(හිරාන් ප්‍රියංකර ජයසිංහ සහ රෝවන් පෙරේරා)

වනාතවිල්ලුවේ සිට කජු දර ප්‍රවාහනය කරන මුවාවෙන් ඒ තුළ සඟවා කොහොඹ දැව ප්‍රවාහනය කරමින් තිබූ ලොරි රථයක් අද ( 10 ) උදෑසන පුත්තලම විශේෂ කාර්ය බලකා නිලධාරීන් අත් අඩංගුවට ගෙන තිබේ.

පොලිස් මාර්ග බාධක පසුකරමින් පුත්තලම නගරය දෙසට ගමන් කරමින් තිබූ මෙම ලොරි රථය විශේෂ කාර්ය බලකා බුද්ධි අංශ වලට ලැබුණ තොරතුරක් මත අත්අඩංගුවට ගත්බව පුත්තලම විශේෂ කාර්ය බලකාය සඳහන් කළේය.

කොහොඹ දැව ප්‍රවාහනයට කිසිදු බලපත්‍රයක් පවා නොතිබු බවත් කජු දර සඳහා පමණක් බලපත්‍ර තිබූ බව විශේෂ කාර්ය බලකායේ නිලධාරියෙක් පැවසීය.

අදාල දැව තොගයේ වටිනාකම රුපියල් ලක්ෂයකට අධික බව එම නිලධාරියා කීය.

ඇදිරි නීතිය පවතින කාලයේ නීති විරෝධි අයුරින් මෙම කොහොඹ දැව ප්‍රවාහනය කර තිබුණි.

කොහොඹ දැව තොගය සමඟ ලොරි රථයේ රියදුරු හා සහයකයා අත් අඩංගුවට ගෙන ඇති අතර දැව තොගය හා ලොරි රථය පුත්තලම අඩවි වන සංරක්ෂණ කාර්යාලයට භාර දී තිබේ.