(පාලිත ආරියවංශ )
 
වැලිමඩ ප්‍රධාන බස්නැවතුම්පොළේ දී ලංගම බස් රථයකට යටවි බරපතල තුවාල ලැබූ 51 හැවිරිදි කාන්තාවක්  වැලිමඩ මූලික රෝහලට ඇතුළත් කිරීමෙන් පසු මිය ගිය බව  වැලිමඩ පොලිසිය පවසයි .

මෙසේ මියගොස් ඇත්තේ බොරන්ද ගොවිපලේ සේවය කළ අඹගස්දෝව  බලගල ,වැරැල්ලහින්න පදිංචිව සිටි වාරණදුරයලාගේ ඉන්ද්‍රා නමැති කාන්තාවකි. 

කැප්පිටිපොල ‍ඩිපෝවට අයත්   හපුතලේ - වැලිමඩ බසයෙන් පැමිණි ඇය බසයෙන් බැස ඉදිරියට යද්දි  එම බසයේම හැපී රියදුරු අසුන පැත්තේ රෝදයට යටවී මෙන් මෙම අනතුර සිදුව ඇති බවද පොලිසිය සඳහන් කරයි. 

අනතුර සිදුකළ බසය සමඟ එහි  රියදුරා සහ  කොන්දොස්තරවරයා අත්අඩංගුවට ගත් බවද පොලිසිය සඳහන් කරයි.

 
බණ්ඩාරවෙල පොලිස් අධිකාරි සුදත් මාසිංහ මහතාගේ උපදෙස් මත වැලිමඩ පොලිස් ස්ථානාධිපති එච්.එම්.ඩබ්ලිව් .හේරත් මහතාගේ මෙහෙයවීමෙන්  වැලිමඩ පොලිසිය වැඩිදුර විමර්ශන  සිදුකරයි.