(ටී.කේ.ජී.කපිල )

ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි නොවී , නීතිවිරෝධී ලෙස බලපත්‍ර නොමැතිව රැකියා නියෝජිත ආයතනයක් පවත්වා ගෙන යමින් , ජපානයේ රැකියා සදහා යවන බව පවසා රුපියල් ලක්ෂ 14 ක් ලබා ගත් පුද්ගලයෙකු කටුනායක ගුවන් තොටුපොළ ආගමන විගමන නිලධාරීන් විසින් අත් අඩංගුවට ගෙන විදේශ සේවා නියුක්ති කාර්යාංශයේ නිලධාරීන් වෙත භාර දී තිබේ .

 මොහු අනුරාධපුරය ප්‍රදේශයේ පදිංචි 50 හැවිරිදි ව්‍යාපාරිකයෙකි .

මොහු එම ප්‍රදේශයේ තරුණයෙකු ජපානයේ රැකියා සදහා යවන බවට පවසා ඔහුගෙන් රුපියල් ලක්ෂ 14 ක මුදලක් වංචනිකව ලබා ගෙන තිබේ .

මේ පිළිබඳ එම තරුණයා ශ්‍රී ලංකා විදේශ සේවා නියුක්ති කාර්යාංශය වෙත පැමිණ පැමිණිළි කිරීමෙන් පසු මේ පිළිබඳ අනුරාධපුර මහේස්ත්‍රාත් අධිකරණය වෙත කරුණු වාර්තා කර , මොහුට එරෙහිව ගුවන් ගමන් තහනම් නියෝගයක් ලබා ගෙන තිබේ .