ජුඩ් සමන්ත

පුත්තලම  රජවිගම ප්‍රදේශයේ කුඩා දැරියකට හමුවූ බව කියන දඹ රන් බවට සැකකරන පිළිමයක් තම බාරයට ගෙන ඇති බව කරුවලගස්වැව පොලීසිය කියයි.

අද උදේ රජවිගම ග්‍රාම නිලධාරීවරයා විසින් මෙම පිළිමය පොලිසියට බාරදෙනු ලැබ ඇත.

අගල් 4 ක් පමණ උස මෙම පිළිමය ග්‍රෑම් 500 කට ආසන්න බරකින් යුක්ත බව කරුවලගස්වැව පොලීසියේ නිලධාරියෙක් පැවසීය.

කරුවලගස්වැව පොලිස් වසමේ රජවිගම ගම්මානයේ පදිංචි 11 හැවිරිදි දැරිවියකට පසුගිය 27 වැනිදා ගෙවත්තේ මල් පාත්තියේ තිබී මෙම පිළිමය හමුවී ඇති බව කියයි. මේ බව දැන ගෙන ඇති ගම්වාසීන්  ප්‍රදේශයේ ග්‍රාම නිලධාරීවරයාට මෙන්ම පොලිස් හදිසි ඇමතුම් අංශයටද දැණුම් දීමට කටයුතු කර ඇත‍.

ඒ අනුව රජවිගම ග්‍රාම නිලධාරීවරයා  පිළිමය බාරගෙන එය අද පොලීසිය වෙත ලබා දීමට කටයුතු කර ඇත.  මෙම පිළිමය නිධානයකින් ගත් එකක් බවට කිසිදු සළකුණක් නොමැති බව පොලීසිය කියයි.