(නිමන්ති රණසිංහ)
 
බොරැල්ල රථවාහන අංශයේ ස්ථානාධිපතිවරයා රිය අනතුරකට ලක් කර තුවාල සිදු කිරීම සම්බන්ධයෙන් ඩිෆෙන්ඩර් රියේ රියදුරු ලෙස කටයුතු කළ නවිඳු ඔමේෂ් රත්නායක මාර්තු 11 වැනි දා තෙක් රිමාන්ඩ් කරන ලෙස කොළඹ  අතිරේක මහෙස්ත්‍රාත් ඉසුරු නෙත්තිකුමාර මහතා නියෝග කළේය.
 
ඩිෆෙන්ඩර් රියේ රියදුරුට මිනීමැරීමට තැත් කිරීම යන චෝදනාව ද ඉදිරිපත් කර තිබිණි.
 
මෙම සිද්ධිය සම්බන්ධයෙන් අත්අඩංගුවට ගත් සෙසු සැකකරුවන් එක් සැකකරුවකුට ලක්ෂ පහ බැගින්වූ ශරීර ඇප දෙකක් බැගින් වන පරිදි මුදා හැරීමට ද මහේස්ත්‍රාත්වරයා නියෝග කළේය.
 
එලෙස ඇප නියම වූයේ විසිත ශ්‍රී විජේසේකර, රන්සික බණ්ඩාර අලුත්ගමගේ, සේසිත රන්දීප ගුණදාස, වින්ද්‍යා විශ්වභාෂිනී වීරසිංහ, දුමින්ද සුදම්මික ආටිගල, කිරන් මැතිව්ද නීෂ්, දුලංජන චාමර දාබරේ යන සැකකරුවෝය.