නාලක සංජීව දහනායක
 
දියවැඩියා රෝගය වැළැක්වීමට උපකාරී වන නව වී ප‍්‍රභේදයක් හඳුන්වා දීමට කෘෂිකර්ම දෙපාර්තමේන්තුව පියවර ගෙන තිබේ.


නිරෝගා නමින් හැඳින්වෙන මෙම වී වර්ගයෙන් සකස් කෙරෙන සහල්වල අඩංගු අවම කාබෝහයිඩ්රේට් නිසාවෙන් රුධිරයේ අඩංගු සීනි ප‍්‍රමාණය අවම කර ගැනීමට හැකිවේ.


දියවැඩියා රෝගය සමස්ත ලෝකයටම බරපතල තර්ජනයක් වී ඇති අතර අප රටේ සෑම පුද්ගලයන් සිව් දෙනෙකුගෙන්ම එක් අයකු දියවැඩියා රෝගයෙන් පෙළෙති. එබැවින් මෙම වී වර්ගය ව්‍යාපාරික මට්ටමින් වගාකර එම සහල් විදේශ රටවලට පවා අපනයන කිරීමට අවශ්‍ය පියවර ගන්නා බව කෘෂිකර්ම අමාත්‍ය මහින්ද අමරවීර මහතා කීය. 


අම්බලන්තොට වී පර්යේෂණායතනය විසින් මෙම වී වර්ගය සම්බන්ධයෙන් පර්යේෂණ පවත්වා ඇත.