(මනෝප්‍රිය ගුණසේකර)

ඇමැතිවරයකු ලෙස කටයුතු කළ වසර හතරක කාලයේ රුපියල් කෝටි හතරකට අධික මුදල් හා දේපොළ සොයාගත් බවට  අල්ලස් කොමිසම, අමාත්‍ය රෝහිත අබේගුණවර්ධන මහතාට එරෙහිව පවරා තිබූ නඩුවෙන් ඔහු  අද ( 19)  නිදහස් කළේය.

විත්තිකරුට එරෙහි මෙම නඩුව තවදුරටත් පවත්වාගෙන නොයන බවට අල්ලස් කොමිසම කළ දැනුම් දීමක් පිළිගත් කොළඹ මහාධිකරණ විනිසුරු ආදිත්‍ය පටබැඳි මහතා සියලු චෝදනාවලින් ඔහු  මෙලෙස  නිදහස් කළේය.

ඉකුත් 2010 -14 අතර කාලයේ අමාත්‍යවරයකු  ලෙස සේවය කරමින් සිටියදී සිය වත්කම් හා දේපළවලින් උපයාගත නොහැකි වූ රුපියල් ලක්ෂ 412 ක මුදල් හා දේපොළවලට හිමිකරුව සිටි බවට අල්ලස් කොමිසම විසින් ඔහුට විරුද්ධව චෝදනා නඟා තිබිණි.