එසැණ පුවත්

මැතිසබේ හෙදියන්ටත් නිල ඇඳුම

නියමිත නිල ඇඳුමින් සැරසී රාජකාරි කරන ලෙස කතානායක වෛද්‍ය ජගත් වික්‍රමරත්න මහතා පාර්ලිමේන්තු වෛද්‍ය මධ්‍යස්ථානයේ හෙද නිලධාරීන් සහ නිලධාරිනියන්ට නියෝග කර ඇත.

28 March 2025

බීලා බස් එළවූ රියැදුරාට ජීවිතාන්තය දක්වා බලපත්‍රය අවලංගු කරයි

මත්පැන් පානයකොට පෞද්ගලික බස් රථයක මගීන් ප්‍රවාහනය කළ රියදුරකුගේ රියදුරු බලපත්‍රය ජීවිතාන්තය දක්වා අවලංගු කරන ලෙස පානදුර ප්‍රධාන මහේස්ත්‍රාත් චම්පික රාජපක්ෂ මහතා අද නියම කළේය.

27 March 2025

හොඳ ආහාර වේලක් දෙන්න රජයෙන් ආපන ශාලා

ජනතාවගේ ආහාර සුරක්ෂිතතාව ඇති කිරීම සහ ගුණාත්මක හා ප්‍රමාණවත් ආහාර වේලක් සාධාරණ මිලට ලබා ගැනීමේ අවස්ථාව සලසා දීම සඳහා දිවයින පුරා නව ආපනශාලා ස්ථාපිත කිරීමේ වැඩසටහනක් ක්‍රියාත්මක කිරිමට රජය සැලසුම් කර තිබේ.

27 March 2025

දරුවන් මතින් බේරන්න රජය මැදිහත් වෙනවා

පාසල් දරුවන් හා තරුණයින් මත්ද්‍රව්‍ය වලට ඇබ්බැහි වීම වලක්වා ගැනීමටත්, ඇබ්බැහි වූවන් ඉන් මුදවා ගැනීමටත් රජයක් ලෙස අවශ්‍ය මැදිහත්වීම සිදුකරන බව ක්‍රීඩා හා තරුණ කටයුතු අමාත්‍ය සුනිල් කුමාර ගමගේ මහතා පැවසීය.

27 March 2025

අනතුරින් සිව් හැවිරිදි දරුවා මරුට

පාදුක්ක - කොළඹ මාර්ගයේ ලියන්වල හන්දිය ආසන්නයේදී ලොරි රථයක් , යතුරු පැදියක පිටුපස ගැටී අද (27) සිදු වූ අනතුරකින් යතුරු පැදියෙහි ගමන් ගත් සිව් හැවිරිදි පිරිමි දරුවෙකු මියගොස් ඇතැයි පාදුක්ක පොලිසිය පවසයි.

27 March 2025

‘කුෂ්‘ සමඟ විදෙස් යුවළක් ගුවන්තොටේදී අල්ලයි

රුපියල් කෝටි දෙකක් වටිනා කුෂ් මත්ද්‍රව්‍ය තොගයක් , රැගෙන කටුනායක ගුවන් තොටුපොළට කුඩා දරුවෙකු ද සමඟ පැමිණි ඉන්දීය ජාතික යුවළක් අද (27) රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .

27 March 2025

පුංචි ඡන්දයේ තැපැල් ඡන්ද සළකුණු කිරීම 22 වැනිදා සිට

එළඹෙන පළාත් පාලන ආයතන මැතිවරණයේ තැපැල් ඡන්දය සලකුණු කිරීම අප්‍රේල් මස 22 වැනිදා ආරම්භ කරන බව මැතිවරණ කොමිසම පැවසීය.

27 March 2025

වෑන් රිය පෙරැළී 8ක් රෝහලට

ඇඹිලිපිටිය සිට බලන්ගොඩ හරහා බදුල්ල දෙසට ධාවනය වෙමින් තිබූ වෑන් රථයක් අද (27) පස්වරුවේ හල්දුම්මුල්ල පුස්සැල්ල ප්‍රදේශයේදී පාරෙන් ඉවතට පැන අඩි 30ක පමණ ප්‍රපාතයකට පෙරැළීමෙන් එහි ගමන් ගත් කුඩා දරුවන් දෙදෙනකු, කාන්තාවන් පස්දෙනෙකු ඇතුළු අට දෙනකු තුවාල ලබා රෝහල්ගත කර තිබේ.

27 March 2025

ඌව මන්ත්‍රි චාමර රිමාන්ඩ්

ඌව පළාත් සභාව මගින් ජාතික ඉතිරි කිරීමේ බැංකුවේ පවත්වාගෙන ගිය ගිණුම් හයක මුදල් කල්පිරීමට පෙර ලබා ගැනීමෙන් රජයට රුපියල් ලක්ෂ 173ක පඩුවක් කළැයි කියන සිද්ධියකට අත්අඩංගුවට ගත් පාර්ලිමේන්තු මන්ත්‍රී චාමර සම්පත් දසනායක ලබන 1 දක්වා රිමාන්ඩ් බාරයේ තබන්නැයි කොළඹ ප්‍රධාන මහේස්ත්‍රාත් තනුජා ලක්මාලි මහත්මිය අද නියෝග කළාය.

27 March 2025

ජාත්‍යන්තර රතු කුරුසය නියෝජිතයෝ කතානායක හමු වෙති

ජාත්‍යන්තර රතු කුරුස කමිටුවේ (ICRC) නියෝජිතයන් පිරිසක් සහ කථානායක වෛද්‍ය ජගත් වික්‍රමරත්න මහතා අතර හමුවක් පාර්ලිමේන්තු පරිශ්‍රයේදී පැවැත්විණි.

27 March 2025

රණවිරුවන්ට සම්බාධක පැනවීම ගැන ආණ්ඩුවෙන් ‘පතෝල’ පිළිතුරක්

බ්‍රිතාන්‍ය ආණ්ඩුව දෙමළ බෙදුම්වාදින්ගේ ඡන්ද කුට්ටිය ඉලක්ක කරගෙන මෙරට රණවිරුවන්ට පැනවූ තහනම සම්බන්ධයෙන් විදෙස් ඇමති විජිත හේරත් මහතා දී ඇති පිළිතුර ‘පතෝල’ පිළිතුරක් ලෙස දකින බව පිවිතුරු හෙළ උරුමය නායක නීතිඥ උදය ගම්මන්පිල මහතා අද (27) පැවසීය.

27 March 2025

බන්ධනාගාර නිලධාරී අරක්ෂාව තහවුරු කරනවා

බන්ධනාගාර නිලධාරීන්ට පවතින ජීවිත තර්ජන පිළිබදව රජයේ අවධානය යොමුව තිබෙන බව අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතා පැවසීය.

27 March 2025

’’අනුර ජනාධිපති වූ පසු ගම අමතක කරලා’’

නිර්ධන පන්තිය නියෝජනය කළ අනුර කුමාර දිසානායක ජනාධිපති වූ පසු නිර්ධන පන්තිය අමතක කර ඇතැයි විපක්ෂ නායක සජිත් ප්‍රේමදාස මහතා පැවසීය.

27 March 2025

ජුලී චන්ග් සිරිකොතට

ශ්‍රී ලංකාවේ ඇමරිකා තනාපතිනී ජුලී චන්ග් (Julie Chung) මහත්මිය අද(27) පිටකෝට්ටේ සිරිකොත එක්සත් ජාතික පක්ෂ මූලස්ථානයට පැමිණ එජාප නිලධාරීන් හමු වූවාය.

27 March 2025

‘සෝලා’ ගෙවීම් අඩු කිරීමෙන් රට විදුලි අර්බුදයකට වැටෙනවා

වහළය මත ඉදිරි කරන ‘සෝලා’ පද්ධති වෙනුවෙන් කරන ගෙවීම් මුදල අඩු කිරීමට ආණ්ඩුව ගෙන ඇති තීරණය හිතකර නොවන බවත් මෙම තීරණයත් සමඟ ලබන වසර වන විට විශාල බලශක්ති අර්බුදයකට මුහුණ දීමට සිදුවන බවත් හිටපු විදුලිබල රාජ්‍ය අමාත්‍ය ඉන්දික අනුරුද්ධ මහතා අද (27) පැවසීය.

27 March 2025

තායිලන්ත තානාපති සුව ඇමති හමු වෙයි

මෙරට තායිලන්ත තානාපති පයිටුන් මහපන්නපොන් (Paitoon Mahapannaporn) මහතා සහ සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අතර හමුවක් සෞඛ්‍ය හා ජනමාධ්‍ය අමාත්‍යාංශයේ දී සිදු විය.

27 March 2025

පුංචි ඡන්දෙ වියදම් සීමා එළියට

පළාත් පාලන ආයතන මැතිවරණයට අදාළව අපේක්ෂකයෙකුට ඡන්ද දායකයකු වෙනුවෙන් වැය කළ හැකි උපරිම මුදල සඳහන් කරමින් මැතිවරණ කොම්ෂන් සභාව විසින් අද ගැසට් නිවේදනයක් නිකුත් කරනු ලැබීය

27 March 2025

බදුල්ල මන්ත්‍රි චාමර සම්පත් අත්අඩංගුවට

බදුල්ල දිස්ත්‍රික් පාර්ලිමේන්තු මන්ත්‍රි චාමර සම්පත් දසනායක මහතා මීට සුළු වේලාවකට පෙර අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

27 March 2025

ජාතික ගමනාගමන කොමිසමේ සභාපති අස්වෙයි

ජාතික ගමනාගමන කොමිෂන් සභාවේ සභාපති ආචාර්ය බන්දුර දිලීප විතාරණ මහතා සභාපති ධූරයෙන් ඉල්ලා අස්වීමේ ලිපිය ප්‍රවාහන අමාත්‍යංශයේ ලේකම්වරයා වෙත යොමුකර ඇතැයි එම අමාත්‍යංශයේ උසස් නිලධාරියෙක් පැවසීය.

27 March 2025

ඩෙංගු මඩින්න ඩ්‍රෝන මෙහෙයුමක්

ඩෙංගු මදුරුවන් බෝවන ස්ථාන ඩ්‍රෝන තාක්ෂණය යොදා ගනිමින් හඳුනා ගැනීමේ මෙහෙයුමක් නුගේගොඩදී අද ආරම්භ විය.

27 March 2025

දෙවුන්දර වෙඩි තැබීමට 4ක් අත්අඩංගුවට

දෙවුන්දර පුද්ගලයන් දෙදෙනකු වෙඩි තබා ඝාතනය කිරීමේ සිද්ධියට සම්බන්ධ සැකකරුවන් 4 දෙනකු වෙන්නප්පුව ප්‍රදේශයේ පලා යමින් සිටියදී අත්අඩංගුවට ගත් බව පොලිසිය පවසයි.

27 March 2025

වීදාගම වැවේ සොරව්වේ දොර ඔසවනය සොරාගෙන ගිහින්

බණ්ඩාරගම වීදාගම වැවේ සොරොව්දොර විවෘත කිරීමට යොදාගන්නා දොර ඔසවනය කිසියම් පුද්ගලයකු සොරාගෙන යාම හේතුවෙන් එම ප්‍රදේශයේ ගොවි ජනතාවක් දැඩි අපහසුතාවයකට පත්ව ඇතැයි කියති.

27 March 2025

විනිසුරු දෙපොළක් ක්‍රිෂ් නඩුවෙන් ඉවත් වෙති

ක්‍රිෂ් ගනුදෙනුව සම්බන්ධයෙන් පාර්ලිමේන්තු මන්ත්‍රී නාමල් රාජපක්ෂ මහතාට එරෙහිව නඩුව විභාගයෙන් ඉවත් වන බවට කොළඹ මහාධිකරණ විනිසුරුවරුන් දෙපලක් අද (27) දැනුම් දුන්නේය.

27 March 2025

මාළු ලොරිය අස්සේ බී.ඩි කොළ

ඉන්දියාවේ සිට නීති විරෝධි අයුරින් මෙරටට ගෙන්වු රුපියල් මිලියන නවයකට අධික වටිනා කමින් යුත් බීඩි කොළ කිලෝ 1,115 සමඟ පුද්ගලයින් දෙදෙනකු මන්නාරම මුරුණ්කන් හීදි අත්අඩංගුවටගත් බව මන්නාරම විශේෂ කාර්ය බලකාය පවසයි.

27 March 2025

ජීප් රියක් නානුඔයට පෙරැළෙයි

ගිනිගත්හේනේ සිට බදුල්ල දක්වා ධාවනය වූ ජීප් රථයක් මාර්ගයෙන් ඉවතට පැන නුවරඑළියේ සිට කොත්මලේ ජලාශයට ජලය ගලා බසිනා නානුඔය ඔයට පෙරැළිමෙන් එහි සිටි දෙදෙනෙකු තුවාල ලබා නුවරඑලිය දිස්ත්‍රික් මහ රෝහලට අද (27) ඇතුළත් කර ඇති බව නානුඔය පොලිසිය පැවසීය.

27 March 2025

බවුසරය පෙරැළී රියදුරු-රිය සහායක මරුට

කලවාන - මතුගම මාර්ගයේ අම්බලමහේන ප්‍රදේශයේදී ඊයේ (26) රාත්‍රී රබර් කිරි බවුසරයක් පෙරෙැළී අනතුරකට ලක්වීමෙන් එහි රියදුරු සහ රිය සහායක මිය ගොස් තවත් පුද්ගලයෙක් තුවාල ලබා රෝහල්ගත කර ඇතැයි කලවාන පොලීසිය කියයි.

27 March 2025

ප්‍රා.සභා තුනක නාමයෝජනා භාරගැනීම අදින් අවසන්

මන්නාරම, පුනාකරී සහ දෙහිඅත්තකණ්ඩිය ප්‍රාදේශීය සභා සඳහා පැවැත්වෙන ජන්ද විමසීමට අදාළ නාමයෝජනා භාරගැනීම අද (27) දහවල් 12 ට අවසන් කෙරෙන බව මැතිවරණ කොමිෂන් සභාව සදහන් කරයි.

27 March 2025

රිය අනතුරින් පාසල් සිසුන් ඇතුළු 15ක් රෝහලට

හොරණ රත්නපුර මාර්ගයේ ඉංගිරිය දිස්ත්‍රික් රෝහල අසලදී පෞද්ගලික බස් රථයක් සහ කුඩා ලොරියක් මුහුණට මුහුණ ගැටී සිදුවූ අනතුරින් පාසල් සිසුන් ඇතුළු 15 දෙනෙකුට ආසන්න පිරිසක් තුවාල ලබා රෝහල් ගත කර ඇතැයි ඉංගිරිය ‍පොලිසියකියයි.

27 March 2025