මහතා පවසයි.

08 August 2021

කොරෝනා ආසාදිතයන් 2230ක් වාර්තා වෙයි

කොවිඩ් ආසාදිත රෝගීන් තවත් 2,230 දෙනකු අද (8) හඳුනාගත් බව සෞඛ්‍ය අංශ පවසයි.

08 August 2021

එන්නත් සටන දිගටම

කොරෝනා මර්දන එන්නත් ලබාගැනීම සඳහා කොළඹ විහාරමහාදේවි උද්‍යානය සහ කොළඹ නගරයේ ස්ථාන කීපයකම අද දවසපුරා දිගු පොලිම් දක්නට ඇතැයි අප වාර්තා කරුවෝ පවසති.

08 August 2021

පානදුර රෝහලට ශීතාගාරයක්

පවතින කොරෝනා වසංගත තත්ත්වය හමුවේ මියයන පුද්ගලයන්ගේ මළසිරුරු තැන්පත් කිරීම සඳහා අවශ්‍ය ශීතාගාරයක් පානදුර මූලික රෝහල වෙත පරිත්‍යාග කිරීම එම ප්‍රදේශයේ දානපතිනියක් වන සන්ධ්‍යා සල්ගාදු මහත්මිය මූලිකව අද සිදුවිණි.

08 August 2021

60ට වැඩි අයට එන්නත් දෙන්න දින තුනක්

කෝවිඩ් එන්නතේ ප්‍රථම මාත්‍රාව නොගත් බස්නාහිර පළාතේ වයස අවුරුදු 60 වැඩි හා බරපතල රෝගාබාධ ඇති ජනයාට ලබන අඟහරුවාදා සිට තුනක් තුළ එන්නත් ලබාදෙන බව සෞඛ්‍ය අමාත්‍යංශය කියයි.

08 August 2021

ආරාලි දූපතේ දී දිවි පිදූ විරෝවෝ සමරති

1992 අගෝස්තු 08 වැනිදා යාපනය ආරාලි තුඩුවේ දි එල්ටීටීඊ අධිපීඩන බෝම්බයකට ගොදුරු වී ජීවිතක්ෂයට පත් වූ ලුතිතන් ජෙනරල් ඩෙන්සිල් කොබ්බෑකඩුව ඇතුළු රණවිරුවන්ගේ 29 වැනි ගුණානුස්මරණ උත්සවය ආරක්ෂක මාණ්ඩලික ප්‍රධානී, යුද හමුදාධිපති ජෙනරාල් ශවේන්ද්‍ර සිල්වාගේ ප්‍රධානත්වයෙන් දැඩි සෞඛ්‍ය ආරක්ෂිත ක්‍රම අනුගමනය කරමින් අනුකූලව අරාලි තුඩුවේදී අද පැවැත්විණි.

08 August 2021

සතොසේ සීනි මෙට්‍රික්ටොන් 37ක් හොරා කලා

වෙන්නප්පුව කොස්ගස්හන්දිය සතොස ශාඛාවේ සීනි මෙට්‍රික්ටොන් 37 ක සොරකමක් සම්බන්ධයෙන් එම ශාඛාවේ කළමනාකාරිනිය අත්අඩංගුවට ගෙන ඇති බව සතොස උසස් නිලධාරියෙක් පැවැසීය.

08 August 2021

මල්වර උත්සවයකට ආ පිරිසක් පන්නා දමයි

සෞඛ්‍ය උපදෙස් උල්ලංගණය කරමින් අහංගම ප්‍රදේශයේ අද (8) පැවැත්වෙමින් තිබු මල්වර උත්සවයක් තහනම් කළ බව අහංගම මහජන සෞඛ්‍ය පරික්ෂක එම් පී ගයාන් අසංක මහතා පවසයි.

08 August 2021

‘‘ගෑස් හිඟයක් ඇති වෙන්නේ නෑ‘‘

රට තුළ කිසිම ගෑස් අර්බුධයක් ඇතිවන්නේ නැහැ. රටට අවශ්‍ය ගෑස් සැපයීමට අපට හැකියාව තිබෙනවා. ඒ සදහා අවශ්‍ය කරන මූල්‍ය ප‍්‍රතිපාදන අප සතුව පවතිනවා යැයි ලිට්ට්‍රෝ ගෑස් සමාගමේ සභාපති තෙෂාර ජයසිංහ මහතා පවසයි.

08 August 2021

ලංකා වතු සේවා සංගමයෙන් නිවේදනයක්

නිදහස් අධ්‍යාපනය උදෙසා සිසු ජන ව්‍යාපාරය පාර්ලිමේන්තු පිවිසුම අසළ පැවැත්වූ උද්ඝෝෂණයට සහභාගි වූ ලංකා වතු සේවා සංගමයේ සභාපති චතුර සමරසිංහ මහතා පසු පස පොලිසිය හඹායෑම තරගයේ හෙලාදකින බවත් වාහාම එම ක්‍රියාවලිය නතර කරන ලෙසත් එම සංගමයේ නියෝජ්‍ය සභාපති රියෙන්සි විජේමාන්න මහතා ප්‍රවෘත්ති නිවේදනයක් නිකුත් කරමින් පවසයි.

08 August 2021

දුම්රිය ප්‍රධාන පාලන අංශයටත් කොරෝනා

කොළඹ ප්‍රධාන දුම්රිය පාලන කාර්යාලය තුළ කොරෝනා වයිරසය පැතිර යාම නිසා එම කාර්යාලයේ සේවයට අද දින පැමිණීමට නියමිතව සිට පාලකවරුන් සේවයට වාර්තා කිරීමට අකමැති වීම නිසා නියෝජ්‍ය ගමනා ගමන අධිකාරි සහ සහකාර ප්‍රවාහන අධිකාරිවරුන්ගේ එහි පාලන කටයුතු බාර ගත් බව දුම්රිය දෙපාර්තමේන්තුව කියයි.

08 August 2021

සෞඛ්‍ය සේවකයන්ට ’’ බූස්ටර්’’ එන්නතක්

සෞඛ්‍ය සේවකයන්ට තෙවැනි එන්නතක් (බූස්ටර් ) ලබාදීමට විශේෂ අවධානය යොමුවී ඇතැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අසේල ගුණවර්ධන මහතා පවසයි.

08 August 2021

දෙල්ගොඩ පිපිරීමකින් පියාත් දියණියත් රෝහලට

දෙල්ගොඩ නාරංවල ප්‍රදේශයේ‍ෙ ගෙබිමක් පිරවීම සදහා පස් ප්‍රවාහනය කළ ලොරි රථයක් එම ගෙවත්තට ඇතුල් කිරීමෙිිදී එම මිදුලේ තිබු යමක් පුපුරා යෑමෙන් ගෙහිමි පුද්ගලයා සහ ඔහුගේ හත් හැවිරිදි දියණිය බරපතළ තුවාල ලබා ලබා රාගම රෝහලට ඇතුලත් කර ඇති බව මීගහවත්ත පොලීසිය පවසයි .

08 August 2021

‘‘කෝවිඩ් මරණවලට කොරෝනා මර්දන බළකාය වගකිව යුතුයි‘‘

වර්තමානයේ සිදුවන මරණවලට කොරෝනා මර්දන බලකාය වගකිව යුතු යැයි හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා විශේෂ ප්‍රකාශයක් කරමින් පවසයි.

08 August 2021

බණ්ඩාරගමින් රෝගීන් 197

බණ්ඩාරගම සෞඛ්‍ය වෛද්‍ය නිලධාරී ප්‍රදේශයෙන් අද 8 වාර්තාව වූ නව කොරෝනා ආසාදිතයන් 197 ත් සමග සෞඛ්‍ය වෛද්‍ය නිලධාරී ප්‍රදේශයෙන් වාර්තා වූ රෝගීන් ප්‍රමාණය 3106 දක්වා ඉහළ ගොස් ඇතැයි එම කාර්යාලයේ ප්‍රකාශකයෙක් පැවසීය

08 August 2021

ප්‍රතිකාර කටයුතුවලට ත්‍රිවිධ හමුදාවත්

කොවිඩ් රෝගීන් යම් ආකාරයකට ඉදිරියේදී වැඩිවුවහොත් ප්‍රතිකාර කටයුතු සහ ඒවාට සහාය දීම සඳහා ත්‍රිවිධ හමුදාවේ සාමාජිකයන්, සෞඛ්‍ය අංශයේ විශ්‍රාමික නිලධාරීන් සහ පෞද්ගලික අංශ සෞඛ්‍ය කාර්ය මණ්ඩල සාමාජිකයන් ඇතුළු කණ්ඩායම් අනියුක්ත කරගැනීමට පියවර ගන්නා බව සෞඛ්‍ය අමාත්‍යංශයේ මාධ්‍ය ප්‍රකාශක නියෝජ්‍ය සෞඛ්‍ය සේවා අධ්‍යක්ෂ ජනරාල් ,විශේෂඥ වෛද්‍ය හේමන්ත හේරත් මහතා පවසයි.

08 August 2021

තැපෑලේ වැඩ දින හතරකට සීමා වෙයි

කොරෝනා අවදානම් තත්වය හමුවේ ශ්‍රී ලංකා තැපැල් දෙපාර්තමේන්තුවේ කටයුතු සතියේ දින හතරකට සීමා කළ බව තැපැල්පති රංජිත් ආරියරත්න මහතා පවසයි.

08 August 2021

පෙම්වතියත් දියණියත් ඝාතනය කළ නරුමයා අල්ලයි

වව්නියාව මරදන්කුලම් මුරුගන්ඌර් ප්‍රදේශයේදී නිවසක් තුළ දී මාස 06 ක් වයසැති දියණිය සහ පෙම්වතියගේ ගෙල මිරිකා ඝාතනය කොට නිවසේම පුලුස්සා දැමූ පුදගලයකු වසර 06 කට පසුව අද අත්අත්අඩංගුව ගත් බවට වව්නියාව කොට්ඨාශ අපරාධ විමර්ශන අංශය පවසයි.

08 August 2021

කඵතර ගොඩගැසුණු කොවිඩ් සිරුරු ආදාහනයට

කළුතර මහ රෝහලේ සහ පානදුර මූලික රෝහලේ ගොඩගැසී තිබූ ‘කොවිඩ්’ ආසාදිතව මියගිය පුද්ගලයන්ගේ මල සිරුරු ආදාහනය ආරම්භ කළ බව කළුතර ප්‍රාදේශීය සෞඛ්‍ය සේවා අධ්‍යක්‍ෂ වෛද්‍ය උදය රත්නායක මහතා පැවසීය.

08 August 2021

පවුල් සෞඛ්‍ය නිලධාරිනියන් 600කට කොරෝනා

පවුල් සෞඛ්‍ය නිලධාරිනියන් 600 කට ආසන්න සංඛ්‍යාවක් මේ වන විටිකොවිඩ් 19’ ආසාදනය වී සිටින බව රජයේ පවුල් සෞඛ්‍ය සේවා සංගමයේ සභාපතිනී දේවිකා කොඩිතුවක්කු මහත්මිය පැවසුවාය.

08 August 2021