(ඩයනා උදයංගනී)
දිවයිනේ පළාත් 8ක දිස්ත්රික්ක 14කට බලපා ඇති වියළි කාලගුණ තත්ත්වය හේතුවෙන් මේ වන විට පවුල් 99,226කට අයත් පුද්ගලයින් 4,07,672 දෙනෙකු පීඩාවට පත්ව සිටින බව ආපදා කළමනාකරණ මධ්යස්ථානය පවසයි.
ඒ අනුව ඌව පළාතට හැර දිවයිනේ සෙසු සියලූ පළාත්වලට මෙහි බලපෑම එල්ල වී තිබේ.
කෑගල්ල, අම්පාර, පුත්තලම, කුරුණෑගල, වව්නියාව, යාපනය, මන්නාරම, මාතලේ, මහනුවර, මාතර, ගම්පහ, කළුතර, පොළොන්නරුව සහ අම්පාර යන දිස්ත්රික්කයන්හි ප්රාදේශීය ලේකම් කොට්ඨාශ 59ක ජනතාව මෙලෙස පීඩාවට පත්ව සිටින බව එම මධ්යස්ථානයේ සහකාර අධ්යක්ෂ (මාධ්ය) ප්රදීප් කොඩිප්පිලි මහතා සඳහන් කළේය.
මින් වැඩිම පීඩාවක් එල්ල වී ඇත්තේ බස්නාහිර සහ උතුරු පළාත්වලට වන අතර බස්නාහිර පළාතේ ගම්පහ සහ කළුතර දිස්ත්රික්කයන්හි පවුල් 46,584කට අයත් 2,21,659 දෙනෙක් සහ උතුරු පළාතේ වව්නියාව, යාපනය සහ මන්නාරම දිස්ත්රික්කවල පවුල් 24,207කට අයත් 84,656 දෙනෙක් පීඩාවට පත්ව සිටින බව ඔහු පැවසීය.
විශේෂයෙන් කළුතර දිස්ත්රික්කයට දැඩි බලපෑමක් එල්ල වී ඇත්තේ කළු ගඟෙහි ජල මට්ටම පහළයාමත් සමඟ එයට ලවණ මිශ්රවීම හේතුවෙන් බව ද කොඩිප්පිලි මහතා සඳහන් කළේය.
මීට අමතරව වයඹ පළාතේ පුත්තලම සහ කුරුණෑගල දිස්ත්රික්කයන්හි පවුල් 11,272කට අයත් 39,432ක්, මධ්යම පළාතේ මාතලේ සහ මහනුවර දිස්ත්රික්කවල පවුල් 9,160කට අයත් 33,081 දෙනෙක්, නැගෙනහිර පළාතේ අම්පාර දිස්ත්රික්කයේ පවුල් 3,797කට අයත් 13,557 දෙනෙක්, උතුරුමැද පළාතේ පොළොන්නරුව දිස්ත්රික්කයේ පවුල් 2,028කට අයත් 7,367 දෙනෙක්, සබරගමුව පළාතේ කෑගල්ල දිස්ත්රික්කයේ පවුල් 1523කට අයත් 5,523 දෙනෙක් සහ දකුණු පළාතේ මාතර දිස්ත්රික්කයේ පවුල් 647කට අයත් 3,397දෙනෙක් මෙලෙස පීඩාවට පත්ව සිටිති.
පීඩාවට පත් ජනතාවට පිරිසිඳු පානීය ජලය සැපයීම සඳහා ජල බවුසර් හා ජල ටැංකි යොදවා ඇති අතර දිස්ත්රික් ලේකම්වරුන් වෙත අවශ්ය මුදල් ප්රතිපාදන ද නිකුත් කර ඇතැයි ආපදා කළමනාකරණ අමාත්යාංශය පවසයි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
වියළි කාලගුණයෙන් ලක්ෂ 4කට වැඩි පිරිසක් පීඩාවට
ravi Tuesday, 09 April 2019 06:35 AM
කපාපු ගස් , කොලන් ටික තිබුණ නම් ... හෙවනක් වත් ලැබෙන්න තිබුණ නේද ?
Aslam Tuesday, 09 April 2019 08:01 AM
වැස්ස කියන්නේ දායාදයක්, පෙළක් අය එය වටහාගෙන නෑ, අද මුළු ලෝකයම කාලගුණ විපර්යාසයකට ලක්වෙලා, ප්රධාන හේතුව මිනිසුන්ගේ සිතුම් පැතුම්, ගනු දෙනු, උදව් පදව් පිරිහීම.