(සුජිත් හේවාජුලිගේ)

විවිධ ක්ෂේත්‍ර සඳහා තරුණ තරුණියන්  හැටදාහක් පමණ අලුතින් බඳවා ගැනීමට අපේක්ෂා කරන බව රාජ්‍ය පරිපාලන පළාත් සභා හා පළාත් පාලන අමාත්‍ය  ආචාර්ය චන්දන අබේරත්න මහතා පැවසීය.

පසුගිය අයවැයෙන් තිස්දහසකට රැකියා අවස්ථා ලබා දීමට යෝජනා කෙරිණ.

එම ප්‍රමාණය ඉක්මවා හැටදහසක පමණ රැකියා ප්‍රමාණයක් ලබාදීමට රජය තීරණය කර ඇති  බවද ඔහු සඳහන් කළේය.

මේ අතර කළමනාකරණ  සේවා පත්වීම් 1890ක් පසුගියදා  දුන් බව පැවසූ අමාත්‍යවරයා රට  පුරා තරග විභාග පවත්වා එම පත්වීම්  දුන් බවද ප්‍රකාශ කළේය.

තරග විභාගවලින් තොරව හිතවත් කම් මත රැකියා  නොදෙන බව චන්දන අබේරත්න මහතා වැඩිදුරටත් පැවසීය.