රුපියල් හතලිස් හය ලක්ෂ අසූ හත් දහස් දෙසිය පනස් හතරක් වටිනා සෞදි රියාල් තොගයක්  ගමන් මල්ලේ සඟවාගෙන  සෞදි අරාබියේ ජෙඩා නුවර බලා යාමට පැමිණි ශ්‍රී ලාංකිකයෙක් කටුනායක ජාත්‍යන්තර ගුවන් තොටුපොළේදී  රේගු නිලධාරීන් විසින් අත් අඩංගුවට ගත් බව රේගු මාධ්‍ය ප්‍රකාශක ලෙස්ලි ගාමිණී මහතා පැවසුවේය.

සැකකරු දෙමටගොඩ පදිංචි 54 හැවිරිදි ව්‍යාපාරිකයෙකි.

ඔහු ශ්‍රී ලංකන් ගුවන්සේවයට අයත් යු.එල් 281 දරණ ගුවන් යානයෙන් ජෙඩා නුවර බලා යාමට පැමිණ සිටියදී ගුවන්තොටුපොළ හා ගුවන් සේවා සමාගමේ  ආරක්ෂක නිලධාරීන් විසින් ලබා දුන් තොරතුරකට අනුව  අත් අඩංගුවට ගෙන ඇත.

සැකකරු  ලඟ තිබී සෞදි රියාල් එක් ලක්ෂ තිස් දහසක් සොයා ගත් බව රේගුව කියයි.

මේ පිළිබඳ විමර්ශණ කටයුතු  නියෝජ්‍ය රේගු අධ්‍යක්ෂක කේ.ජී.පී.පී කුමාර මහතාගේ මෙහෙයවීමෙන් රේගු අධිකාරී රෝහණ සේනාධීර, එල්.ඒ.ඩී.ෙජ් ගුණවර්ධන, සහකාර රේගු අධිකාරීවරුන් වන එම්.කේ මලල්ගොඩ, එම්.පී.පී චතුරංග, ආර්.ඒ.කේ සුමනසිරි, එම්.එම්. උවායිස්, එම්.ජී.සී ධම්මික, එස්.කේ.එස් චාමර, ඒ.ඩබ්ලිව්.කේ.ඊ  හබරාදුව යන නිලධාරීහු සිදු කරති.