(මනෝප්රිය ගුණසේකර)
කොරියාවේ රැකියා ලබා දෙන බව කියමින් ගොවියකුගෙන් රුපියල් 75,000 ක අල්ලසක් ලබා ගැනීමේ චෝදනාවන්ට වරදකරු වු රඹෑව ප්රාදේශිය සභාවේ හිටපු සභාපතිවරයාට කොළඹ මහාධිකරණ විනිසුරු ගිහාන් කුලතුංග මහතා බරපතල වැඩ සහිත වසර 13 ක සිර දඬුවමක් අද (03) නියම කළේය.
කිරි හරක් විකූණා මුදල් සොයා ගත් ගොවියෙකුගෙන් අල්ලස් ඉල්ලා ලබා ගත් මෙම විත්තිකරුට මහජන සේවය සඳහා බව පවසමින් දේශපාලනයට පිවිසෙන සෙසු දේශපාලනඥයින්ටද පාඩමක් වන අන්දමින් දඩුවම් නියම කරන්නැයි පැමිණිල්ල වෙනුවෙන් පෙනී සිටි අල්ලස් කොමිසමේ සහකාර අධ්යක්ෂ ජනරාල් නීතීඥ ගංගා හෙයියන්තුඩුව මහත්මිය ඉල්ලීමක් කර තිබිණී.
එම ඉල්ලීම පිළිගනිමින් විත්තිකරුට මෙලෙස දඩුවම් නියම කළ විනිසුරුවරයා මෙම සිරදඬුවම වසර 05ක කාලයක් තුළ ගෙවී යන ලෙස ක්රියාත්මක කිරීමටද නියම කළේය.ඊට අමතරව රුපියල් 40,000ක දඩයක් ගෙවීමටද නියම කෙරිණි.
මෙලෙස දඬුවම් නියම වුයේ රඹෑව ප්රාදේශිය සභාවේ හිටපු සභාපති රනිල් මාධව කමල්නිළමේ නමැත්තාටය.අල්ලස් කොමිසම විත්තිකරුට එරෙහිව චෝදනා තුනක් යටතේ නඩු පවරා තිබිණි.
ඉදිරිපත් වු සියලු කරුණු සළකා බැලූ විනිසුරුවරයා අල්ලස් ඉල්ලීමේ චෝදනාවට වසර 05ක බරපතල වැඩ සහිත සිරදඬුවමක්ද, අල්ලස් ලබා ගැනීම සම්බන්ධයෙන් පවරා තිබු චෝදනා දෙකට වසර 04 බැගින් වසර 08ක බරපතල වැඩ සහිත සිරදඬුවමක්ද නියම කළේය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ගොවියකුගෙන් අල්ලස් ගත්තැයි හිටපු ප්රා.සභාපති සිරගෙට
ravin Thursday, 03 August 2017 12:54 PM
දෙසපලුවෝ කවදද පාඩම් ඉගෙනගත්තේ. ලැජ්ජා නැති එවුන්. ප්රජා අයිතිය අහෝසිකර සියලු දේපල රාජසන්තක කලා නම් ටිකක් විතර තේරෙයි.
ratawassek Thursday, 03 August 2017 01:32 PM
අනේ පව් පොහොට්ටුව.