(හිරාන් ප්‍රියංකර ජයසිංහ සහ පත්මා කුමාරි කංකානම්ගේ)

නොරෝච්චෝල නාවකාඩුව ප්‍රදේශය නවතා තිබු රථයක අද (28) කුකුල් අසුචි (පොහොර) ප්‍රවාහනය කරමින් තිබු ලොරි රථයක් පිටුපසින්  ගැටිමෙන් දෙදෙනකු මිය ගොස් තවත් දෙදෙනකු ප්‍රතිකාර සඳහා පුත්තලම මුලික රෝහලට ඇතුළත් කර ඇති බව නොරෝච්චෝල පොලිසිය පවසයි.

මෙලෙස මරණයට පත් ඇත්තේ මීගමුව දුන්ගල්පිටිය පදිංචි 15 හැවිරිදි තාරක කවිෂ තෙන්නකෝන් නැමති දරුවෙකු හා 72 හැවිරිදි දෙදරු පියකු වු රණසිංහගේ මයිකල් නම් අයෙකි.

මොවුන් ගමන් කල වෑන් රථයේ උඩ සවිකර තිබු බඩු රැගෙන යන ට්‍රැක් එක සෙලවිම හේතුවෙන් එය සකස් කිරීමට වාහනයෙන් බැස එය සකසමින් සිටියදී වෑන් නොරෝච්චෝල දෙසට කුකුල්  පොහොර ප්‍රවාහනය කරමින් තිබු ලොරි රථයක් රියදුරුගේ පාලනයෙන් මීදි වෑන් රථයෙ ගැටි ඇති බව කියයි.

අනතුර වන අවස්ථාවේදි වෑන් රථයේ 15 දෙනෙකු සිට ඇති බවත් ඔවුන්ගේ දස දෙනෙකුට ආසන්න පිරිසක් සුළු තුවාල සිදුව තිබු බවද කියයි.

වෑන් රථය අනතුරීන් ඇදි ගොස් නැවති තිබු ස්ථාන ගැඹුරු ජලය පිරි අගලක් තිබු ඇතත් වෑන් රථයේ සිටි පිරිස මහත් පරිශ්‍රමයකින් එළියට පැමිණ ඇති බව කියයි.

අනතුරීන් තුවාල ලැබු පිරිස අතර ලොරි රථයේ රියදුරුද බරපතල තත්වයෙන් පුත්තලම මූලික රෝහලේ පථිකාර ලබමින් සිටින බව පොලිසිය කියයි.

අනතුර සම්බන්ධව නොරෝච්චෝල පොලිසිය පරික්ෂණ ආරම්භ කර ඇත.