ශ්‍රී ලංකා යුද හමුදාවේ විදුලි යාන්ති‍්‍රක ඉංජිනේරු රෙජිමේන්තුව විසින් ශ්‍රී ලංකා යතුරුපැදි සංගමය සමග එක්ව තුන්වැනි වරටත් සංවිධානය කරනු ලබන ‘වලව සුපර්ක්‍රොස්’ තරගාවලිය ජූලි මස 07 වැනිදා උදෑසන 9.00 සිට උඩවලව, සෙවනගල යුද හමුදා ධාවන පථයේදී පැවැත්වේ.

දක්ෂතම මෝටර් රථ රියදුරා සහ දක්ෂතම යතුරුපැදි ධාවකයා තෝරා ගැනීම සඳහා වන තරගද ඇතුළත්ව තරග ඉසව් 25 කින් සමන්විත වන මෙවර තරගාවලියට යතුරුපැදි තරග 13 සහ මෝටර් රථ තරග 12 ඇතුළත්වේ.

තරගාවලියේ ප‍්‍රධාන අනුග‍්‍රාහකයන් වශයෙන් කෝස්වේ පේන්ට්ස් ආයතනය ඉදිරිපත් වී සිටින අතර සම අනුග‍්‍රහකයන් ලෙස ඞීමෝ ආයතනය, මහජන බැංකුව, හොණ්ඩා සමාගම සහ සියැට් ආයතනය කටයුතු කරති. තරගාවලියේ ආහාර පාන සඳහා අනුග‍්‍රාහය සපයන්නේ කාගීල්ස් සමාගම සහ කොකාකෝලා සමාගම විසිනි.

(ඡයාරූපය : සුමින්ද සුදර්ශන පතිරණ)

කෝස්වේ පේන්ට්ස් ආයතනය නියෝජනය කළ කිරිදරන් මහතා විසින් තරගාවලියේ අනුග‍්‍රාහක චෙක්පත කර්නල් දුමින්ද සිරිනාග මහතාට ප‍්‍රදානය කළ අයුරු.....